-
عايز اصيف اروح فين
عايز كمان اسبوع ولا اتنين اخد الاسرة ونطلع نصيف في اي مكان يكون كويس
ممكن اسكندرية او اسماعيلية او راس البر
المطلوب شاليه على البحر ممكن اعرف فين يبقي كويس والاسعار متكونش غالية ؟؟؟؟؟؟؟؟
افيدونا يا اهل الشواطئ بدل ما ندعي عليكم الشواطيء يحصل لها نحر
-
ههههههههههههههههههههه حلوة نحر ده اووووي اسكندرية زحمة اوووي انا كنت بفكر اطلع بس محتار حاليا بفكر في العين السخنة او مرسي مطروح
-
نصيحة طازة يا دكتور
بلاش راس البر لان الميه هناك بجد السنة دى لا يمكن تكون انضف من اي بلاعة
انا كنت هناك من كام يوم وبلاش عقلك يخليك تروح خميس او جمعة عشان المصايف بتبقي زحمة بغباء يخنق فيهم
-
ليه ياهيثم بس ماتسيبه يشوف بنفسه
ههههههههههههههههههههههههه هههههه انا كمان مانصحكش لو عاوز تحس بالمصايف زى زماااااااااان عليك وعلى مرسى مطروح
-
بص يا مان خليك في اليكس الاسماعيلية ممكن تكون حر و بعدين ماعتقدتش انك هتلاقي اماكن فسح كتيير
في منتجع في النخيل على البسين الشاليه كان ب 250 جند انا مش فاكر اسمه بس هو كان في شارع واحد
يعني ادخل النخيل وخليك ماشي لحد البحر و قبل البحر بشارع ادخل يمين لحج الآخر هتلاقيه
هو ظريف وفي وجبة فطار تعبانة صحيح بس اهو . هو عيبه الوحيد ان دخول الاكل مش مسموح بيه
ممكن تاجر شقة و خلاص و تبقى براحتك
-
بحر وفسح و أسعار معقولة
يبقي مطروح
-
يعني الاسعار في مطروح كام ياجماعة لاني مروحتهاش قبل كدة
-
أخر الكلام في موضوع المصيف
روح بلطيم ..كفر الشيخ
الميه نضيفة جدا ...وحلاوتها إن بطليم دي مقسومة نصين(بلطيم البلد: ودي فيها المصالح الحكومية والسكان العاديين وخلافه)
والنص التاني (بلطيم المصيف:ودي شاليهات بسسسسسس..وكافيهات وسينمات ومحلات للمصيفين وخلافه..يعني من غير سكان..مصيفين بسسسسسسس)
والأسعار هناك تحفة
ممكن تاخد شاليه على البحر على طوووووول ..بــ100 جنيه في اليوم
وده أقل من أي مصيف تاني
وعلى مستوى خدمات المدينة
جميلة جدااااااااااا...مصيف راقي وعلى مستوى ممتاز
أنا ماعرفتش أروح فايد النهاردة مع المقابلة..علشان ظروف والدي الصحية
بس إن شاء الله ناوي أروح بلطيم كام يوم
-
مروحتهاش قبل كدة بلطيم دي بس جديدة ومكنش عالبال يا دوك
طب دي طريقها ايه و بيعمل كام كيلو من عندك لان شكلها بعيدة وربنا يعلم بطرقها هتبقي ازاي
-
إزاي تروح بلطيم......همممممممممم
بص
هيا على الطريق الدولي للي عاوز يروح من على الدولي
ومن الشرقية....
بتاخد طريق السنبلاوين - المنصورة - بلطيم
هيا يمكن تكون بعيدة شوية
بس بجد مصيف تحفة...والأجمل فيه أسعاره
والأجمل كماااان ...إنه مصيف بس
يعني مش مدينة وفيها مصيف...لااااااااا
شاليهات وفيلل و سكن للمصطافين بس
Content Relevant URLs by
vBSEO 3.6.0 PL2