مشاكل جديدة تظهر في محركات تويوتا

**Sharky** · 04-07-2010 03:05 PM

المشاركة الأصلية كتبت بواسطة wawoo

هما مين اللى "بيحولو يضربوها" دول....هو انت مش قرائت الكلام زى ما كلنا قرائنة كدة ...

اذا كانت تويوتا بنفسها هى اللى اعلنت الخبر و الكلام كلة من عند تويوتا يبقى ازى "بيحولو يضربهوها "" انا مش فاهمهما دى الصراحة

اذا كانت تويوتا نفسها اللى بتعلن عن المشاكل اللى فى سيارتها ..و بتقولك فى مشكلة فى محركتها و حتسحب 270 الف سيارة..اظن يعنى مافيش حد حيكون على علم بمحركات تويوتا اكتر من تويوتا نفسها ..

ولا يمكن شركة تويوتا بتتلكك لمحركتها و عاوزة تطلع عيوب و السلام عشان تضرب نفسها بنفسها....

كلام منطقى جدا و اوافقك عليه
هى شركة تويوتا ملايكة ما بيغلطوش ابدا !!!

**معتز** · 04-07-2010 06:24 PM

الكل بيغلط.........بس لما تكون فى دولة زى امريكا.......الغلطات ممكن تتضخم بواسطة اكبر ميديا فى العالم....وبتاثير اكبر مجتمع استهلاكى...
على العموم تويوتا مبيعاتها فى حالة صعود غريب خاصة داخل امريكا....التقارير بتتكلم عن معدلات تتجاوز 24 % فى شهر مايو وقبلها كان ايضا نفس القيمة عن اشهر مارس وابريل......
اللى عايز اقوله....تويوتا بتغلط كثير وباقى العالم برضة....بس ازاى بيتم استخدام هذة الاخطاء للضغط لصالح الشركات الامريكية اللى فى وضع سئ..هى دى امريكا..وهو ده الموضوع

**waleedraafat** · 04-07-2010 08:32 PM

شكرا للخبر ، انا باهتم بكل جدا بتلك النوعية من الاخبار وباحاول ادور علي تقييمات المستهلك الغربي للسيارات الواقعة في دائرة اهتمامي لاني اثق في حكمه حتي تتكون لدي رؤية واضحة عن السيارات والتي ارغب في التغيير لها مستقبلا

والنوعية دي من الاخبار مهمة لاي حد مهتم اصلا بعالم السيارات حتي يستطيع تكوين راي شخصي وتقييم عادل للسيارة التي ينوي شراؤها وحتي يصل لقرار (العربية دي بالعيوب دي والميزات دي الي الكل اقرها تسوي تمنها ولا نفكر في غيرها) وخصوصا في اليومين الصعبين دول الي ماحدش عارف فيهم الكبير هيفضل كبير ولا هيستعيل علشان يحقق مكاسب اكبر

**wael17** · 04-07-2010 11:29 PM

المشاركة الأصلية كتبت بواسطة doush

:b4_388:
ثانيا ياريت نبطل كلمة ياباني أصْلي (كإن الباقي مضروب مثلا ), تويوتا هي تويوتا.

يا ريت بس قبل ما ترد تبقي تقرأ اللي انا كاتبه كويس...لم ترد في مشاركتي كلمة اصلي او مضروب..انت اللي قلت الكلام ده بدون مناسبة...انا كل اللي قلته اني لما الاقي اللكزس المصنوعة في اليابان بتتسحب عشان عيوب في المحرك يبقي من حقي اقلق من الياريس ولا الكورولا المصنوعة في جنوب افريقيا....ماحدش جاب سيرة اصلي و مضروب...واخد بالك معايا؟! كلامي واضح؟!

المشاركة الأصلية كتبت بواسطة doush

:b4_388: ثالثا, هل تعلم حضرتك إن بي ام و مرسيدس عندهم مصانع في جنوب افريقيا , يا ترى بقى ده مرسيدس مضروب ؟؟

مش فاهم برده اي حكاية اصلي و مضروب معاك؟! بس الي احب اقوله لك...بس يارب تفهم...انا مثلا ناوي ان شاء الله اجيب بي ام علي شهر 10 و كنت حيران بين البي ام 318 و السي 180 و رسيت علي البي ام....من النهارده لحد ما اشتري في شهر 10 لو سمعت ان شركة بي ام كل شوية تسحب عربياتها من السوق عشان عيوب في المحرك و عيوب في الفتيس يبقي من حقي اقلق و طبيعي جدا ارجع في كلامي و اروح اجيب مرسيدس و اريح دماغي...هل معني كلامي ان بي ام مضروبة و مرسيدس اصلي ؟!

