مشاكل جديدة تظهر في محركات تويوتا

**wael17** · 02-07-2010 02:17 PM

طھظˆظٹظˆطھط§ طھط³ط.ط¨ 270 ط§ظ„ظپ ط³ظٹط§ط±ط© ظپظٹ ط§ظ„ط¹ط§ظ„ظ… ظ„ظ…ط´ظƒظ„ط© ظپظٹ ط§ظ„ظ…ط.ط±ظƒ
اعلنت شركة تويوتا لصناعة السيارات الجمعة انها ستسحب 270 الف سيارة من طراز "ليكسوس" الفخم ومن طراز "كراون" في العالم معظمها في الولايات المتحدة، بسبب مشكلة في المحرك.واوضحت ريريكو تاكوشي المتحدثة باسم تويوتا "ان هذه العملية سببها خلل في الصمام يمكن ان يثير ضجيجا او ابطاء (دوران المحرك). وفي اسوا الحالات يمكن ان يتوقف المحرك".
والسيارات المجهزة بهذا المحرك الذي يعاني خللا هي موديلات ليكسوس جي اس 350 وجي اس 450 اتش وجي اس 460 واي اس 350 وال اس 460 وال اس 600 اتش وال اس 600 اتش ال اضافة الى طراز تويوتا كراون.
ويشمل اجراء السحب 137 الف سيارة في الولايات المتحدة و90 الف سيارة في اليابان وتتوزع 43 الفا اخرى في مناطق اخرى من العالم.
وشهدت المجموعة اليابانية ازمة كبيرة في الاشهر الاخيرة بسبب مشاكل تقنية بالجملة في سياراتها خصوصا في دواسات السرعة التي يمكن ان تبقى عالقة بعد الدوس عليها، مما دفع تويوتا الى استرجاع عشرة ملايين سيارة في العالم معظمها في الولايات المتحدة.
ودفعت تويوتا وهي المصنع الاكبر للسيارات في العالم غرامة بقيمة 16,356 مليون دولار في الولايات المتحدة بسبب تأخرها في الابلاغ عن مشاكل دواسات السرعة ولم تستبعد السلطات الاميركية ان تنزل عقوبات اخرى بها.

**sigma** · 02-07-2010 04:03 PM

مع إحترامى لصاحب المشاركه
ولكن سيادتك بتتكلم عن لكسس وكراون المباعه فى أمريكا وعيوب تنتج ضوضاء ووضعت عنوان مثير ولكن المحتوى أعتقد إنه لا علاقه له بمنطقتنا أو إهتماماتنا

**omaroof** · 03-07-2010 01:43 AM

اكيد العيوب دى فى العربيات الفاخره وده مايهمناش على اى حال لكن شكرا للمعلومات

**ahmedbibo** · 03-07-2010 01:49 AM

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

**wael17** · 03-07-2010 01:51 AM

المشاركة الأصلية كتبت بواسطة sigma

مع إحترامى لصاحب المشاركه
ولكن سيادتك بتتكلم عن لكسس وكراون المباعه فى أمريكا وعيوب تنتج ضوضاء ووضعت عنوان مثير ولكن المحتوى أعتقد إنه لا علاقه له بمنطقتنا أو إهتماماتنا

انا اسف....المرة الجاية هاسأل حضرتك ايه رايك في الموضوع قبل ما اكتبه
هو العنوان مثير ازاي يعني..مش واخد بالي ايه وجه الاثارة الي انت شايفها في العنوان
الخبر كان موجود علي مصراوي و انا نقلته زي ماهو بالعنوان اللي مصراوي كان كاتبه...انا اسف ماخدتش بالي ان العنوان مثير للدرجة دي
انا شايف ان الخبر يستاهل يتكتب لان دي تاني مرة تويوتا تعترف بوجود اخطاء في عربياتها في خلال سنة...حاجة غريبة ولا حضرتك شايف ايه؟ و بعدين صحيح الخبر عن لكزس و عربيات موجودة في أمريكا..بس ده لأن الناس في امريكا مش هاتقبل تركب عربيات معيوبة و تويوتا بتعمل الف حساب للمستهلكين في امريكا و اوروبا....و اكيد الكلام ده بيختلف بالنسبة للسوق العربية و بالذات المصرية...يعني حتي لو العيوب دي موجودة في الكورولا اللي في مصر...تويوتا مش هاتسحب العربيات زي ما بتعمل في امريكا...و بعدين بالعقل كده عربية زي اللكزس ولا الكراون اللي متصنعة في اليابان طلع فيها عيوب يبقي الفئة الارخص الي متصنعة في جنوب افريقيا هايكون شكلها ايه؟؟؟

علي فكرة انا مش قصدي حاجة...بس بسبب طريقة ردك و اعتبارك ان الموضوع غير زي اهمية انا بقي حبيت اعرفك ان الموضوع مهم لبعض الناس... و لو حضرتك شايف ان الموضزع غير زي قيمة و الحكاية مجرد عنوان مثير فالرجاء تجاهل الموضوع و لا داعي لتضيع وقتك بقراءته و الرد عليه
شكرا

**Doush** · 03-07-2010 11:14 AM

المشاركة الأصلية كتبت بواسطة ahmedbibo

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

:b4_388:

