الافيو اتعجنت

**aymaneid** · 04-07-2010 12:58 AM

مادام انت كويس مش مشكلة ... كمل انت على قد ما تقدر وطلعوا هو من المشكلة دى
ما هو كمان هيصلح عربيته وى فيها فلوس بس نصيحة حاول تعمل الدهان عند واحد صح وى بلاش هو يعملهالك عشان يطلع الدهان كويس وى ترجع العربية زى ما كانت انا خصلتلى الموضوع ده وى خبط عربية اسكودا اكتافيا موديل السنة بتاعتها وى كانت وحدة ست وى طلعت كويسة وى كبرت دماغها رغم انى كنت غلطان وى ماشى عكسى وى دمرتلها الباب وى لو كان واحد هو صاحب العربية كانت بقت مشكلة كبيرة وى ماكنشى سبنى امشى ....
وى لما بفتكرها صراحة بدعيلها لانى ماكنشى عندى فلوس اعملها العربية فى التوكيل .... . خراب يابا
فخد انت الدعوة احسن ما يدعى عليها وى هى مش مستهلة اوى ... احمد ربنا انك كويس وى سليم ...
كله فى الصاج مش فيك
وى ربنا ان شاء الله هيكرمك وى تصلحها على اكمل وجه

**ahmedbibo** · 04-07-2010 01:23 AM

انذااااااار: اى واحد يشوف عربيه فيرنا فى الطريق يمشى ويجرى من جمبها لانها معرضه لانقلاب فى اى وقت ............ ليس بها فرااااااااااامل ............. ماتور فى علبه كبريت على رأى واحد صاحبى

معلش يا باشا وقدر ربنا وان شاء الله تتصلح وياريت تتنازل عن الراجل عشان السواقين بتوع التاكسى غلابه بجد كفايه عليه عربيته الى ادمرت اكيد

**hema_fg2** · 04-07-2010 02:38 AM

الحمد لله انت حضرتك تمام وان شاء الله الخساره الى فى العربيه تتعوض وانا من رأيى ان الراجل بتاع التاكسى مش غلطان ولو حضرتك تعرف تسيبه ياريت يبقى كده ربنا هيكرمك اوى..........والف حمدالله ع سلامه حضرتك

**ahmed88hassan** · 04-07-2010 04:06 AM

ربنا يعوض عليك
حاول تشيل معاه في التكاليف علي قد ما تقدر

**zidaneelwaly** · 04-07-2010 09:55 PM

متشكر يا جماعه علي كل الردود دي
انا بالفعل اتنازيلتلو انهارده عن المحضر انهارده في اللحظه الاخيره قبل ما يطلع النيابه و قعد يدعيلي
ورجعتو بيتو كمان
انهارده الحمد لله العربيه خلصت عند السمكري و الدوكو و استلمتها
هيا من برا كويسه بس من جوه فيها تعاويج
بعد استلامها روحت اظبط زوايا و دفعت 120 عند موبيل
و قالي الكاوتش معووج 4 سنتي و ظابط الليله بس البلي متكسر و بيعمل صوت و انا ماشي من الامام الجهه اليمني
و هاظبط الفوانيس الخلفيه عند الكهربائي عشان مش بينورو مش عارف ليه و الفلاشر في التابلوه سريع جدا

و هاجيبلكو الصور بكره ان شاء الله

**meero_boy2000** · 15-07-2010 10:58 AM

قل لن يصيبنا الا ماكتب الله لنا الحمد لله انك سليم ياباشا

**ahmedezzat78** · 17-07-2010 08:43 AM

الحمد لله
وزى ما بيقولو قضا اخف من قضا

**m_mekkawy** · 17-07-2010 09:38 AM

من اتلف شيئ عليه اصلاحة
واللهى فردة الكاوتش ضربت مش مسؤلية الراجل اللى واقف فى حالة
بس لو عايز تساعده من باب الشفقة مفيش مشكله

**m_mekkawy** · 17-07-2010 09:40 AM

المشاركة الأصلية كتبت بواسطة zidaneelwaly

متشكر يا جماعه علي كل الردود دي
انا بالفعل اتنازيلتلو انهارده عن المحضر انهارده في اللحظه الاخيره قبل ما يطلع النيابه و قعد يدعيلي
ورجعتو بيتو كمان
انهارده الحمد لله العربيه خلصت عند السمكري و الدوكو و استلمتها
هيا من برا كويسه بس من جوه فيها تعاويج
بعد استلامها روحت اظبط زوايا و دفعت 120 عند موبيل
و قالي الكاوتش معووج 4 سنتي و ظابط الليله بس البلي متكسر و بيعمل صوت و انا ماشي من الامام الجهه اليمني
و هاظبط الفوانيس الخلفيه عند الكهربائي عشان مش بينورو مش عارف ليه و الفلاشر في التابلوه سريع جدا

و هاجيبلكو الصور بكره ان شاء الله

ربنا يعوض عليك وجزاك الله خيرا
وان شاء الله الدعاوى اللى دعاهالك تبقى من حدك ونصيبك