المشاركة الأصلية كتبت بواسطة doush

:b4_388:
و بعدين مع فائق الاحترام, حضرتك راكب اسبرانزا معمولة في مصر , دي بقى اسمها مصري صيني مضروب ؟؟؟

و انا كمان مع "فائق الاحترام" احب اسال حضرتك...ايه علاقة عربيتي بالموضوع؟ طب ما انا ممكن ماكتبش نوع العربية الي معايا زيك...لأ بجد ايه علاقة عربيتي بالموضوع؟
عايز تقولي يعني انت معاك سبيرانزا بلاش تجيب سيرة التويوتا؟؟ ماشي يا عم..متشكرين علي ذوقك
بس احب اقولك ان انا كنت من المعجبين بالتويوتا حتي وقت قريب بس بصراحة راي اتغير فيها... و لو هاختار بين كورولا و سيفيك...هاجيب سيفيك و انا مغمض بدل ماجيب تويوتا و يطلع فيها عيب في الفتيس ولا المحرك...علي العموم انا مش بافكر في الياباني خالص و لو هاشتري عربيات تاني مش هاجيب غير اوروبي

المشاركة الأصلية كتبت بواسطة waleedraafat

شكرا للخبر ، انا باهتم بكل جدا بتلك النوعية من الاخبار وباحاول ادور علي تقييمات المستهلك الغربي للسيارات الواقعة في دائرة اهتمامي لاني اثق في حكمه حتي تتكون لدي رؤية واضحة عن السيارات والتي ارغب في التغيير لها مستقبلا

والنوعية دي من الاخبار مهمة لاي حد مهتم اصلا بعالم السيارات حتي يستطيع تكوين راي شخصي وتقييم عادل للسيارة التي ينوي شراؤها وحتي يصل لقرار (العربية دي بالعيوب دي والميزات دي الي الكل اقرها تسوي تمنها ولا نفكر في غيرها) وخصوصا في اليومين الصعبين دول الي ماحدش عارف فيهم الكبير هيفضل كبير ولا هيستعيل علشان يحقق مكاسب اكبر

العفو يا باشا...الحمد لله في ناس مهتمة بالخبر و شايفة انه يستاهل النشر مش زي الاخ اللي بيقولي انت حاطط عنوان مثير لخبر مالوش قيمة..

**sigma** · 05-07-2010 11:05 AM

يعنى إنت مش راكب تويوتا ولاناوى تشتريها وعمال تجيب فى موضوعات وتاعب نفسك وتكتب ردود
يا راجل إنت فى منتدى مش خناقه زى ما بتسمح لنفسك تكتب موضوع لازم تتقبل ردود الناس عليه لأن الأصل فى المنتدى هو المشاركه بالرأى
وزى ما بتكتب موضوعات لازم تتوقع ردود الناس عليك مهما كانت نوعيتها

ومن الأمانه أنقل لك ما سمعته من صديق لى لسه شارى مرسيدس 180 وهى إن فتيس البى إم والفولكس الباسات فيهم مشاكل وده زى ماقلت سمعته ولكن ماعنديش أى تأكيد رسمى من موقع أو جريده

**John_Samy_1** · 05-07-2010 01:13 PM

خبر يهم كل متابع لأحوال الشركات أو حتى اقتصاديات سوق السيارات. الهدف من الأخبار ديه مش لازم يكون عمل تقيم لجودة ماركة معينة أو بلد إنشاء معين لأي عربية. والحبر ده كان ممكن نقراه في مصدره. شكرا على المجهود و علي نقله عشان كلنا نستفيد منه. و أحسن حضرتك توجه ردودك لأي مناقشة موضوعية ومعلش تقبل شوية مناقشة باراء مختلفة.
شكرا جدا على مجهودك, الموضوع افادني.

