هو الناس بتكره السيراتو ليه؟

**NoRmAl** · 04-07-2010 08:02 PM

المشاركة الأصلية كتبت بواسطة hesham_7amza

بشمهندس نورمال ,,,
طبعا" أنا أقصد بعض الملاك وانا عارف ان حضرتك والدكتور احمد سامى من اكتر الناس حياديه ,,,
لكن مش كل الناس زيكم ولو راجعت قسم المقارنات ( المواضيع القديمه ) هتفهم قصدى وبصراحه انا بضايق من حاجه زى دى لان احنا تقريبا" اتفقنا ان مفيش عربيه بتتفوق على التانيه فى كله ,,,

ليه الواحد ميقولش المميزات و العيوب ويسكت ....والقرار يرجع لصاحب الموضوع فى الاختيار ....

اعذرنى انا مش هقدر أقول الاساليب والمواضيع ( اللى أنا شايفها مستفزه ) عشان مش عايز حد يزعل منى ,,,,

وأنا والله عارف ان سعر البومه مبالغ فيه أوى أوى أوى بس هو أيه اللى موجود فى مصر مش مبالغ فيه ؟؟
واتكلمنا قبل كده فى الموضوع بتاع الشكل والسعر ....وأنا شايف ان دى حاجه راجعه للزبون اللى بيلبس قصدى اللى بيشترى ,,,

سبب من اسباب كره اللانسر بومه انتشارها ...وتقريبا" السيراتو شويه وهتعديها فى الانتشار
وده اللى قصدى عليه ( مع ملاحظة كلمه يمكن فى كل كلامى ) ...

أخر كام سصر دول حاسس أنك بتقفش عليا فيهم,,,,
بس لاحظ انى قولت ( أحيانا" ) وبقولك تانى مش كل الناس زيك وزى الدكتور أحمد .....

أستاذ هشام أنا مقفشتش ولا حاجه
لكن فكره التحيز دى بتضايقنى لأنى بجد أوضحت فى كل حته عيوب السياره
والى يضايق أن أكيد الكل فى المنتدى عرف عيوب العربيه
ليه بقى الاصرار على أختلاق عيوب ملهاش وجود من الى بيهاجموا العربيه
وعلى فكره أنا بشوف المواضيع الى فيها السيراتو ومبقلش رأيي فى البدايه وبقول مش هقول رأيي من الاساس
لكن بتابع
ألاقى الى بيقول لأ بلاش سيراتو علشان كذا وكذا وكذا وكله كلام غلط
أتضر أرد علشان أصحح الى أتقال
يعنى السمه مش أنى أرد لا
السمه أن أى مقارنه فيها السيراتو تنشط المخيله ويظهر الابداع فى أختلاق العيوب
وأنا مقدرش أسيب الراجل الى سأل بين كلام غلط وتضليل مش فى مصلحته
يبقى العيب على الى ألف ولا على الى بيرد على التأليف؟

**Hosam_Optrawy** · 04-07-2010 11:09 PM

الانتشار

النجاح

قعدت عربيات كتير فى البيت

عشان فيها كل عوامل النجاح سعر واداء وشكل وكماليات وامان .... الخ

علمت على السيفيك والمازدا فى امريكا فى مقارنة Topspeed :)

http://www.nilemotors.net/Nile/159522-a.html

المبيعات الرهيبه رغم انها مابتتباعش فى اوروبا

كل ما ادخل على موقع كيا كل شهر الاقى الجمله دى

Kia's best selling model in overseas markets for the month was the C-segment Cerato

دا غير ان اى review او road test فى اى بلد لازم يكتبوا فى الاخر اى جمله من الجمل دى

best value for money

amazing value for money

in the case of the 2010 Kia Forte, you’re getting a whole lot more

وفى كمان مفاجأه قريب كمان كام يوم :)

**M7amD_7amDy** · 05-07-2010 12:26 AM

المشاركة الأصلية كتبت بواسطة hosam_optrawy

وفى كمان مفاجأه قريب كمان كام يوم :)

