الموضوع: كيف نتوقف عن التدخين ؟؟؟؟؟؟؟؟؟؟؟

المشاركة الأصلية كتبت بواسطة مواطن مصرى

خذوا نصيحه مدخن من 15 سنه و لن يقلع عن التدخين :

الاقلاع عن التدخين محتاج

1- اصرار و عزيمة (و طبعاً مع اول سيجاره صاحبك يعزم عليك بيها العزيمه تبقى هزيمه)

2- البعد عن المؤثرات التى تدفع الواحد للتدخين بدعوى مكافحه حرق الاعصاب و التوتر (زى مثلا البيت و الشغل و الشارع و الاحسن تموت و تريح نفسك)

3- لا تصدق اى نصيحه من اى حد تساعدك على الاقلاع عن التدخين (لا ادوية و لا لزقات و لا لبان و لا مضمضه و لا اى شيىء كله نصب فى نصب)

4- مش مشكله علبه السجائر تبقى بكام لان المدخن ممكن يحرم نفسه من الاكل و الشرب علشان خاطر السجاير (زمان كنت بدخن مارلبورو ابيض و كانت العلبه بأربعه جنيه سنه 95 او 96 مش فاكر لما بقت بخمسه جنيه سنه 99 مفرقتش لغايه لما وصلت سبعه جنيه سنه 2004 قلبت على روثمان و كانت باربعه جنيه و نص و بعدها لما وصلت خمسه و نص مفرقتش و دلوقتى اهى بسبعه جنيه و مش فارقه برضو لان و كله بيسلك نفسه)

اسال الله ان يعافينا جميعاً و يتوب علينا من الدخان و بلاوى الدخان

امين

يا عزيزي كلنا هذا الرجل
بس موضوع اللزقة والدوا اي حاجة بس علشان تحسس الواحد ان دي اللى مخلياه يبطل التدخين لغاية ما يتعود انه يبعد عنه
بس انا فسدت من قبلك بكتير انا اتعلمتها في اولى ثانوي الله يسامح اللى في بالي

المشاركة الأصلية كتبت بواسطة heshamzaky

اتحداك لو عرفت تشرب نص السيجارة دة مش ايحاء لا حتلاقى طعم فى فمك زى الصبار رهيب مش حا يروح و لو قربت السيجارة من فمك ممكن تتقيأ الى فى معدتك و زى ما انا كنت كاتب كان ب 7 جنية فقط يعنى مش غالى ابدا و مش معمولة اعلانات فى التيلفزيون بجد جربة و قولى النتيجة بس ما تزعلش لو ما عرفتش تشرب السيجارة انا كنت بعملها تحدى بهزار مع اصدقائى المدخنين المضمضة مرة بيتدوم حوالى 8 ساعات كدة و جرب و ادعيلى بس يا رب يكون هو دة الاسم ان شاء الله سأذهب للعزبى و اكتب الاسم فى ورقة و اطلبة و اشوف الاخبار اية و اقولك

يا باشا بما اننا مصريين بدل ما نبطل السجاير انا عارف اللى هيحصل كل واحد فينا هيتفنن في طريقة يضيع بيها مفعول الدوا قبل ميعاده علشان يشرب له سيجارة
يا راجل ده انا مرة كنت داخل اوضة العمليات مردتش ادخل غير لما خبطت لي سيجارتين واول ما فوقت شربت سجاير والدكتور كان هيتجنن مني