الموضوع: قطع الغيار الاصلية والمضروبة فى الـ 127 ... راى الخبراء ضرورى عشان احترت كثيير

بص يا باشا هو طبعا ً الأساس فى سيارة هو أساسيتها الكويسة تبص على الشاسية والقوائيم وغيره .. ودة طبعا ً شغلة السمكرى الشاطر الفاهم الى هتاخدو معاك فى اى عربية هاتشتريها

أما بالنسبة للفرق ما بين العربيتين انا ركبت الأتنين والأتنين احلى من بعد

بس لو هاتجيب توب هات اخر موديل الى هو 80

والفرق ما بين التوب والفيورا

الفيورا
1- شكل التابلوه أحلى
2- اربع أبواب وسهولة ركوب الأفراد
3- موديل حديث
4- عداد ار بى ام
5- شكلها الخارجى بيبقا أحلى لما تتشد

التوب
1- تابلوه مش قد كدة بس بيبقا موسع العربية من قدام لأنه صغير عن تابلوه الفيورا
2- طبعا ً بيبان بس
3- أخر موديل موديل 80
4- لا يوجد بها ار بى ام ولاكن يمكن تركيبه
5- شكلها الخارجى جيد أيضا ً

الماتور واحد فى الأتنين والصيانة وقطع الغيار هيا هيا

أما بالنسبة للأسعار

بالنسبة للفيورا لو موديل حديث مثل 1986 او 1687 فابريكة جوة هاتعمل فى حدود 17.500

بالنسبة للتوب أخر موديل الى هو 1980 فابريكة جوة هاتعمل حوالى 14

وعلى حسب الحالة والموديل السعر بيفرق

حط فى بالك ان طقم الكهرباء بتاع ال 127 مش بيعدى ال 35 جنية
أما الألكترونى المشط بس بيعدى 100 جنية