سؤال بسيط جدا

**shady_love** · 21-02-2008 04:26 AM

السلام عليكم ورجمة الله وبركاته
اولا انا احب انى اشكر كل الى فى المنتدى الى فعلن على قدر المسؤليه فى اى سؤال و فعلن رجاله ميش ناس بتهرج وحسيت فعلن ان دا افضل منتدى ميش على مجال السيارات بس لا على كل المنتديات خاصة ان هناك لغة بين الاعضاء الى مخلى فى روح من الاخوة و تحس فعلن ان اجبتك خارجة من وحد فاهم او خايف على مصلحتك .....
سؤالى البسيط انى كنت عايز اعرف هل الجين 2 ليسة بتتباع زيرو ولا لا لانى انا ماكنتش ميتابعها الفترة الاخيرة لانى شفتها اول مانزلت و اظن انها اتوقفت انتجها و لو ليسة بتتعرض ياريت اعرف معرض كويس فى القاهرة لانى ميش عارف القيها فين دا الى خلانى احس انها مابقتش تنزل تانى , اسف على الاسئله الكتيرة و اسف على التطويل

**shady_love** · 21-02-2008 04:33 AM

و معليش سؤال تانى انا ملاحظ ان الكسيت تقريبا قطعة واحدة من التابلوة اظن لو حد حب يغيرو هيبقى شكل التابلوه وحش اوى و لا ايه رايكم ولا الكاسيت فعلن يستاهل انو مايتغيرش لو حبيت اغير اغير السمعات بس هوة فى حاجة تانية لو انا حبيت اركب شاشة فابتالى لازم اغير الكاسيت ولا بيقبل انو يتوصلو شاشة

**memo_hefnawy** · 21-02-2008 08:30 AM

شادى باشا الجين 2 موجودة و هاتلاقيها إن شاء الله عند عز العرب (الوكيل)
فروعه على حسب معلوماتى:

الحى السابع - مدينة نصر شارع ذاكر حسين
شارع شاهين - الدقى
الصحراوى الكيلو 28 قبل كارفور و بجوار محطة شيل مباشرة

تليفونه مش فاكره بس ممكن من الدليل تطلب الفرع القريب ليك

بالنسبة لنظام الصوت :

السى دى بلاير إللى فيها جامد جدا بس للأسف بيشغل Audio بس مش بيشغل Mp3
و ممكن يوصل عليه Aux كابل و توصل عليه Ipod أو Mp3 player
السماعات سهل تغيرها
شاشة مش عارف صراحة

عشان تغيره أعتقد صعبه أوى لأنه تقريبا built in فى التابلوه مع التصميم فلو إتشال الشكل هايكون سئ

نصيحة أخيرة - خلال شهور هاينزل موديل جديد من الجين 2 إنتظر حبه لو إنت عايز العربية دى

**meramor81** · 21-02-2008 09:07 AM

استاذ شادى احب ابين نقطه العربيه الجين تو 2008 خلاص نزلت بس هاتتعرض
على اخر شهر 2 انتظرها فهى بنفس سعر 2007 بدون زياده
الكاسيت رائع جدا وسماعاته تحفه ومش هايحتاج للتغير إن شاء الله

**ahmedsiyam** · 21-02-2008 09:51 AM

اخ شادى
غير عز العرب
هتلاقيها فى معرض اسمه اوتو داينامكس ده فى شارع المنتزه - ميدان هليوبوليس - مصر الجديدة
او فى اوتو ماجد و ده موجود فى مدينة نصر الشارع اللى قدام سيتى سنتر
و استنى لاخر فبراير موديل 2008 نازل ان شاء الله

**shady_love** · 21-02-2008 02:04 PM

بصراحة يا جماعة انا بجد مندهش من ردودكم بس بجد الف شكر على تعبكم معايا و شكر على النصيحة الغالية اوى دى فعلن منتدى رجاله وميش اى رجاله , شكرا جدا

هوة شكل الجين 2 الجديدة ايه هوة
و ميش غريبة انو يبقى بنفس السعر

بس ميش تفتكرو ان موضوع الكاسيت دا عيب انو صعب التغير لانو قطعة واحدة من التابلوه و لا انتو ايه رايكم

**memo_hefnawy** · 21-02-2008 02:37 PM

شكل الجين الجديد مفيش فرق كبير عن الحالى حبة تغيرات فى الخطوط و تغييرات فى خامات الصالون و ما إلى ذلك و أكيد مع تلافى بعض مشكلات فى الشكل الحالى

لو بصيت فى قسم بروتون هنا هاتلاقى إن شاء الله مواضيع عن الجين الجديد تفيدك :)

بالنسبة لتغيير الكاسيت مش هاتحتاجه إن شاء الله و يوم لما يحصل لازم تجيب واحد أخو الموجود فيها مش شكل تانى وده عيبه

ياريت تراجع مواضيع مميزات و عيوب الجين 2 فى قسم بروتون برده و أى مساعده كلنا موجودين