شوتر
يا ريت تفاصيل مرسي مطروح بالتفصيل الممل
السكن خصوصا الشاليهات اللي على البحر
المناطق اللى بتكون فيها المية مفيهاش مد قوي وتمشي مسافة على ما المية تبدا توصل لنص الجسم علشان الاطفال
اماكن الترفيه والاسعار
عرض للطباعة
شوتر
يا ريت تفاصيل مرسي مطروح بالتفصيل الممل
السكن خصوصا الشاليهات اللي على البحر
المناطق اللى بتكون فيها المية مفيهاش مد قوي وتمشي مسافة على ما المية تبدا توصل لنص الجسم علشان الاطفال
اماكن الترفيه والاسعار
الاسعار معقولة بالنسبة للمصيف وموضوع المد والجزر متقلقش منه بيبقي نادر في مطروح وبعدين احنا كام في الشهر العربي؟ ممكن ميبقاش في مد وجزر اساساً
بالنسبة للاسعار معقولة والله بس اللي ممكن يبقي غالي السكن اي كان بقي شالية او شقة او حتي اوتيل
لان الموسم باظ منهم عشان رمضان وعايزين يعوضوا
انا مسافر بعد ساعتين علي فكرة
تروح وترجع بالسلامة يا ريت لو تقرير مفصل للاسعار واماكن يبقا عملت معانا احلي واجب ورحلة سعيدة يا رب
أسعار مطروح من 150 جنيه الشقق وفي ب 200 وطالع بأه لحد 400 و 500 جنيه شاليهات الأبيض بلاش شاطئ الفيروز عشان الشاطي لجوه ارضه طينية لأنه في الأصل كان ملاحة
باب البحر دى يا دكتور محمد حتة بعد مبنى المحافظة وهيا منطقة هادية
ومتوسط اسعار الشقق زى ما قتلتلك انة 190 بس دة كلام البواب العمارة الى كنا فيها (شقة واحد صاحبى ) فا مش عارف السعر الحقيقى للايجار هايقل او يزيد عن دة ولا لاء
جنبك سوبر مركتات كتير جدا وعندهم كل حاجة
كروت شحن سجاير كل حاجة
حتة الفكهانية الى هناك عندهم سجاير وركورت شحن
البحر هناك حلو ووهادى جدا وارتفاع المية واطى جدا يعنى متقلقش
بس مشكلتها انها ملحة اوى اوى
قريبة من البلد جدا مفيش خمس دقائق بالعربية او المواصلات ( موجوده هناك كتير جدا )
فى كافتريات هناك كتير جدا وكلهم على البحر
ولو هتسافر بالعربية متقلقش فى استرحات كتير جدا فى الطريق
بس اوعى اوعى تسافر بالقطر
( هاتندم ندم عمرك كلة لو سافرت بالقطر الا لو كان النوم او الاكسبريس )
وان شاء الله لو هاتروح ممكن احاول اجبلك نمرة بواب العمارة الى انا بقولك عليها دى
الغردقة متترحشي في الصيق تتراح شتا اما لو حد مصمم يروح الغردقة فاساعارها دلوقتي واقعة لانها مش الموسم بتاعها
مطروح انا كل سنة بروح و كل سنة باجر فى وسط البلد فى عمارات نضيفة جدا كل سنة بتغلى 50 جنية عن اللى قبلها السنة دة هتلاقيها فى حدود 350 بعد اسبوع لو الاسبوع دة هتلاقيها غالية و مش هتفرق رمضان من غيرة كلة غالى لان رمضان هيبقى فية هنا مسيحين كتير فالسعر بيغلى من السماسرة لان الكل هيتملى و هما عارفين يعنى و كل حاجة زى مانتا عاوز الشاليهات الكبيرة بتوصل ل 600 عالبحر وسط البلد فى اماكن نضيفة و خاصة ليك لوحدك و بالجناين فالسنة دية فى حدود ال 300 و ممكن لو غالى اوى هيبقى 350 لشقة مثلا ثلاث غرف و مطبخ و حمام و بلكونة انا اخدت السنة اللى فاتت امام مسجد العوام حتة مشهورة اوى فى هناك و من اغلى الاماكن هناك شقة عالبحر كبيرة و ليها بلكونة حفة كنا بنتغدى فيها العيلة كلها عالبحر و رائعة كانت ب 350 جنية بس فاصل معاهم جامد و متحاولش حاجة تعجبك قدامهم امشى و سيبها و لو متاخر يبقى عز الطلب بقى لان الصبح لحد اربعة خمسة الظهر بيكون فى ناس جاية غير كدة ممكن ياجرلك ارخص شوية بدل ما تضييع علية تمن يوم بليل ارخص و هيا مكان روعة و على فكرة فيها خروجات عائلية كافيهات اسواق روعة و فيها ديسكهوات و بحر فى قمة النضافة و هتلاقى مستويات عالية هناك و البلد ماشية بالورقة و القلم فى المرور نضيفة جدا
اماكن الخروج بقى : فى كافيهات طول الطريق و فية حاجات مميزة زى سلطانة بتاع ايس كريم و كدة اعدة كبيرة جدا و اسعارة مش غالية اوى و مفتوحة واخدةمكان تلات عمارات كدة
