الموضوع: Xenon for new cerato

المشاركة الأصلية كتبت بواسطة alzwawy

هو ممنوع بس في الفوجات مش ممنوع
و بعدين متفهمش اذا كان ممنوع ولا لأ ازاي يبقي ممنوع و العربيات تنزل بيه من بره عادي و تدخل بيه عادي و تترخص عادي
بلدك متفهملهاش حاجه
ده بيركب عادي بتشيل اللمبه و تحط اللمبه و في جهاز بيركب بس كده

السلام عليكم
يا باشا ليا تعقيب بعد اذنك
الزينون اللى انت مركبه هو اللى ممنوع فقط لانه لمبه هالوجين ممنوعه فى العربيات عموما اصلا عشان بتعمى اللى قدامك فى الطريق
و ممكن تسبب فى حوادث تصادم لا قدر الله
مكوناتها فعلا لمبه هالوجين +جهاز مساعد بيركب و يوصله كهربه.


لكن المصرح بيه فى العالم كله حتى فى مصر و بيتصرح بيه هو:
1- اللى بينزل مع العربيه اصلا و بيكون فيه عدسات لتشتيت الضوء (عشان ميعميش حد)او توزيع الضوء بطريقه سليمه,
و دى كمان بتفرش الطريق احسن من غير اذى لحد تانى.
2- الزينون اللى تركبله عدسه زى اللى بينزل فبريكه مع العربيات الغاليه و ده ممكن يكون عموله تعمله عند واحد نضيف و بيفهم عشان العدسه ممكن متبقاش مظبوطه و متستفدش بيها اصلا و بدل ما تفرش الطريق ,متبقاش شايف اصلا,
لانها لازم تتعمل بزاويه معينه فهمتنى,
زى السبويلار بالظبط لازم يكزن انواع معينه و مظبوط على زاويه معينه عشان يثبت الجزء الخلفى من العربيه على الارض و بكده يزود من ثبات العربيه و يقلل من العومان .
كل حاجه و ليها سبب فى الدنيا .
يا ريت تكون تقبلت كلامى بصدر رحب