الافيو اتعجنت

**zidaneelwaly** · 02-07-2010 11:07 AM

ازيكو يا جماعه حصل معايا موقف امباريح يا رب ما حد يشوفه
كنت راكن عند المريلاند جمب الرصيف و اعد في العربيه برتب ورق الشغل
بس كنت اعد في الكرسي اليميين و فاتح الباب و فجأه تاخخخخخخخخخخ
لقيت نفسي طرت و دماغي اتخبطت في الازاز الامامي و لقيت العربيه ألي راكنه ادامي شنطيتها مدمره امت خارج و انا مش مصدق ألي بيحصل
لقيت عربيه فيرنا تاكسي الكاويتش بتاعها ضرب راح داخل فيا من ورا
التلفيات
1 الجمب الشمال من ورا كله ادمر
2 الكاوتش انعوج الخلفي
3 الباب بقا كفته الخلفي الشمال
4 الباب اليمين من ادام كان مفتوح لحظه الخبطه ز طلع فوق الرصيف و اتعوج
5 الشبكه الاماميه الرفرف الامامي نزل طبعا

الموقف مشي ازاي بقا : سواق التاكسي اعد يلطم و يصرخ
طلبت الشرطه و وصلو و عملو محضر و في ثواني كان اككتر من 10 تاكسيات حوالينا و انا كنت لوحدي

المهم عملت المحضر و هوا قالي انا هاعملهالك بس بلاش محضر
قولتلو صلاحها و انا اتنازل و العربيه دلوقتي عند السمكري بتتسمكر بس هوا عاوززني اساعده في الدوكو عشان غالي

و بالنسبه لعربيتو الفيرنا هيا طبعا عليها اقساط و متأمن عليها فهوا اخد صوره المحضر عشان التأمين

فأنا مش عارف و حاليا معييش فلوس كفايا عشان الرش بنفس اللون الفيراني
حد يعرف تتكلف كام هو الجمب من اول الفانوس الخلفي لغايت نص الباب الخلفي

انا حبيت اكتب الموقف ده عشان الواحد اكيد هايستفيد من المواقف ألي زي دي
و ربنا يسترها معانا كلنا

**kae** · 02-07-2010 11:20 AM

واللهِ يا باشا أنا شايف بدم الراجل مش هو اللي غلطان يعني فردة الكاوتش ضربت لوحدها , يعني وهو سواك تاكسي يعني تلاقيه طالع عينه علشان يقسط العربية, أنا لو مكانك حسيبه لله وخلاص والحمد لله إنك سليم. لو زنقة معاك موضوع الفلوس ده خليه يدفعهم ليك على اقساط محتلة لو المبلغ 1000 جنيه كلو خليه كل شهر يدفعلك مثلا 200 جنيه كل شهر لمدة 5 شهور.

**ahmed643** · 02-07-2010 03:03 PM

لا حول ولا قوه الا بالله

**BrainStorm** · 02-07-2010 04:22 PM

أنا شايف ن آدام هو طلع كويس وعنده النية إنه يصلحها وفعلا بدأ في تصليحها يبقى هو شخص كويس بس هو أكيد مش هيقدر علشان هو بيدفع اقساط التاكسي فانا شايف ن حضرتك لو تقدر تسيبه سيبه علشان هو مطحون أصلا وغير كده كمان سبب الحادثة ماكانش بإيده ده قضاء وقدر وعفا الله عما سلف

**fawzyyyy** · 02-07-2010 06:33 PM

انا مش عارف اقولك ايه بس قدر الله و ما شاء فعل........و أنا رايي ما دام هو وافق انه يصلحها بس المشكلة في الدهان فاخلاص معلش اتحمل انت الدهان و خلاص بس هو اللي يصلحلك السمكرة....ما هو معلش بردو ذنبك انت ايه......بس حرجع و اقولك بردو ان ده قدر و مكتوب و هو اكيد غلبان و ملهوش يد في اللي حصل.....فلو تقدر تسيبه سيبه و اهو حيفضل يدعيلك طول حياته......و لو متقدرش فا ده حقك و مش عيب
و ربنا معك والله