عضة في الغيارات

**Ahmed Galal** · 05-07-2010 09:26 AM

العربية كويسة و اللى حضرتك بتقوله طبيعى و بردك للاطمئنان روح التوكيل اكشف على زيت الفتيس بس

**lancerevolution** · 05-07-2010 01:35 PM

المشاركة الأصلية كتبت بواسطة mok3336

يا جماعة أنا أطمنت شوية من كلامكم و كمان من كلام أثنين صحابي
قالولي نفس كلام الميكانيكي
ان عشان تنزل للأول لازم تكون العربية ماشية بطيىء بسرعة تناسب سرعة الغيار الأول
و قالولي كمان ان لو الفتيس في حاجة كنت مش هتعرف تدى الاول لو العيب فيه اصلا سواء العربية واقفة او ماشية لكن انت عندك بيدى الاول عادى جدا و العربية واقفة او ماشية بسرعة بطيئة
و قالولي كمان ان الاول ده وظيفته انك تحرك العربية من السكون مش اكتر يعنى مش بتاع مشي اساسا و انت كمان ممكن بدال ما تطلع علي الاول ممكن تطلع علي الثانى بس ظبط رجلك علي الدبرياج عشان متبطلش
و عربيتك زى الفل و مفيهاش الهوى و متفتحش في حاجة مش محتاجة ان يتلعب فيها عشان هى اساسا مفيهاش حاجة

أنا بصراحة مقتنع أنتم إية رأيكم

بس بلاش الطلعة ع التانى العربية مش ديزل دا الى بيطلع لو فاضى ع التانى ما فيش مشاكل
بس البنزين ما ينفعش معاه بتهلك الدبرياج

**SiGmAa** · 05-07-2010 04:48 PM

المشاركة الأصلية كتبت بواسطة lancerevolution

بس بلاش الطلعة ع التانى العربية مش ديزل دا الى بيطلع لو فاضى ع التانى ما فيش مشاكل
بس البنزين ما ينفعش معاه بتهلك الدبرياج

+1

**alaafmah** · 05-07-2010 06:20 PM

السلام عليكم
عن تجربة ....... غالبا فى مشكلة فى غوايش الاول والثانى عندك
ففى حالة النزول فى غيار العربية من الثالث للثانى مثلا على سرعة عالية ، صوت الفتيس يعلى ولكن الفتيس يأخذ الغيار ، وكن فى حالة انه ميخدش الغيار يبقى دا معناه ان هنك مشكلة فى الغوايش فى هذه الغيارات
على اية حال بما ان السيارة فى الضمان يجب ان تتطالب بحقق وانت مش هتخسر حاجة
اخوكم
د. علاء