الموضوع: اماكن مقابله كيا

طيب هو كدا كدا الرحاب قريبه من التجمع الخامس
يعنى فى أسوأ الظروف ممكن نطلع كلنا على التجمع فى الميتنج بوينت دى
وأنا هعمل وصفه للرحاب علشان محدش يتوه بردو
ولو فى ناس هتتجمع فى مدينه نصر فعلا تتجمعوا عند فرغلى علشان فى أماكن ركنه كتيره هناك فى الوقت دا
بالنسبه للمعاد الناس الى جايه من خارج القاهره تقدر تيجى الساعه كام؟؟؟

طيب يا جماعه مرواح الرحاب سهل جدا جدا جدا ومش محتاج وصف
طبعا كلنا عارفين طريق النصر
هتمشى فيه متجه الى مدينه نصر لغاااااااايه أخره
هتلاقى كوبرى يوديك على المطار والشيراتون وكدا
متطلعوش فى دخله يمين قبليه تدخلها
الرجاء الدخله دى غبيه جدا لأنك بتبقى سريع ونازل واحد من يمينك سريع بردو وعايزين تخشوا عكس بعض
فياريت الانتباه
بعد كده يمين الى طريق مصر السويس
شغل السى دى وأفتح التكيف وأشرخ بتاع 15 دقيقه
شويه وهتلاقى عند الكيلو 114 مدخل التجمع الاول والمدرسه الانجليزيه
كمل كمان كيلو ولا أتنين هتلاقى يافطه مدخل مدينه الرحاب
تدخل الطريق تمشى فيه شويه هتلاقى مطب وبعدين ميدان
عدى الميدان وأمشى طوالى زى منت
أول يوترن تلف تلاقى بنزينه موبيل على يمينك ومدخل بوابه 13 لازق فيها
والحمد لله على السلامه :)

دا أسكتش أهبل للوصفه :)

المشاركة الأصلية كتبت بواسطة waleedelpiloot

وما نفكرش للية يا حماعة فى هيبر انتا روحت هناك(هيبر) قبل كدة يا نورمال؟؟

اه طبعا :))

المشاركة الأصلية كتبت بواسطة night_phoenix

اصدقائي البهوات
ممكن الخص بعض الاسئله الي شفتها النهارده والموقف الحالي للمقابله؟؟

1- من الواضح حتي الان ان مكان المقابله : الرحاب (حتي اشعار اخر)
بنسبه 99 % الرحاب و لو لاقينا الدنيا زحمه هنروح الميتنج بوينت التجمع الخامس
2- يوم الجمعه 7/9
اه خلاص ده مفيهوش كلام
3- ميعاد المقابله الساعه كام بالتحديد؟؟؟
ان شاء الله 3 لو الفوت رسي علي الرحاب
4- مكان التجمع فين تحديدا؟؟
مدينه نصر جنينه مول عند فرغلي
5- هل هيكون في مكان للتجمع, ثم الانطلاق مجمعا لمكان المقابله؟؟؟
ايوه يا باشا في السؤال الي فات
6- مكان المقابله فين تحديدا؟
برده في السؤال الي فات
7- مين الشخص المسؤول عن مكان التجمع و الي هيكون عارف الرحاب (بطبيعه الحال لازم يكون عارف الرحاب كويس)؟
في كذا واحد قال عارف مكان الرحاب نورمال قال عارف و عتريس قال عارف
8-ايه الموجود في المكان ده؟ شكل الباركنج؟ عدد السيارات الي يمكن استيعابها؟؟؟ الاماكن الترفيهيه فيه؟
بصراحه مش عارف
- خطه المقابله ايه؟
برده مش عارف محدش اقترح حاجه
10- محتاجين ارقام تليفونات 3-4 اشخاص يكونوا مرجع لينا في حاله التاخير - التوهان خاصه اني اعتقد ان مش كلنا عارفيين الرحاب و انا علي راسهم مش عارفها
ده رقمي علشان نبقي مع بعض علي الطريق و اي حد من الي جايين التجمع الاولاني بتاع مدينه نصر 0112724805
11- هل في احتمال لوجود حاجه لحجز مكان او قريه او ما شابه؟ ولو كده امتي الفلوس هتتلم ومين هيلمها
لو في حاجه زي كده هناك هنلم الفلوس اول ما نتجمع
12- مع احترامي لنتيجه الفوت.. هل احدي قري الهرم مش ممكن تكون اسهل في تنظيمها من مدينه الرحاب؟؟

انا في جميع الاحوال مع الي هنتفق عليه كلنا.
ارجو ان تجميعه الاسئله دي تكون ليها قيمه و ياريت نحاول نوصل لاجابات محدده واضحه عشان تكون مقابله جميله
احب افكر البشوات ان فاضل حوالي 96 ساعه فقط



عندي اقتراح كمان صغير:
ممكن نقفل الفوت خلاص بنهايه يوم الاتنين و نعلن المكان اعلان نهائي غير قابل للرجعه؟ و بعدها نركز اهتمامنا علي بقيه النقط الي ذكرتها؟؟؟
عشان نلاقي وقت للتنظيم؟
انا معاك في النقطه دي بكره بليل ان شاء الله نقفل التصويت بكره الساعه 12 ان شاء الله ارجو من الاداره غلق الفوت غدا و لو متقفلش هنبقي احنا رسينا خلاص