وفية اعدات ماك و كوك دور هناك اكثر من رائعة بيبقى زحمة طول اليوم دة عالبحر عالطول مكان شواطئ كدة و اسعارهم زى اللى فى مصر فى بعض الحاجات و حاجات تانية اغلى حاجة بسيطة بس روقان دماغ على الاخر
و فية حسنى بتاع المشويات اللى فى مدينة نصر فاتح بردة الناحية التانية من البحر اكلة روعة اسعار غالية اة شوية بس مش جدا يعنى يعنى اقل من ابو شقرة عائلة كاملة هتدخل فى 300 جنية لو افتريتوا فى الاكل 350 جنية و حسنى مشهور هناك جدا اسال علية من اى مكان
شارع ليبيا و سوق ليبيا و شارع اسكندرية اسواق مشهورة اوى هناك للستات يعنى مبقتش زى زمان بس تحس انك نازل العتبة بس فيها حاجات رخيصة عن مصر كتير جدا و مليانة مشبك و هدوم و حلويات
فية ديسكو لما تمشى اخر شارع مطروح الرئيسى دة لما يبقى ادامك البحر تاخد ايدك الشمال لاخرها فى فنادق بقى بتاعة اعلى مستوى هناك الجزويت و سان جوزيف و كدة يعنى فية ممشى قدامهم اركن العربية جواة و اتمشى فية ديسكوة بس بيقفل بدرى و فية اعدات عالبحر محدودة بس روعة و لو بتحب البكينى ممكن تدخل شاطئ فى المنطقة دية الصبح ههههه بس الفرد 75 جنية طول اليوم بس تحسانك فى شرم بنانة بقى و جيت سكى و هتلاقى اجانب ساعات
و اكتشف انتا بقى شوية بنفسك كل الاماكن هناك حلوة هتلاقى اعدات كتير تعجبك طول مانتا ماشى و الاسعار هناك ارخص من الساحل بكتير فى كل حاجة و السوبر ماركيت هناك اكتر من الرز و اسعارة زى مصر و يوم ابقى روح الاندلسية حلوة يعنى اتفرجعالبلد كلها هترجع لها كل سنة بلد روعة وعة روعة انا هناك كل سنة و طالع فى رمضان ان شاء الله
المواصلات علشان تبقى مستريح تروح بعربية هناك حتى لو مش هتكفى العدد كلة يروحوا الباقى باتوبيس و تبقوا مع بعض هناك لكن لو مرحتش بعربية هتندم و مش هتحس بحلاوتها عن خبرة روح بعربية
واله تقرير شديد وجامد اوي يا باشا وبشكرك جدا عليه
بس السؤال عن الشاليسهات لاكبيرة اللى ب600 جنيه دي نظامها ايه ؟؟؟؟؟؟؟
وبعدين بكيني مين يا باشا انت عايز الحكومة تعملي امر اعتقال وترحلني فورا على القاهرة متوديناش في داهية (ممكن ابقي ازوغ واروح لوحدي ههههههههههههههههههههههههه هه)
[QUOTE=mstool;3872830098]مطروح انا كل سنة بروح و كل سنة باجر فى وسط البلد فى عمارات نضيفة جدا كل سنة بتغلى 50 جنية عن اللى قبلها السنة دة هتلاقيها فى حدود 350 بعد اسبوع لو الاسبوع دة هتلاقيها غالية و مش هتفرق رمضان من غيرة كلة غالى لان رمضان هيبقى فية هنا مسيحين كتير فالسعر بيغلى من السماسرة لان الكل هيتملى و هما عارفين يعنى و كل حاجة زى مانتا عاوز الشاليهات الكبيرة بتوصل ل 600 عالبحر وسط البلد فى اماكن نضيفة و خاصة ليك لوحدك و بالجناين فالسنة دية فى حدود ال 300 و ممكن لو غالى اوى هيبقى 350 لشقة مثلا ثلاث غرف و مطبخ و حمام و بلكونة انا اخدت السنة اللى فاتت امام مسجد العوام حتة مشهورة اوى فى هناك و من اغلى الاماكن هناك شقة عالبحر كبيرة و ليها بلكونة حفة كنا بنتغدى فيها العيلة كلها عالبحر و رائعة كانت ب 350 جنية بس فاصل معاهم جامد و متحاولش حاجة تعجبك قدامهم امشى و سيبها و لو متاخر يبقى عز الطلب بقى لان الصبح لحد اربعة خمسة الظهر بيكون فى ناس جاية غير كدة ممكن ياجرلك ارخص شوية بدل ما تضييع علية تمن يوم بليل ارخص و هيا مكان روعة و على فكرة فيها خروجات عائلية كافيهات اسواق روعة و فيها ديسكهوات و بحر فى قمة النضافة و هتلاقى مستويات عالية هناك و البلد ماشية بالورقة و القلم فى المرور نضيفة جدا
تقريرك ممتاز بصراحة وانتوا شجعتوني اني اروح السنة دي بس لاني مش عارفة البلد خالص معلش بقة شوية اسئلة
العمارات اللي انت بتاخد فيها عند مسجد العوام اسم الشارع ايه
وهل معاك نمر تليفون سمسار او بواب او صاحب الشقة اللي علي البحر
واول لما اوصل اعمل ايه اروح لسمسار ولا اروح الاندوليسية ولا ايه