هوه انا لو فيمت الجزء ده مخالف ؟ وسؤال عن الزينون ؟

**Hikayat** · 23-09-2010 07:56 AM

* انا كنت عايز افيم الجزء اللي فوق من الزجاج الامامي ... بتهيالي بيسموه الشماسه ... علشان وانا سايق ساعات بتبقي الشمس ضاربه في وشي من فوق فعنيا بتدمع وبيقرفني جداااا الحوار ده وانا سايق فانا عاوز افيم جزء صغير بس من فوق ( زي ما في عربيات بتعمل ) بس كنت عاوز اعرف مخالف ولا لاه ؟

* انا مركب زينون بكتاوت من سنه و 3 شهور تقريبا المهم اللمض دلوقتي ضعفت شويه والاضاءه مبقتش زي زمان خاااااااااالص فكنت عاوز اعرف لو انا هغير اللمض دي في انواع كتيره منها ولا هوه نوع واحد ولو في انواع انهي احسن نوع وهيبقوا اللمبتين عاملين كام ؟ انا الزينون بتاعي 6000 كلفن ؟

* اخر سؤال انا مركب فوجات ( شبوره ) وبركب فيهم لمض تلجي بس اللمض دي كل 3 شهور يتحرقوا فياريت لو حد مجرب نوع معين بيعيش يقولي عليه ويبقوا عاملين كام اللمبتين ؟

**eldell** · 23-09-2010 02:31 PM

اولا الشماسه مش مخالفه لان فى عربيات كتير بتنزل بيها بس مش فاميه ويعدين انا دخلت فحصت مرتين بيها
متابع معاك فى الشبوره عايز حاجه تستحمل وتعيش

**Hikayat** · 23-09-2010 05:24 PM

المشاركة الأصلية كتبت بواسطة eldell

اولا الشماسه مش مخالفه لان فى عربيات كتير بتنزل بيها بس مش فاميه ويعدين انا دخلت فحصت مرتين بيها

انت متاكد من حوار الشماسه ده ؟ لان ناس قالولي مخالف

**a7mode** · 23-09-2010 05:32 PM

الشماسه مخالفه طبعآ وكل ما زادت درجه الفاميه كل ما الظابط اخد بالو منها اكتر ..

**zrzr1** · 23-09-2010 08:56 PM

للأسف مخالفه يباشا .. مش عارف بالنسبه للشبوره ,متابع معاك

**ChEKoOo** · 23-09-2010 11:29 PM

الشماسه يبقى مخالفه يا معلم

**eldell** · 24-09-2010 02:16 AM

والله ياباشا انا لحد انهارده عامل شماسه وبقف فى كماين كتير محدش بيتكلم اى حد يتكلم اقوله للشمس لو واحد رخم بس

**Memo_Lancer** · 24-09-2010 06:20 AM

ماشيه معاك يا عم مين قدك
بس انت كده هتتحسد
هتتمسك بكره
هههههههه

**shooda2020** · 24-09-2010 04:59 PM

ازاي الشماسه مخالفه
الفيرنا كلها نازله بالحته المن فوق دي و الصراحه نافعه معايا جدا
انا كنت مركب الستاير الكبس بس زهقت منها فرميتها و فيمت ازاز ورا غامق شويه و قدام عسلي كدا
المهم لو فيه لجنه مانا ممكن انزل الازاز
ولا ممكن الظابط يقولي ارفع الازاز
دي تبقي رخامه بجد لو قالي ارفع الازاز الصراحه

**dr-mohamed** · 24-09-2010 06:12 PM

1- الشماسة اللى بتتعمل مخالفة وانا اخدت مخالفة 50 جنيه بسببها قبل كدة وبالليل كمان
الحل فيه ازاز بيبقي نازل بالشماسة منه فيه والله اضطريت ابدل الازاز بتاعي وهو مكملش شهور عند بتاع الازاز ودفعت 350 جنيه فرق علشان خاطر الشماسة دي لانى زيك بالظبط عيني بتبقي حنفية مية من الشمس ومش بعرف اشوف ادامي
دلوقتي اللى يكلمني احط صواعبي في عينيه

2- الفامية ايا كان ما دام مش مثبت على الرخصة مخالف وممكن الظابط يقولك ارفع الازاز لو انت منزله علشان يشوفك مفيم ولا لا

الموضوع: هوه انا لو فيمت الجزء ده مخالف ؟ وسؤال عن الزينون ؟

LinkBack

أدوات الموضوع

عرض

-

-

-

-

المواضيع المتشابهه

الزينون مخالف ليه ؟

فيمت ب 35 جنية

هل الزينون مخالف ؟

للأسف فيمت عند اوسكار

لو فيمت الفوانيس ؟

الكلمات الدلالية لهذا الموضوع

المفضلات

المفضلات

ضوابط المشاركة