الموضوع: مشاكل جديدة تظهر في محركات تويوتا

طھظˆظٹظˆطھط§ طھط³ط.ط¨ 270 ط§ظ„ظپ ط³ظٹط§ط±ط© ظپظٹ ط§ظ„ط¹ط§ظ„ظ… ظ„ظ…ط´ظƒظ„ط© ظپظٹ ط§ظ„ظ…ط.ط±ظƒ
اعلنت شركة تويوتا لصناعة السيارات الجمعة انها ستسحب 270 الف سيارة من طراز "ليكسوس" الفخم ومن طراز "كراون" في العالم معظمها في الولايات المتحدة، بسبب مشكلة في المحرك.واوضحت ريريكو تاكوشي المتحدثة باسم تويوتا "ان هذه العملية سببها خلل في الصمام يمكن ان يثير ضجيجا او ابطاء (دوران المحرك). وفي اسوا الحالات يمكن ان يتوقف المحرك".
والسيارات المجهزة بهذا المحرك الذي يعاني خللا هي موديلات ليكسوس جي اس 350 وجي اس 450 اتش وجي اس 460 واي اس 350 وال اس 460 وال اس 600 اتش وال اس 600 اتش ال اضافة الى طراز تويوتا كراون.
ويشمل اجراء السحب 137 الف سيارة في الولايات المتحدة و90 الف سيارة في اليابان وتتوزع 43 الفا اخرى في مناطق اخرى من العالم.
وشهدت المجموعة اليابانية ازمة كبيرة في الاشهر الاخيرة بسبب مشاكل تقنية بالجملة في سياراتها خصوصا في دواسات السرعة التي يمكن ان تبقى عالقة بعد الدوس عليها، مما دفع تويوتا الى استرجاع عشرة ملايين سيارة في العالم معظمها في الولايات المتحدة.
ودفعت تويوتا وهي المصنع الاكبر للسيارات في العالم غرامة بقيمة 16,356 مليون دولار في الولايات المتحدة بسبب تأخرها في الابلاغ عن مشاكل دواسات السرعة ولم تستبعد السلطات الاميركية ان تنزل عقوبات اخرى بها.

مع إحترامى لصاحب المشاركه
ولكن سيادتك بتتكلم عن لكسس وكراون المباعه فى أمريكا وعيوب تنتج ضوضاء ووضعت عنوان مثير ولكن المحتوى أعتقد إنه لا علاقه له بمنطقتنا أو إهتماماتنا

المشاركة الأصلية كتبت بواسطة sigma

مع إحترامى لصاحب المشاركه
ولكن سيادتك بتتكلم عن لكسس وكراون المباعه فى أمريكا وعيوب تنتج ضوضاء ووضعت عنوان مثير ولكن المحتوى أعتقد إنه لا علاقه له بمنطقتنا أو إهتماماتنا

انا اسف....المرة الجاية هاسأل حضرتك ايه رايك في الموضوع قبل ما اكتبه
هو العنوان مثير ازاي يعني..مش واخد بالي ايه وجه الاثارة الي انت شايفها في العنوان
الخبر كان موجود علي مصراوي و انا نقلته زي ماهو بالعنوان اللي مصراوي كان كاتبه...انا اسف ماخدتش بالي ان العنوان مثير للدرجة دي
انا شايف ان الخبر يستاهل يتكتب لان دي تاني مرة تويوتا تعترف بوجود اخطاء في عربياتها في خلال سنة...حاجة غريبة ولا حضرتك شايف ايه؟ و بعدين صحيح الخبر عن لكزس و عربيات موجودة في أمريكا..بس ده لأن الناس في امريكا مش هاتقبل تركب عربيات معيوبة و تويوتا بتعمل الف حساب للمستهلكين في امريكا و اوروبا....و اكيد الكلام ده بيختلف بالنسبة للسوق العربية و بالذات المصرية...يعني حتي لو العيوب دي موجودة في الكورولا اللي في مصر...تويوتا مش هاتسحب العربيات زي ما بتعمل في امريكا...و بعدين بالعقل كده عربية زي اللكزس ولا الكراون اللي متصنعة في اليابان طلع فيها عيوب يبقي الفئة الارخص الي متصنعة في جنوب افريقيا هايكون شكلها ايه؟؟؟