المشاركة الأصلية كتبت بواسطة wael17

انا شايف ان الخبر يستاهل يتكتب لان دي تاني مرة تويوتا تعترف بوجود اخطاء في عربياتها في خلال سنة...حاجة غريبة ولا حضرتك شايف ايه؟ و بعدين صحيح الخبر عن لكزس و عربيات موجودة في أمريكا..بس ده لأن الناس في امريكا مش هاتقبل تركب عربيات معيوبة و تويوتا بتعمل الف حساب للمستهلكين في امريكا و اوروبا....و اكيد الكلام ده بيختلف بالنسبة للسوق العربية و بالذات المصرية...يعني حتي لو العيوب دي موجودة في الكورولا اللي في مصر...تويوتا مش هاتسحب العربيات زي ما بتعمل في امريكا...و بعدين بالعقل كده عربية زي اللكزس ولا الكراون اللي متصنعة في اليابان طلع فيها عيوب يبقي الفئة الارخص الي متصنعة في جنوب افريقيا هايكون شكلها ايه؟؟؟

هو الكلام ده موجود في اوروبا ؟
ثانيا ياريت نبطل كلمة ياباني أصْلي (كإن الباقي مضروب مثلا ), تويوتا هي تويوتا.
ثالثا, هل تعلم حضرتك إن بي ام و مرسيدس عندهم مصانع في جنوب افريقيا , يا ترى بقى ده مرسيدس مضروب ؟؟
و بعدين مع فائق الاحترام, حضرتك راكب اسبرانزا معمولة في مصر , دي بقى اسمها مصري صيني مضروب ؟؟؟

**معتز** · 03-07-2010 11:54 AM

معقول..فى ناس مش واخد بالها من ملعوب امريكانى اضح.......تويوتا.يجب ان تعانى ولازم ترجع تانى بعيد عن الامريكانى .......لكى تبقى gm الاولى.......على الاقل فى امريكا.........بس برضة تويوتا هتكسب......ليه....لان الضربه التى لا تقصم الظهر تقويه

**wawoo** · 03-07-2010 12:20 PM

المشاركة الأصلية كتبت بواسطة ahmedbibo

يا جدعان انتم مش ملاحظين ان المشاكل فى امريكا بس مفيش مشاكل فى اوروبا او اسيا او افريقيا

وعشان العربيه محققه نجاح باهر فى امريكا الشركات الامريكيه زى فورد و شيفورليه الامريكيه و كاديلاك وال gmc و كريسلر

بيحولو يضربوها

هما مين اللى "بيحولو يضربوها" دول....هو انت مش قرائت الكلام زى ما كلنا قرائنة كدة ...

اذا كانت تويوتا بنفسها هى اللى اعلنت الخبر و الكلام كلة من عند تويوتا يبقى ازى "بيحولو يضربهوها "" انا مش فاهمهما دى الصراحة

اذا كانت تويوتا نفسها اللى بتعلن عن المشاكل اللى فى سيارتها ..و بتقولك فى مشكلة فى محركتها و حتسحب 270 الف سيارة..اظن يعنى مافيش حد حيكون على علم بمحركات تويوتا اكتر من تويوتا نفسها ..

ولا يمكن شركة تويوتا بتتلكك لمحركتها و عاوزة تطلع عيوب و السلام عشان تضرب نفسها بنفسها....

**معتز** · 03-07-2010 12:52 PM

جميع شركات السيارات تعلن من وقت لاخر عن سحب السيارات لعيوب........لكن لما الميديا تركزعلى شركة معينة ...ومن قبلها حشد مجتمعى وسياسى..يصل الى اجبار رئيس شركة تويوتا الى الحضور الى مجلس الشيوخ للاقرار بان الشركة انشغلت فى زيادة الانتاج على حساب الجودة ...ووصل به الامر للبكاء من صعوبة الامر على نفسة.......عندما يحدث هذا فى وقت يتراجع الاداء الامريكى فى قطاع السيارت وتخسر شركات امريكية اسماء براقة لصالح شركات صينية ويابانية ثم تتراجع مبيعات الشركة الاولى عالميا جنرل موتورز لصالح تويوتا ...عندها يجب ان تطمئن الى ان امريكا لن تقف مكتوفة....فامريكا التى ذهبت لتدمر العراق من اجل تدوير عجلة الاقتصاد المبنى على الحرب لن تتاخر فى الحرب على اى شركة ..وبشكل مقنع لكثير من الناس ....ولكن الغريبة ان معدلات بيع تويوتا تتصاعد..اخر رقم معلن الشهر الفائت زيادة 24 فى المائة.

وربنا يخلى امريكا عشان اللى عايز يتعلم البلطجة مع سبق الاصرار على اصولها الامريكانية.

**sab3aawy** · 03-07-2010 04:45 PM

تويوتا مصر تقوم حاليا بغيير شريحة الصلب الخاصة بدواسة الوقود والمتسببة فى مشكلة تعليق الدواسة لكل من يقوم بالصيانة حتى ولو لم يكن لديه منها شكوى وبرغم عدم ظهور المشكلة فى مصر، واعتقد ان ده فى حد ذاته دليل على التزام تويوتا فى مصر بالمعايير العالمية قدر الامكان