**wael17** · 05-07-2010 06:54 PM

المشاركة الأصلية كتبت بواسطة sigma

يعنى إنت مش راكب تويوتا ولاناوى تشتريها وعمال تجيب فى موضوعات وتاعب نفسك وتكتب ردود

لا انا مش راكب تويوتا و عمري ما هاشتريها...يبقي محرم عليا اكتب في قسم تويوتا؟!
انت بتقول " عمال تجيب في موضوعات" انا كل مشاركاتي في قسم بي ام - فولكس - مرسيدس - سبيرانزا و دي كانت اول مشاركة لي في قسم تويوتا.. فين بقي (عمال تجيب في موضوعات)!!!!.كل ذنبي اني شفت الخبر لسه نازل علي مصراوي قلت انقله هنا عشان الناس تستفيد و ماكنتش ناوي اتابع الموضوع لاني زي انت ما قلت مش مهتم بالياباني بس بصراحة في بعض الردود استفزتني...يا سيدي علق علي الخبر مش علي اللي كاتب الخبر!!!! واحد يقولي انت جايب عنوان مثير لخبر مالوش قيمة و التاني يقولي انت راكب سبيرانزا مصري صيني مضروبة!!!!! ايه ده!!! انا عمري ما شفت الاسلوب ده في الاقسام التانية! حاجة غريبة قوي!
يعني موقع مصراوي غلطان انه جاب الخبر ده؟ انا يدوب نقلت الخبر بعنوانه و حتي ماقلتش رأي و لا نطقت كلمة حلوة او وحشة...
علي العموم انا اسف جدا اني نقلت الخبر ده من مصراوي...حقيقي انا غلطان... حقكم علي

**amrseba** · 07-07-2010 05:28 AM

يا جدعان والله ده ملعوب امريكى ياعنى ازاى المشاكل ديه مش فى مصر ولا فى الخليج و لا حتى فى اسيا ولا فى اوروبا

امريكا فقط

انتم عارفين العربيات الامريكيه فى امريكا وقعه بسبب تيوتا وياعم امريكا تقدر تعمل اى حاجه مش هتقدر تعمل عيوب فى سيارات تيوتا

ليه موضوع التسارع المفاجئ ده محصلش فى اى دوله غير امريكا

ليه مشكله المحركات ديه حصلت فى امريكا فقط

ليه و ليه و ليه وليه وليه

اسئله عديده ليس لها جواب منطقى ابدا

وياعنى مش ممكن يكون فى تلاعب فى العربيه لما تروح التوكيل او المسؤل عن اصلاحات

عشان يسوئو سمعه شركه كبيره وعلى فكره لو كانت شركه وحشه مكنتش حققت المبيعات الرهيبه فى كل انحاء العالم

وكان الناس اشتكت من موديلاتها القديمه لكن لا شكوى فى موديلاتها القديمه

وعلى فكره مهما يحصل ومهما يقولو تيوتا هيا تيوتا حصل ايه اسمها تيوتا

اسم حفر على الصخووووور على مدى سنين مع موديلات ناجحه من سنه 80 حتى الان موديلاتها ناجحه منتشره بها اعتماديه عاليه جدا

المشاركة الأصلية كتبت بواسطة doush

:b4_388:

هو الكلام ده موجود في اوروبا ؟
ثانيا ياريت نبطل كلمة ياباني أصْلي (كإن الباقي مضروب مثلا ), تويوتا هي تويوتا.
ثالثا, هل تعلم حضرتك إن بي ام و مرسيدس عندهم مصانع في جنوب افريقيا , يا ترى بقى ده مرسيدس مضروب ؟؟
و بعدين مع فائق الاحترام, حضرتك راكب اسبرانزا معمولة في مصر , دي بقى اسمها مصري صيني مضروب ؟؟؟

يا باشا مينفعش حضرتك تعيب فى العربيه وديه مش اخلاق التيوتاويه

الراجل ناقل خبر وقال الناس تستفيد منه

مينفعش نعيب فى عربيته حتى لو كانت معموله تحت بير السلم

كل واحد وقدراته انت هتقدر تجيب تيوتا هو هيقدر يجيب اسبرنزا وديه كلها امكانيات

وياريت يا باشا تقبل اسافنا بجد وشكرا ليك

والتيوتا عمهم يا معلم وكبير المنطقه حد يقدر يتكلم نص كلمه عليها

**Sharky** · 07-07-2010 01:03 PM

عمرو باشا واضح ان حضرتك عضو جديد فى المنتدى
الموضوع دا اتكلمنا فيه العديد من المرات فى المنتدى و فى الأخر طلع ان موضوع نظرية المؤامرة مالوش اساس من الصحة

تويونا زيها زى غيرها من الشركات عندها عيوب فى سياراتها و زادت فى الفترة الاخيرة لإهتمامهم بالمنافسة على لقب الصانع الاكثر انتاجا فى العالم على حساب الجودة و دا من كلام تويوتا نفسها :)