مش عاارف ليية مش بحس اني بصيف
غيير في جمصة وراس البر
روحت اسكندرية وروحت مرسي مطروح بس مش بحس اني في مصيف
انا رايح جمصة وراس البر اليومين اللي جاايين دوول
لو حد راايح نتقاابل هنااك
عرض للطباعة
مش عاارف ليية مش بحس اني بصيف
غيير في جمصة وراس البر
روحت اسكندرية وروحت مرسي مطروح بس مش بحس اني في مصيف
انا رايح جمصة وراس البر اليومين اللي جاايين دوول
لو حد راايح نتقاابل هنااك
انا روحت راس البر وبجد قمة الملل وكمان البحر ملوش صنف اللازمة بس الهوا هناك حلو
بما ان شكلها هيبقي مشوار بمشوار لاني زهقت من الجنب دة كله (الاسماعيليه بورسعيد راس البر) فبفكر في العين السخنة او راس سدر او مش بعيد الاتنين مع بعض
بس معرفش هناك الاسعار ايه عشان اقدر اظبط الميزانية فلو حد يعرف يقولي
حد يعرف قرى سياحيه او فنادق فى الغردقه تكون اسعارها حنينه شويه
انا رحت السنة اللى فاتت فى شهر سبعة راس سدر وكانت تحفة ولا حر ولا حاجة وهادية والبحر من غير موج وكان الشاليه غرفتين ب 350 والغرفة الواحدة ب 250 جنيه فى الليله والمستوى رائع وفيه بيسينات ومنطقة العاب مائية المشكلة بس فى القرية دى ان المطعم كان غالى فكنت بجيب الاكل من راس سدر البلد وكانت بتبعد حوالى 20 كيلو عن القرية اتمنى اكون افدتك
جرب سيناء وخاصه العريش
بحر نضيف جدا جدا جدا جدا , اسعار هى الارخص , شاليهات تنط من البلكونه فى الرمله ولو فى حد فى البحر ممكن تنده عليه يعنى ولا هتعدى شارع ولا تروح البحر بالعربيه
البلد رخيصه جدا ( ارخص من القاهره فى الاكل والمواصلات ) , الناس خدومه وطيبه جدا , هدوووووووء تام واقرب شمسيه ليك على البحر مش اقرب من 10 - 15 متر واكتر
عيبها الوحيد انها مش بلد فسح وخروجات هى كل اللى فيها سينما ( 3 افلام ب 10 جنيه وشاشه على البحر وعيشة ) وسيرك وكورنيش بكافتيريات مش زى اسكندريه مثلا
من الاخر مصيف استجمام بعيد عن جو المدينه الصاخبه
طيب نظام مرسى مطروح ايه في اسعار الشقق او الشاليهات وهل مواصلاتها غالية وهل الشاليهات والشقق قريبة من البحر ولا عايزة عربية ومواصلات كل ما نحب نروح البحر.
واماكن ايه اللي ممكن اروحها وادفع في حدود 150 في اليوم
الاول بشكركم كلكم يا جماعة على مساعدتكم وادينا بنستفيد كلنا من خبرات بعض
العريش صعبة جدا بسبب العربية صعب اغامر واخد العيلة كلها المسافة دي كلها
انا عايز مكان قريب شوية علشان ممكن اروح وارجع مرة تانية اخد والدي ووالدتي
ماشي يا باو اياد
ده انا غيرت التوقيع بتاعي
شكلي هرجعهولك تانى واعملك نشرة في المنتدي
الاول ربنا يشفي والدك يا رب يا احمد وكل مرضي المسلمين اجمعين
ثانيا حلوة موضوع بلطيم ده
يا ريت يا جماعة لو فيه حد من هناك او راح هناك قبل كدة يمدنا بمعلومات تفصيلية وصور لو امكن شوفوا الطمع
ولو الشاليه ب100 جنيه في اليوم فعلا وشاليه محترم دي تبقي لقطة
راس البر الرجالة اعلنوها منطقة مغلقة السنة دي بسبب تلوث المية
جمصة مفيش معلومات عنها يا ريت تفيدنا وتخبط لنا شوية صور وانت هناك
بردو حلوة بس انت نسيت تقولنا اسم القرية ايه
ونظام الفسح وخصوصا بالليل
وهل نفس الاسعار السنة دي ولا فيه تغيير
كل ما تشتهى يا باشا حسب الميزانيه
فى شقق للأيجار فى بلوكات اهالى بينها وبين المياه يادوب دقيقه واحده زى العمارات صف اول اللى على كورنيش اسكندريه بتعدى بس شارع حارتين تبقى فى الشقه ودى بتبقى 4 سراير ومطبخ مجهز وبلكونه كاشفه المياه كلها ب 80 جنيه فى اليوم مثلا , وفى هتلاقى ب 60 كمان بس هى تنفع شباب اكتر من عيله
على الميه عدل فيه فلل للأيجار بيبقى اليوم بحوالى 200 جنيه دورين ودى تشيل جيش من جوا ومنك للرمله علطول
وفى جوا قريه مغلقه شاليه علوى او ارضى برده منك للرمله وفيو تحفه من البلكونه للبحر كله وفرش لوكس ب 120 ل 180 فى الليله حسب بقا اذا كانت مكيفه او لا وترتيبها فى الشاليهات علشان بتبقى واخده 7 فى التصميم بغرض الخصوصيه
يعنى 200 جنيه فى اليوم هناك تقعدك فى اجمد حاجه
البلد كلها عباره عن طريق بلاجات فيه قريتين وكان فندق ومدينه سكنيه من ناحيه للطريق والناحيه التانيه وسط البلد , طريق البلاجات كله الميكروباص بياخده بجنيه تقريبا وده هيبقى تنقلك من اى مكان لأى مكان والتاكسى يوم ما تفرمه المشوار المتين مش هيكتر معاك فى الكلام عن 7 جنيه ده من اخر شبر فى العريش لأولها لكن المشاوير العاديه من 3 ل 5
نسيت اقول ان فعلا القناديل فى شهر 5 و 6 بتبقى لوز , بس ثالث اسبوع فى 7 بتبقا نادره قوى وبتموت كلها اخر اسبوع واول شهر 8 بتكون اختفت تماما
الاسعار دى ازيد من السنه اللى فاتت شويه تحسبا طبعا للزياده العاديه الا اذا كان الدنيا لعبت معاهم السنه على غير العاده , لكن العادى الاسعار بتزيد ببطأ قوى هناك
ويبقى حظك مقندل لو المعبر اتفتح وانت هناك , هتلاقى البلد فجأه بقت سويسرا وعلبه السجاير ب 50 جنيه والتاكسى ميقفش يتكلم معاك بأقل من 100 بندق :)