اولا بالنيابة عن نفسى وعن ابن عمتى عصام احب اشكر الاستاذ فادى على مساعدته لنا
الحمد لله عملت العربية غيرت طقم الدبرياج بالكامل اسطوانة وديسك وبلية امبارح رحت صقر قريش عند مركز اف بى اس الراجل كشف على العربية وقلنا عاوزة طقم دبرياج
نزلنا جبناه من وسط البلد نوع اسمه valeo عامل 800 ورجعنا تانى على المركز الشباب هناك فضلت قاعدة اكتر من ساعة بتفك العفشة وفضلنا لحد الساعة 9 مساء عملين نفك فيه لحد ملقينا البلية بتاعت الدبرياج فرطة والراجل اللى شغال فى العربية لقاها بتجيب زيت من عند اولسيه الكرنك فضطرنا نبيت العربية عنده
ورحت النهاردة جبت البلية عملة 850 واولسيه الكرنك عامل 50 جنيه والشباب اشتغلت فيها لحد الساعة الخامسة
واحنا بنشطب وبنقفل العربية لقينا الميزان بتاع العجلة اليمين ملص رحت جبت واحد تانى عامل 110
ودفعت مصنعية 170 جنيه والحمد لله رجعت العربية
وادعولى كده ربنا يوفقنى وكمل الحاجات اللى فيها وهى حساس الشكمان واشوف ايه اللى فى الكاتينة
واكرر شكرى مرة اخرى للاستاذ فادى hellboy واسف للاطالة