السجاير غليت و آخر سيجارة معايا طفيتها حالا .......
أنا قررت أبطل السجاير احتجاجا على رفع الأسعار
:120146b
انت هتعمل ايه ؟
عرض للطباعة
السجاير غليت و آخر سيجارة معايا طفيتها حالا .......
أنا قررت أبطل السجاير احتجاجا على رفع الأسعار
:120146b
انت هتعمل ايه ؟
انا مش هعمل أي حاجة لأني ما بدخنش الحمد لله p:
اللهم لك الحمد
انا مبسوووووووووووووووووووووو وووووط
بجد خبر هايل
انا شايف يوم الاربعاء لوحده 3 مصايب بسبب السجاير والتدخين بانواعه (سرطان حنجرة بعيد عنكم)
ياريت تغلى كمان وكمان
خلى كل الناس يبطلوا المعصية والبلوة اللى اسمها تدخين
ومبرووووووووك ليك اخي انك هتبطلها
طب لو هتبطلها يريت كانت غليت من زمان
طيب اية نظام البنزين غلي ولا اية؟؟
مبروك لكل المدخنين. اظن ان مفيش وقت احسن من ده علشان تبطلو التدخين خالص.
اعتراض بقه او لانها حرام او تحسبو انكم كده هتوفرو من 100 ج الى 500 ج شهريا او تحسبو انكم هتوفرو مصاريف علاج بعد شوية.
اهم حاجة تبطلو ومبروك عليكم مقدما
احسن
:b4_282:
الحمد لله انا مبطل من شهرين كدا انا فى السليم
مبروووووووووووووووووووووو ووووووووووووووووووووك لكل المدخنين
انهم هيمتنعوا عن البلاء المسمى بالسيجارة
و مع الاعتذار لكل المدخنين
اول قرار زيادة اسعار احترمه
عاجبني ذكاء الحكومة .......:011-002:
الشيء الوحيد اللى اوافق عليه العصابة هو ارتفاع سعر السجائر .
و يا سلام لو رفعوا سعرها تانى .
اولا الناس هتبطل و تفوق لصحتها و ثانيا الاطفال اللى بشوفهم يوميا بيدخنوا فى الشارع معتقدش انهم هيفكروا فيها تانى .
بس خايف من حاجة ! الناس تموت بعضها على سيجارة بعد كدا او حد يتثبت علشان سيجارة d: .
السجاير دي امن قومي
الله يرحم السادات كان مخلي السجاير مدعمه وكان بيدي كل عسكري علبة سجاير وربنا كرمهم وانتصروا على اسرائيل
كان بطل
الظاهر ان كل اعضاء المنتدى مش مدخنين
المفرض نعلق ورقة على باب المنتدى مكتوب فيها
ممنوع التدخين
ومتهيئلى مافيش مدخن رد على الموضوع دة ودة لانهم:36_7_4[1]: خايفين من الوقف
انا بطلت :_Alshmokh08[1]:
بس مش مبسوط ولا زعلان الصراحة يللا ربنا رحمنا :w6266d
طيب هما غلو المعسل؟
شكلي كده هقلب عليه
:sifone:
طب لو غلو البنزين حتبطلوه ازااااااااااى !!!!!!!!!!
عندنا البلد اتملت سجاير مستورد رخيصة نسبيااقتباس:
ثانى حاجه
هاتنتشر تجارة تهريب السجائر
و لمن لا يسمع عنها مشهورة فى المدن الساحليه
i love this country
الحمد لله بطلت بعد معاناه ووالله التدخين دة تخريب وهدم وتكسير لكل الجسم والدافع الوحيد اللى خلانى ابطل كلمة دكتور قالى بطل احسن ماييجى وقت والتبطيل نفسه مش حينفعك ربنا يعافينا بجد والله بتحس انك انسان تانى خالص بعد التبطيل بصراحة مكنتش متخيل كدة بتاثر فكل جسمك
ان شاء الله دي اخر علبه بجد والله وبجد هتبقي حاجه كويسه ان الواحد يبطل
ايه ده .... كل الناس مبسوطة من قرار زيادة اسعار السجاير !!!!
انا لوحدي اللي زعلان ...
بس بجد السجاير أمن قوي و مهمة جدا و ليها تأثير كبير جدا في تخليص مصالح و تظبيط ناس في حتت كتير ... زي الجيش و السجون و أقسام البوليس و ......
فعلا قرار غبي جاهل متخلف من قرارات الحكومة الغبية اللي كل شوية تطلع لينا بمصيبة جديدة ......
