اخيرا بعت الكورسا السيدان

**hostook** · 03-07-2010 04:27 AM

السلام عليكم
الحمد لله بعت الكورسا السيدان , وعاوز اجيب كورسا هتش باك فهل مشاكلها كتير زي السيدان يعني فيها حساسات برده ولا بسيطة هيه 1000 سي سي ويا تري بتعمل كام تقريبا النظيف قوي ,ياريت تسعدوني والي عنده العربية دع يقولي على عيوبها بصراحة جزاءكم الله خيراً لاني ناوي عليها وفي عربية معروضة عليا بس قولت اسئل الاول الكورسا سيدان قرفتني في عشتي من مشاكلها الكثيرة والله ما صدقت بعتها بـ 42000 بس قولت اخلص منها لانها مش حلوه خالص وكلها مشاكل ارجو الرد عليا بسرعو في موضوع الكورسا 1000 سي سي موديل 99

**tamertamer** · 03-07-2010 10:33 AM

خليك فى 1200 افضل لو عايز تريح دماغك من التعقيد فى التكنولوجيا

**ahmednashaat** · 03-07-2010 12:28 PM

http://www.nilemotors.net/Nile/53088-1200cc-1000cc.html
وانا راى 1200 ممتازة مشاكل حساسات اقل

**kar!m** · 03-07-2010 12:32 PM

مبـروك يا حسام .. أنا كنت شفتك فعلا عارضها على كونتاكت كارز .. هو السعر قليل شويه بس عربيتك كانت عامله كيلومتر كتير (180000 كيلو).
الكورسا الهاتش باك 1200 ممتازه طبعا .. بس النضيف منها قليل عشان موديلاتها 1995 او 1996 و انت عارف بلدنا العربيات بتتبهدل فيها ازاى؟ طيب انت مفكرتش فى حاجه زى لانوس أو هيونداى ليه؟ (مع الاعتذار لكل الاولاويه )

**N.a.j.d** · 03-07-2010 01:26 PM

الكورسا ال 1200 جميله جدا وحكايه الحساسات المشاكل بتاعتها مفيش منه الكلام دا هوا انا اول مره اركب كورسا ولا ايه معمريش سمعته الكلام دا الا هنا
شكلك حتفضل ابلاوي معاانا ههههه

**tananybasha** · 03-07-2010 01:56 PM

الف مبروك و يرزقك باللى احسن منها

**hostook** · 03-07-2010 06:35 PM

الحمد لله لسه اهه واخذ الفلوس وعملت التوكيل وجبتله شهادة مخالفات وخلصت كل حاجة , مش عارف بقى اركب اه بس الاوبل يا جماعة مشاكلها كتييييييييييييير قوي بس مش قادر امسك نفسي ادام واحدة 1000 سي سي صاحبها عامل فيها مهرجنات عدة كاسيت على اعلى مستوى وطقم جنت جديد وطارة ابانوس رياضية ولونها اخضر غامق ورش جلد وتكيف وصاحبها نمكي , المهم تيجي في 30000 اه رايكم موديل 99 مستني ارائكم , ولا بلاش منها الاوبل خالص لاني مش عاوز حاجة معقدة وعاوز حاجة لو هسافر اقد راسبها للعيال ميتعبوش في تصلحها والكلام الي انتوا فهمينوا ده مستني رايكم وترشيحتكم للعربيات اه ومش عاوز ازود عن 30000 غلشان لو حبيت ابيع مخسرش كتير لاني ببيع كتير وبشتري كتير وشكرا للجميع وتحياتي لكيم جمبعا

**N.a.j.d** · 03-07-2010 06:40 PM

الاوبل ياحسام لا مشاكله كتير ولا حاجه الاوبل عايز حد يعرف يصلحه ومش بس الاوبل الماني كله كدا مش ا حد بيعرفله فا دي بقى المشكله

**lancerevolution** · 04-07-2010 04:21 AM

المشاركة الأصلية كتبت بواسطة hostook

الحمد لله لسه اهه واخذ الفلوس وعملت التوكيل وجبتله شهادة مخالفات وخلصت كل حاجة , مش عارف بقى اركب اه بس الاوبل يا جماعة مشاكلها كتييييييييييييير قوي بس مش قادر امسك نفسي ادام واحدة 1000 سي سي صاحبها عامل فيها مهرجنات عدة كاسيت على اعلى مستوى وطقم جنت جديد وطارة ابانوس رياضية ولونها اخضر غامق ورش جلد وتكيف وصاحبها نمكي , المهم تيجي في 30000 اه رايكم موديل 99 مستني ارائكم , ولا بلاش منها الاوبل خالص لاني مش عاوز حاجة معقدة وعاوز حاجة لو هسافر اقد راسبها للعيال ميتعبوش في تصلحها والكلام الي انتوا فهمينوا ده مستني رايكم وترشيحتكم للعربيات اه ومش عاوز ازود عن 30000 غلشان لو حبيت ابيع مخسرش كتير لاني ببيع كتير وبشتري كتير وشكرا للجميع وتحياتي لكيم جمبعا

السعر كويس
ما يغركش الحركات
و إن كنت أرشح ال 1200 سى سى

-

الموضوع: اخيرا بعت الكورسا السيدان

LinkBack

أدوات الموضوع

عرض

-

-

-

-

-

-

المواضيع المتشابهه

اخيرا اخيرا اخيرا ..... جبت الصب البايونير ( كلاكيت تانى مره )

اخيرا اخيرا اخيرا ..... جبت الصب البايونير

تعديل في موتور الكورسا السيدان

صور متور الكورسا السيدان

مشاكل الكورسا السيدان

الكلمات الدلالية لهذا الموضوع

المفضلات

المفضلات

ضوابط المشاركة