يا سيادة الدكتور، أنا ماقلتش كدةعلى الدكاترة وبعدين أنا أول مثال إديته كان على نفسي، يوم مذاكرة من أيامي (طالب هندسة)
متفق مع سياددتك إن أسباب تدهور التعليم كثيرة وكلها سيادتك قلت عليها، إنما من ضمنها كمان لغة التدريس، وده بحث أنا قرأته من فترة إن الطالب الذي يدرس بلغة غير لغته الأم (حتى ولو كان محترف في لغة الدراسة) يحتاج لضعف الوقت لاستيعاب المعلومة، وقت للقراءة ووقت للترجمة ثم الاستيعاب، بينما لو كانت المعلومة باللغة الأم هايكون الوقت المطلوب قراءة واستيعاب فقط (هم عملوا الدراسة على ناس محترفين الإنجليزية أمال ايه الحال مع واحد بيتهته في الانجليزي زي حالاتي؟ :))
يعني قصدي إن التدريس بلغة غير العربية سبب في انحدار المستوى لدارسي العلوم عامةً، وأنا منهم طبعاً (ضربت مثل بالطب والهندسة لأنهما كانا حاضرين في ذهني مش أكتر) ولو عاوزين أمثلة كتير، عندنا كام عالم داخل مصر؟ (عالم فيزياء أو كيمياء أو أحياء أو رياضيات) مش هاتلاقي ولو فيه هاتلاقيهم من اللي كانوا بيدرسوا الكيميا بتاعة "يد2 أ" اللي هي H2O و "يد2 كب أ4" اللي هي "H2SO4" والفيزيا كانت على أيامهم اسمها "طبيعة" وكان عندنا أيامها مصطفى مشرفة وسميرة موسى، ومن بعدهم المشد وخلافهم من العلماء الأجلاء.
دي وجهة نظري اللي أنا شايفهاوأرجو إني أكون وضحها، وطبعاً وجهة نظر سيادتك أنا متفق معاها جداً.
وكاتفتكرش إن أنا ماباعرفش انجليزي، ده أنا باتكلم انجليزي كويس I Speak London Very Best
أي خدمة :D