الموضوع: احترت ومش لاقى حد غير المنتدى ده واعضاؤه الخبراء فى مجال السيارات

المشاركة الأصلية كتبت بواسطة theleadre

[overline]انا اسف انا اقصد 300:200كيلو[/overline]

ارشحلك 131 او 132 او لادا بس دول كلهم ممكن يقدوا معاك اسبوع سفر و رايح جاي
بس هيفتحوا بقهم عشان العمر علي الاقل و الحر والله الكلام ده عن تجربه مريره مهما كانت حاله العربيه نضيفه
انا شايف ان حضرتك تجيب عربيه قابله للتعديل زي جولف 1 و لا حاجه و تسقطلها موتور نضيف بحاجاته هتبقي جديده و اشد كتير من المستعمل المهلوك ((بس كده هضطر تزود المبلغ)

او 504 بس معرفش سعرها كام

افتكر ان 504 تمنها اعلى من كده

فى مشكله انا معرفش اعمل اللى حضرتك بتقول عليهجولف واسقطلها ماتور واعدله للاسف

مقولتليش ايه رئى حضرتك فى النيفا

والله انا كل اللي اعرفه عن النيفا انها كانت مع والدي زماااان عربيه الشغل
بس كل ما يشوفها دلوقتي في الشارع يعد يشتم
بيقلي تقيله اوي و عفشه حجر و غير مريحه بالمره
من الاخر جرار زراعي
بالنسبه للعربيه يبقي 131 بس دور علي و احده موديل 83 84 مثلا 1600 cl((احسن و انعم و اكثر موتور توفير بنزين و سهوله صيانه)) و تاخدها تلف بيها لفه محترمه
ميكانيكي كهربائي عفشجي اساسيات يعني
بس يكونو بيفهمو كويس و الحاجه اللي يقلولك شغاله ب 3/4 كفائتها حتي ارميها و هات غيرها متقلقش قطع غيارها متوفره جدا و رخيصه جدا جدا جدا
بس المهم تجيب اصلي و من حد مضمون زي الكيلاني ((ركز اوي في اصلي ديه ))اوعي تجيب صيني او تركي او مصري
و ربنا معاك
في بالسعر ده يجيب بردو مازدا 323 و دي تسال عنها وحوش المازدا ايه اخبارها
http://www.nilemotors.net/Nile/93075-323-82-a.html

انا متشكر جدا لحضرتك اخ cheetos علشان حضرتك اللى متابع معايا بخبرتك وانا ان شاء الله هصلى صلاة استخاره وانزل السوق واشوف الدنيا فيها ايه يبقى اقول لحضرتك ايه اللى حصل
بس ليه موديل 83 84 فى سبب للمودلين دول ولا كله زى بعضه
بقول لحضرتك على حاجه لو لقيت فى الوق بيجو 504 كويسه ولا ايه معلش انا تقلت عليك

المشاركة الأصلية كتبت بواسطة theleadre

انا متشكر جدا لحضرتك اخ cheetos علشان حضرتك اللى متابع معايا بخبرتك وانا ان شاء الله هصلى صلاة استخاره وانزل السوق واشوف الدنيا فيها ايه يبقى اقول لحضرتك ايه اللى حصل
بس ليه موديل 83 84 فى سبب للمودلين دول ولا كله زى بعضه
بقول لحضرتك على حاجه لو لقيت فى الوق بيجو 504 كويسه ولا ايه معلش انا تقلت عليك

لا تقلت عليه ايه يا راجل هو في الكلام ده في نايل موتورز
83 84 عشان دول اخر موديلين في 131 عشان متبقاش هلكانه اوي او قديمه قوي سبعينات مثلا
لو بيجو 504 يبقي احسن متهيالي كفايا ان الواحد بيشوفها لحد دلوقتي بتسافر بين البلاد و في الصعيد زي الاسد
بس استهلاك بنزين الله اعلم عشان 2000 سي سي
بس نصيحه ديه او ديه متنزلش عن 1600 سي سي عشان السفر ولو حبيت كمان تركب تكيف
و في 131 تدور 1600 1 كامه موتور ممتاز
وبردو دور هنا في المنتدي عن سيارات للبيع بلاش السوق كله تجار و عالم ولاد تييييييييييييت
و خلي بالك الاسعار في المواقع زي car100100 ,contact cars بتبقي عاليه قوي و مش سعر السوق
يبقي تختار من هنا او عربيه بيتي او الوسيط احسن حاجه
وده لينك تقدر تسال فيه عن اي حاجه تخص ال 131 و انا معاك بردوhttp://www.nilemotors.net/Nile/67592-131.html

انا متشكر جدا بس انا مش عارف اعمل انا حاسس ان 131 دى هطلع عينى انا معرف غير اسوق بس حتى لما اسمع صوت فى العربيه معرفش ده من ايه ومعرفش اروح لمكنيكى ولا لعفشجى انا كان معايا 128 وطلع عينى فيها بعتها وجبت هيونداى خليجى حاله كويسه بس بردو نفس المشكله اسمع صوت او تعمل اى حاجه معرفش اروح لمين اروح للميكنيكى يفك ويشتغل والزبون يدفع ويرجع العيب تانى اروح للعفشجى يفك ويشتغل والزبون يدفع واروح اجرب انا اصلا معرفش المظبوط يبقى ازاى وصرفت عليهم كتير بس انا عارف اللى صرفته مش فى محله لوكان فى مكانه المظبوط كان الموضوع اختلف المهم تعبت جدا وبعتها طبعا بخساره
ونويت اجيب عربيه جديده بالقسط ومش راكب مستمل تانى وقلت اللى كنت بصرفه فى التصليح ادفعه قسط هيبقى كتير شويه بس راكب حاجه نضيفه مش هتوجع قلبى لقيت الموضوع مش سهل زى ماانا كنت متخيل دى مفرادات وبنك واستعلام وقصه كبيره واحد صحبى قلى الفرق كده كتير اوى وحرام وربا ومش عارف ايه جيب حاجه مستعمله وخلاص وقلت اطوعه ونا ونصيبى بس انا خايف لاحسن اعمل زى قبل كده وده غالبا اللى هيحصل فانا مش عارف اعمل انا عايز عربيه تريحنى مش تتعبنى انا عارف انى تعبتك معايا بس اعمل ايه هوا مش المفرض ان المكان ده انسب مكان اسئل فيه واستشير اعضاءه ولا ايه

مالها 128 شغالة زي الفل


هاتها

المشاركة الأصلية كتبت بواسطة happpy

مالها 128 شغالة زي الفل


هاتها

انا بقولك طلعة عينى تقولى هاتها داولدى حلف ميت يمين هههههه ان 128 متخشش بيتنا طول ماانا عايش

نصيحة هات البيجو ممتازة وبتستحمل البهدلة عربية بقالها 20 سنة بتسافر ومش بتقول لالالا انا انصحك بيها لو مش هامك البنزين وربنا ومعاك ومتنساش الاستخارة

شكرا اخ wc_ksa على مرورك الكريم وان شاء الله هستخير ربنا وهو يوفنى للصالح