علي فكرة انا مش قصدي حاجة...بس بسبب طريقة ردك و اعتبارك ان الموضوع غير زي اهمية انا بقي حبيت اعرفك ان الموضوع مهم لبعض الناس... و لو حضرتك شايف ان الموضزع غير زي قيمة و الحكاية مجرد عنوان مثير فالرجاء تجاهل الموضوع و لا داعي لتضيع وقتك بقراءته و الرد عليه
شكرا

المشاركة الأصلية كتبت بواسطة ahmedbibo

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

:b4_388:

المشاركة الأصلية كتبت بواسطة wael17

انا شايف ان الخبر يستاهل يتكتب لان دي تاني مرة تويوتا تعترف بوجود اخطاء في عربياتها في خلال سنة...حاجة غريبة ولا حضرتك شايف ايه؟ و بعدين صحيح الخبر عن لكزس و عربيات موجودة في أمريكا..بس ده لأن الناس في امريكا مش هاتقبل تركب عربيات معيوبة و تويوتا بتعمل الف حساب للمستهلكين في امريكا و اوروبا....و اكيد الكلام ده بيختلف بالنسبة للسوق العربية و بالذات المصرية...يعني حتي لو العيوب دي موجودة في الكورولا اللي في مصر...تويوتا مش هاتسحب العربيات زي ما بتعمل في امريكا...و بعدين بالعقل كده عربية زي اللكزس ولا الكراون اللي متصنعة في اليابان طلع فيها عيوب يبقي الفئة الارخص الي متصنعة في جنوب افريقيا هايكون شكلها ايه؟؟؟

هو الكلام ده موجود في اوروبا ؟
ثانيا ياريت نبطل كلمة ياباني أصْلي (كإن الباقي مضروب مثلا ), تويوتا هي تويوتا.
ثالثا, هل تعلم حضرتك إن بي ام و مرسيدس عندهم مصانع في جنوب افريقيا , يا ترى بقى ده مرسيدس مضروب ؟؟
و بعدين مع فائق الاحترام, حضرتك راكب اسبرانزا معمولة في مصر , دي بقى اسمها مصري صيني مضروب ؟؟؟

المشاركة الأصلية كتبت بواسطة doush

:b4_388:
ثانيا ياريت نبطل كلمة ياباني أصْلي (كإن الباقي مضروب مثلا ), تويوتا هي تويوتا.

يا ريت بس قبل ما ترد تبقي تقرأ اللي انا كاتبه كويس...لم ترد في مشاركتي كلمة اصلي او مضروب..انت اللي قلت الكلام ده بدون مناسبة...انا كل اللي قلته اني لما الاقي اللكزس المصنوعة في اليابان بتتسحب عشان عيوب في المحرك يبقي من حقي اقلق من الياريس ولا الكورولا المصنوعة في جنوب افريقيا....ماحدش جاب سيرة اصلي و مضروب...واخد بالك معايا؟! كلامي واضح؟!

المشاركة الأصلية كتبت بواسطة doush

:b4_388: ثالثا, هل تعلم حضرتك إن بي ام و مرسيدس عندهم مصانع في جنوب افريقيا , يا ترى بقى ده مرسيدس مضروب ؟؟

مش فاهم برده اي حكاية اصلي و مضروب معاك؟! بس الي احب اقوله لك...بس يارب تفهم...انا مثلا ناوي ان شاء الله اجيب بي ام علي شهر 10 و كنت حيران بين البي ام 318 و السي 180 و رسيت علي البي ام....من النهارده لحد ما اشتري في شهر 10 لو سمعت ان شركة بي ام كل شوية تسحب عربياتها من السوق عشان عيوب في المحرك و عيوب في الفتيس يبقي من حقي اقلق و طبيعي جدا ارجع في كلامي و اروح اجيب مرسيدس و اريح دماغي...هل معني كلامي ان بي ام مضروبة و مرسيدس اصلي ؟!

