يا جماعة الخير افيدونى اشترى لانوس او افيو؟ و هل هم واحد؟

**muslem** · 20-02-2008 10:12 PM

انا عايز اشترى لانوس لكن خايف من عفشتها و المطبات بتاعت مصر و الحك اللى بيحصل من تحت معرفش بصراحة فكرة عنه لانى عندى اصلا 125 بولندى و معرفش حاجة عن الجديد
و كنت عايز اعرف من الاخوة فى المنتدى ربنا يكرمهم خبرتهم فى مسالة اللانوس و الافيو هل هم واحد ولة العفشة تختلف و بصراحة برضوة خايف اشترى افيو و تنقرض علشان شكل الموديل اكيد حيتغير
فينزل سعرها طبعا اكيد
انا بصراحة بفكر اكتر فى اللانوس لانها منتشرة مع ان المصنح بيقول اخر موديل هو موديل 2008
بس عرفت من اصدقائي انهم قيل لهم نفس الكلام ده من اربع سنين
بس اللى خايف منه اكتر حاجة علو العربية و هل بتدب لو وقعت فى مطب لاقدر الله يعنى اقصد هل حيحصل فيها مشكلة لو حصل كده فى الشاسية ؟؟
و هل يا ترى ممكن اعدل فى عفشة اللانوس علشان تبقي اقوى واعلى عن الارض؟
جزاكم الله خيرا:o

................
تم النقل
الإدارة - 3

**ahmedezzat78** · 21-02-2008 02:39 PM

العربيتين متشابهتين جدا و الموتور به تعديلات طفيفه
عفشة الافيو الاماميه انشف من الانوس مقابل زياده ثباتها عن الانوس
الافيو اعلى شويه من الانوس
الانوس بتحك فعلا فى المطبات لو محمل و محتاجه حرص شويه
الافيو كاوتشها اعرض و مقاس الجنوط اكبر
صالون الانوس اوسع من الافيو

انا شخصيا كنت متردد جدا بين الاتنين بس جبت لانوس لتوافر و رخص قطع الغيار و الأفيو لسه مالهاش حاجه بره التوكيل على حد علمى و انا كثير السفر و مش معقول لو عايز فانوس او اكصدام او مرايه اروح التوكيل و دى ميزه الانوس ان حاجتها فى اى مكان و اى محافظة فى مصر

كاسيت الافيو لا يمكن تغيره الا بالأصلى لانه مطبوخ فى التابلوه لكن الانوس لو عايز تغير لواحد اكبر حجما او اكثر امكانيات الموضوع سهل جدا

حاجه تانيه ان العربيتين بنفس السعر فمن المنطقى ان اسعار قطع الغيار تبقى متقاربه لكن هناك فرق شاسع فى اسعار قطع الغيار زى المرايه و الفانوس و الاكصدام فى الافيو اكثر من ضعف سعر نفس القطعة فى الانوس

عموما اكيد الافيو هتوصل لنفس المرحله بس الموضوع موضوع وقت

**muslem** · 21-02-2008 03:11 PM

جزاك الله خيرا اخى احمد بس الافيو اغلى من اللانوس ب10000 جنية و متهيألى التوكيل مش مضبوط فى التسليم يعنى فى لعب ووجدت شكوى كتير من حكاية التسليم مش فى المنتدى بس لكن ايضا لما رحت اسال وجدت ناس بتشتكي من حكاية الحجز و التسليم و مش عارف الحكاية دي تاثر على سمعة العربية وتخلي الناس تنفر منها ولة ايه؟

**ahmedezzat78** · 21-02-2008 04:53 PM

جزانا الله واياكم

بس كللو بيتنسى بمجرد ما تستلم العربيه و تركبها واوضح طبعا ان ده بسبب الاقبال عليها

وهوه فى حد او مكان فى بلدنا مواعيدو مضبوطه؟ .......... ده عادى جدا دلوقتى

**Ahmed Anwer** · 21-02-2008 10:55 PM

لو ما بين الإثنين دول ،،

اعتقد أفيو أكيد ،،

انا عارف ان تقريبا العربيتين واحد ،،

بس اعتبر فرق الفلوس فرق شياكة شكل و صالون ،،

بص لو وصلت لثمن الأفيو في عربيات تانية ممكن تحتاج منك نظرة ،،

**Sharky** · 22-02-2008 11:14 AM

رأى الشخصى خليك فى الأفيو

**muslem** · 23-02-2008 03:31 AM

بص لو وصلت لثمن الأفيو في عربيات تانية ممكن تحتاج منك نظرة ،،

اعطيني فكرة اخى احمد جزاك الله خيرا
انا كنت بفكر فى نوبيرا؟؟
بس مش عارف هى فيها مشاكل ولة لا؟

رأى الشخصى خليك فى الأفيو

والله انا محتار اخى انا احترت انا فوجات ان الافيو بتمن النوبيرا تقريبا
بقي نوبيرا و و لانوس و افيو

**Ahmed Taha** · 23-02-2008 12:09 PM

المقارنة غير جائزة فأنت تقارن موديل سيارة بنفس الموديل ولكن قبل 12 سنة مع التحفظ علي الماركة الصورية (شيفرولية).

كأنك بتقول لانسر كرستالة ولا لانسر 2008 ؟

**Ahmed Anwer** · 23-02-2008 04:06 PM

المشاركة الأصلية كتبت بواسطة muslem

اعطيني فكرة اخى احمد جزاك الله خيرا
انا كنت بفكر فى نوبيرا؟؟
بس مش عارف هى فيها مشاكل ولة لا؟

والله انا محتار اخى انا احترت انا فوجات ان الافيو بتمن النوبيرا تقريبا
بقي نوبيرا و و لانوس و افيو

طبعا النوبيرا عربية حترمة مفهاش كلام

بس اسمع إن الإنتاج الأخير فيه مشاكل كتير ،، يمكن ابو الفتوح مركز مع الإسبرانزا ،،

رأيي الشخصي ياريس هاف اوبشنز ،، أنا عارف إنها أغلي شوية ،،

أو جيتز أو سيريون بنفس السعر مع التضحية بالشنطة ،،

أو نيو اكسنت بتيدي من 76 الف علي ما اعتقد ....

**muslem** · 26-02-2008 08:12 AM

معلش انا تعبتكم معى بس انا فعلا محتار نفسي فى عربية تكون متينة عائلية متوفر فيها قطع الغيار مش غالي قطع الغيار فيها اقدر ابيعها لو حبيت لانى بصراحة حتكون استثمارى
والله احترت اللى يعرف لى عربية كده يا ريت يقول لى
و انا سمعت ان فيات سيينا متينة و رخيصة بس سمعت انها مش بتتباع بسهولة رغم امكانياتها و متانتها حاجة غريبة فعلا !!