هتلحقنا فى المقابلة ولا المفاجأة هتغيب شوية؟

**medociv** · 05-07-2010 10:29 AM

السلام عليكم ورحمة الله وبركاته
سامحني اذا كنت هقول حاجات تضايقك ومع احترامي الكامل ليك لكن عندي شوية نقط:
-ليه كلمة كارهها كلمة كبيرة قوي زي متكون هي عدو وانت عارف ان اي عربية جديدة كل واحد ماشي او راكب ميكروباص او مواصلة او ملاكي قديمة بيبص لاي عربية جديدة بصة حسد وحقد (ثقافة الشعب هيقول اكيد ماما جايباهالو) ورايي ان ده لان شكلها جزاب وجميل مع اني مش مقتنع بيها.
-ليه يا جماعة يا بتوع السيراتو بتهاجمو اي حد بينتقد العربية هي ملاك ولا قران ولا محصلتش من حق اي حد يبنتقدها ومش لازم يكون مالكها ويجربها ويعيبها لكن بصراحة انا بحس ان الناس هنا بتهاجم هجوم شديد لاي حد بس بينتقدها او يهاجمها طبعا (وده حصل معايا ومع ناس كتير) مع ان الناس بتنتقد اي عربية عادي الماني كوري ماليزي ياباني ومشفتش الهجوم الشديد عليه (لدرجة انكو بتقولو بقيتو بترعبو اي حد وده مش حاجة مفرحة اي حد ممكن يهاجم ويرعب برضه) وكلا يدلو بدلوو وعادي نقد عادي ورد فالواحد يستفيد وميحسش انه في ساحة جدل بيزنطي ، نصيحتي الشخصية كاخ ليكم الهدوء شوية يا جماعة دحنا مسلمين.
-الحدة الشديدة طبعا في الرد (كما في النقطة السابقة) وفي المواضيع نفسها ومسمياتها (كيداهم .....) حتى كان في معمول موضوع عن تقييم السيراتو الموضوع معمول بحدة بصراحة.
-يا جماعة ده مش منزلة وبصراحة كل العربيات اللي بتنزل مصر اي كلام مقارنة باللي بره او الخليج مثلا حتى الياباني اللي ب 150 الف او اكتر ده ال128 بتاعة الخليج الواحد شاف عربيات هناك تعقد.
وفي النهاية تقبلو انتقادي وبدون زعل.

**toni** · 05-07-2010 10:41 AM

انا مش بكره السيراتو انا بكره طريقة السواقه بتاعة الي راكبيين السيراتو طبعا مش كلهم بس بحس ان معظم الناس شكل العربية من بره ومن جوه محسسهم انهم راكبين مركبة فضاء وده طبعاً بيخليهم مجانين سرعة وغرز وحاجات كده فوق امكانيات العربية (خليكم فاكرين ان قلت مش كلهم) واكبر دليل على كلامي حادثة سوق التونسي حد ياخد كوبري زي ده على 180

**ldsaklf** · 05-07-2010 11:13 AM

المشاركة الأصلية كتبت بواسطة Aboel3oref

تهويل الأشاعات الحصل للسيراتو كان من التجار و سببه النجاح الرهيب للمبيعات , الخوف من سحب البساط من مركات صاحبة حصص فى التسويق من سنين , و بدام الأشاعات لم تؤثر على البيع أو سعر أعادة البيع للسيراتو = الأشاعات فشلت = نجاح السيراتو .

**Conspirator** · 05-07-2010 12:29 PM

My Name is Khan and I'm not a Terrorist
عربيتى سيراتو وهى عربية حلوة وكيداهم

إسترجل واركب سيراتو ... سيراتو هتطلع الراجل اللى جواك

**Atrees** · 05-07-2010 02:03 PM

المشاركة الأصلية كتبت بواسطة Conspirator

My Name is Khan and I'm not a Terrorist

عربيتى سيراتو وهى عربية حلوة وكيداهم

إسترجل واركب سيراتو ... سيراتو هتطلع الراجل اللى جواك

ههههههههههههههههههههههههه ههههههههههههههههه زي العسل

KIA or NOkia

-

-

الموضوع: هو الناس بتكره السيراتو ليه؟

LinkBack

أدوات الموضوع

عرض

-

-

-

كلام سليم مية في المية -

-

-

المواضيع المتشابهه

السيراتو حديث الناس

رأي الناس في السيراتو 2008

ليه الناس بتشترى الكيا السيراتو الخليجى؟؟؟

ممكن الناس العندها السيراتو الجديده تدخل؟؟ (لوسمحتم طبعا)

مش عارف كل الناس بتكره اللادا كده ليه!!!

الكلمات الدلالية لهذا الموضوع

المفضلات

المفضلات

ضوابط المشاركة