المشاركة الأصلية كتبت بواسطة doush

:b4_388:
و بعدين مع فائق الاحترام, حضرتك راكب اسبرانزا معمولة في مصر , دي بقى اسمها مصري صيني مضروب ؟؟؟

و انا كمان مع "فائق الاحترام" احب اسال حضرتك...ايه علاقة عربيتي بالموضوع؟ طب ما انا ممكن ماكتبش نوع العربية الي معايا زيك...لأ بجد ايه علاقة عربيتي بالموضوع؟
عايز تقولي يعني انت معاك سبيرانزا بلاش تجيب سيرة التويوتا؟؟ ماشي يا عم..متشكرين علي ذوقك
بس احب اقولك ان انا كنت من المعجبين بالتويوتا حتي وقت قريب بس بصراحة راي اتغير فيها... و لو هاختار بين كورولا و سيفيك...هاجيب سيفيك و انا مغمض بدل ماجيب تويوتا و يطلع فيها عيب في الفتيس ولا المحرك...علي العموم انا مش بافكر في الياباني خالص و لو هاشتري عربيات تاني مش هاجيب غير اوروبي

المشاركة الأصلية كتبت بواسطة waleedraafat

شكرا للخبر ، انا باهتم بكل جدا بتلك النوعية من الاخبار وباحاول ادور علي تقييمات المستهلك الغربي للسيارات الواقعة في دائرة اهتمامي لاني اثق في حكمه حتي تتكون لدي رؤية واضحة عن السيارات والتي ارغب في التغيير لها مستقبلا

والنوعية دي من الاخبار مهمة لاي حد مهتم اصلا بعالم السيارات حتي يستطيع تكوين راي شخصي وتقييم عادل للسيارة التي ينوي شراؤها وحتي يصل لقرار (العربية دي بالعيوب دي والميزات دي الي الكل اقرها تسوي تمنها ولا نفكر في غيرها) وخصوصا في اليومين الصعبين دول الي ماحدش عارف فيهم الكبير هيفضل كبير ولا هيستعيل علشان يحقق مكاسب اكبر

العفو يا باشا...الحمد لله في ناس مهتمة بالخبر و شايفة انه يستاهل النشر مش زي الاخ اللي بيقولي انت حاطط عنوان مثير لخبر مالوش قيمة..

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

المشاركة الأصلية كتبت بواسطة ahmedbibo

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

هما مين اللى "بيحولو يضربوها" دول....هو انت مش قرائت الكلام زى ما كلنا قرائنة كدة ...

اذا كانت تويوتا بنفسها هى اللى اعلنت الخبر و الكلام كلة من عند تويوتا يبقى ازى "بيحولو يضربهوها "" انا مش فاهمهما دى الصراحة

اذا كانت تويوتا نفسها اللى بتعلن عن المشاكل اللى فى سيارتها ..و بتقولك فى مشكلة فى محركتها و حتسحب 270 الف سيارة..اظن يعنى مافيش حد حيكون على علم بمحركات تويوتا اكتر من تويوتا نفسها ..

ولا يمكن شركة تويوتا بتتلكك لمحركتها و عاوزة تطلع عيوب و السلام عشان تضرب نفسها بنفسها....

المشاركة الأصلية كتبت بواسطة wawoo

هما مين اللى "بيحولو يضربوها" دول....هو انت مش قرائت الكلام زى ما كلنا قرائنة كدة ...

اذا كانت تويوتا بنفسها هى اللى اعلنت الخبر و الكلام كلة من عند تويوتا يبقى ازى "بيحولو يضربهوها "" انا مش فاهمهما دى الصراحة

اذا كانت تويوتا نفسها اللى بتعلن عن المشاكل اللى فى سيارتها ..و بتقولك فى مشكلة فى محركتها و حتسحب 270 الف سيارة..اظن يعنى مافيش حد حيكون على علم بمحركات تويوتا اكتر من تويوتا نفسها ..

ولا يمكن شركة تويوتا بتتلكك لمحركتها و عاوزة تطلع عيوب و السلام عشان تضرب نفسها بنفسها....

كلام منطقى جدا و اوافقك عليه
هى شركة تويوتا ملايكة ما بيغلطوش ابدا !!!

يعنى إنت مش راكب تويوتا ولاناوى تشتريها وعمال تجيب فى موضوعات وتاعب نفسك وتكتب ردود
يا راجل إنت فى منتدى مش خناقه زى ما بتسمح لنفسك تكتب موضوع لازم تتقبل ردود الناس عليه لأن الأصل فى المنتدى هو المشاركه بالرأى
وزى ما بتكتب موضوعات لازم تتوقع ردود الناس عليك مهما كانت نوعيتها

ومن الأمانه أنقل لك ما سمعته من صديق لى لسه شارى مرسيدس 180 وهى إن فتيس البى إم والفولكس الباسات فيهم مشاكل وده زى ماقلت سمعته ولكن ماعنديش أى تأكيد رسمى من موقع أو جريده