الموضوع: اخذت مخالفة بسبب الزجاج

المشاركة الأصلية كتبت بواسطة mahmoudalutec

هو ده بالظبط اللى حصل اخذت ايصال مكتوب عليه مدرسة القيادة
وانا كنت على البحر بعد العصافرة وفى اتجاهى للمنتزة
بالنسبة للزجاج هو عسلى فاتح وشفاف ومعلهوش اى ملصقات عاكسة وبالنسبة للكاوتش هو قديمة و فيه حتة مقطوعة وقلت يتغير بالمرة
بصراحة الواحد اتعقد من طريق الكورنيش لجان + حوادث + زحام شديد حاجة تخنق
اخيرا :
بالنسبة لشنطة الاسعاف انا معنديش شنطة بس عندى مثلث عادى ، ياترى لو كان الظابط اتلكك حبتين كان ممكن يسحب الرخص بسببهم ؟؟ وحل الموضوع ده ايه
شكرا للاخوة الاعضاء اللى علقو على الموضوع

أنا معايا لادا زيرو و لما جيت ارخصها ما طلبوش لا شنطة ولا حاجة و في مقدم في المرور قالي لما تتسأل عن الشنطه قولهم لما رخصت ما سلمتوهاش ليا ولا طلبتو مني اشتريها و عموما على عيني هاشتريها بكرة و احلفلهم و اديهم عذر حلو كده هاوصل الحاج للبيت ..... و تقوم مدديله بريزة و هيبقى مبسوط آخر حاجة منك و حيقولك يا باشا

المشاركة الأصلية كتبت بواسطة msafa

معلش يا جماعة
انا عندي وجهة نظر مختلفة

مبدأيا مش عاوزين ضرب :)

فعليا ال 128 اكيد بتنزل بزجاج ابيض و صاحب العربية غيره بواحد ملون، ولو فعلا الاصلي بتاع العربية المفروض يتثبت في الرخصة

طب تعالو نحسبها سوى
المفروض الراجل يسحب الرخص و يدخل صاحب العربية في المتاها اياها بس الراجل قرص ودنه
هتقولو المفروض يا اما يطبق القانون يا اما يعديه
بس ساعات هما بيعملو قرصة ودن عشان يفكروه من غير ما يطبقو القانون بحذافيره و يقرفوه

انا ليه موقفين حصلو معايا
او ما طلعت الرخصة كان بقالي بالضبط شهر بسوق بالتعليم و كله و مشيت عكس في ميدان السيدة زينب لأني مكنتش لسة عندي احساس اليواقة (العربية تمشي كويس بس اتجهاتا و حارات و كده لأ) المهم كان 3 ضباط و 5 امنا و عقيد
قاللي عشان انت جديد ادفع 150 (محمول و ملصقات و حزام)

ومرة تانية سرحت و كسرت اشارة في صلاح سالم ووقفته، دي المفروض مخالفة اشارة و تعطيل سير المرور بس بعد مناقشة حادة و خناقة الراجل قاللي همشيها حزام

انا قصدي انا مش ممانع ان يبقى في قرص ودن لكن شمط و حبس و و سحب رخص ليه

والله انا شايف ان زميلنا لما دفع 25 جندي الراجل خدمه جدا

و الله كلام جميل..أنا برضه معاك فى الكلام دة..كنت حاطط ستارة و الظابط وقفنى فى لجنة أمن و متانة و قاللى الستارة دى ممنوعة و قلتله أنا ماعرفش أنها ممنوعة و قاللى مفيش مشكلة بس شيلها دلوقتى و فعلا شيلتها و أدانى الرخص و مشيت بدون أى غرامة .