فعلا عندة حق
خالي طول عمرة بيدخن شيشة ومن كام سنة تعب جدا جدا ودخل المستشفي ولما خرج منها ماشي علي علاج يومي المفروض ميبطلوش
من كام يوم بقي العلاج خلص ومقالش لحد يجيبهولة وقعد يومين بس من غيرة مع ان بقالة سنين بياخدة
والنتيجة تعب جدا جدا ودخل المستشفي تاني وبقالة 3 ايام في العناية المركزة وحاطينلة اكسجين علي طول
للأسف الحاجات دي تراكمية ربنا يعافينا جميعا
الحمد لله انى بشيش بس ومليش فالسجاير
انا لو رئيس الجمهوريه
اول قرار حاخده حخلي علبه الكيلو باترا ب50 جنيه
واللي عاجبه بقي
يعني حتقرفنا وتموت نفسك ببلاش
وساعتها الناس حتقبل علي الحشيش
وساعتها اشغل ابني تاجر حشيش
ونكسب
ونزدهر
ونشتهر
ونتوغل
ونتوغل
ههههههههههه
انا الحمد لله بطلت...بس عمر ما حد هيبطل سجاير عشان سعرها
انا نويت ابطل سجاير واخد القرار من اول امبارح
بس علشان كنت مطبق
وحسوق كتير قولت ااجل القرار ليومين بس
بدل ما انام وانا سايق
بس قرار التبطيل مش لمجرد انها غليت وبس
لا
القرار لاني محبش حد يلوي دراعي علي حاجه لمجرد انها ملهاش بديل
لو البنزين غلي مش حنقدر نبطله لاحتياجنا ليه في حياتنا
انما السجاير ممكن الواحد يبطلها لان ضررها اكتر من نفعها
ومش حسرق ولا حضرف فلوسي كلها علشان ادخن
دعواتكم ليا اني اقدر اكمل في قراري
لو حجيبلي كل يوم ربع كيلو لب يسيليني بدل السجاير
حيكون احسن واوفر
متقدرشاقتباس:
انا نويت ابطل سجاير واخد القرار من اول امبارح
بس علشان كنت مطبق
وحسوق كتير قولت ااجل القرار ليومين بس
بدل ما انام وانا سايق
على رأى الراجل الصغير اللى كان بيقولها لمحمد صبحى فى المسرحيه
انا لما لقيت الاسعار بقت بالاستهبال ده خدت قرار انى ابطل واقعدت متردد انى اشتري
لاكن فى الاخر اشتريت وناوي انها تكون اخر علبة ادعولي
الروثمان بقت ب7جنية انا هبطل طبعا
بدأت بشربها فى 3 ثانوى عام 83 تقريبا
وأستمريت على هذا الحال حتى عام 1998
وهدانى الله
وأقلعت عنها حتى أواخر 2005 ( حوالى 7 سنوات وأكثر مقلع عنها )
ونظرا لظروف نفسيه معينه
رجعت لها للأسف الشديد حتى الآن
وأتمنى من الله أن يقف بجوارى فى الأقلاع عنها إلى الأبد
_________________________
فحقا حينما تكون مدخنا .....فأنت أنسان تتمتع بحياه مقلقه وغير نقيه
وحينما تقلع عنها
تنقلب الى النقيض
إنسان آخر بمعنى الكلمه
_________________________
أما جزئية الأعمار وخلافه
فالأعمار بيد الله
بدون أدنى شك
على فكرة ماحدش هيبطل سجاير هما يومين بس الناس هتقول لا حرام عيالي أولة و اللي هيقول أنا ماحدش يلوي دراعي وبعد يومين اللي بيشرب مارلبورو هيجيب روزمان واللي بيشرب ميرت هيجيب إل إم أزرق و الغلبان اللي بيشرب روزمان هيجيب كيلوبترا حمرا وبعدها بيومين كلو هيكح في الشارع و اللي بيشرب مارلبورو هيجيب مالربورو و اللي بيشرب ميرت هيجيب ميرتو هكذا
بس هيقول إيه إن شاء الله أنا هقلل و بدل ماشتري علبتين في اليوم هجيب علبه واحده أو علبه كل يومين وبكده أكون ضربت عصفورين بحجر واحد أبطل تدرجي "هههههههههاي " و أوفر و ماحسش بالزيادة دي "إبقى قابلني "
وناس تانية هتقول أنا هاشرب معسل " هههههههههاي " وينزل على القهوة يقعد نص ساعة يدفع أقل حاجة 10 جنيه وهيرجع للسجاير تاني
الحل إنك تشتري شيشه للشغل وشيشه للبيت شيشه للعربية وشيشه إحتاطي معاك عشان لو رحت لضيوف ولا حاجة وباكو معسل في جيب وكيس طفي في الجيب التاني
والله العظيم حاجة تقرف
واللي عايز يبطل كان بطل من زمان
سجارة مالربورو من واحد شيطان ممكن ترجع واحد للتدخين بعد ما بطل 20 سنه
لازم كل واحد ياخد القرار لواحده
الاعمار بيد الله مقلناش حاجه...بس مش اقف قدام القطر واقولك الاعمار بيد الله....
بجد يا جماعه التدخين حاجه سيئه جدا ولازم الناس تفكر فى القلاع عشان ربنا....
انا كنت بدخن والحمد لله بطلت وعملت موضوع هنا بالموضوع ده والحمد لله مش بفكر فيها ولا عايز ارجعلها....خفت من سؤال الله ليا فى الاخره الصراحه....وكل ده عشان سيجاره...والله الموضوع ميستاهلش :(