الموضوع: هو الناس بتكره السيراتو ليه؟

سلام عليكم ورحمه الله وبركاته انا مكنتش ناوى ارد بس عشان انت الى كتبت الموضوع يا نورمال باشا

اولا : السيراتو محدش كارها ولا حاجه ولا حتى انا حبها جدا وشكلها جميل وكل حاجه بس اصحابها بقوا بيعملوا اساطير ياعنى المرسيدس مبيتقالش عليها ربع الى بيتقال على السيراتو

المشكله ان اصحابها عمالين يقولوا كذا وكذا و كذا وكذا

ونيجى بقى نشوف الحقيقه ياعنى واحد بيقول فى احدى المنتديات السيراتو شدت مع السيفيك و الكورولا ال 1.8 سى سى فى احدى البلاد العربيه و خليتها ورا و قدامى فيديو الكورولا 1.6 شدت منها وجريت عنها بكتير يبقى اصدق مين اصدق عنيا ولا الى بيحكى ماشى وهكذا السيات ابيزا مثلا واحد هتلاقى واحد قال ديه تشد عنها بكتيير ومش عارف ايه ويقولك يا عم ديه سياااااااااااات نجيب الفيديو تلاقى الى قال كده يقولك شوفو وزن العربيه يفرق وعدد اللفات وتصميم الماتور مش كان من شويه بيقول ديه تكسبها ما علينا

وواحد عمال يقولك العربيه كنت ماشى على 100 وفرملت على رمل ناعم ووقفت فى 5 متر

و حضرتكم بتقولو ثباتها لا يوصف وتقفل عداد وتعمل البدع ونبص فى الطرق تلاقى كل شويه يا واحده مقلوبه يا مخبوطه و الكابوت مبقاش كبوت

انا رأى وده اقتناعى مفيش اى عربيه كورى مهما وصلت مش هتبقى زى الاوروبى والى معاه الاتنين عارف كده كويس اوى

ممكن كوريا عربياتها قربت من اليابان وبتنافسها بشده لكن الاوروبى حاجه تانيه ملاخر ده كوم وده كوم تانى خالص وعلى فكره العربيات اليابانى كانت كده و وبدأ الناس بحترمها جدا والكورى هكذا بس بص تيوتا و شركات يابانيه وصلت لايه بس برده مش هتبقى زى الاوروبى ............ شوف بقى العربيات الكورى بنسبه لليابانى اولا العربيات كويسه جدا بل ممتازه وتنافس لكن ليست افضل منها كوريا الان فى مرحله الاقتباس مش التقليد فى فرق اولا الاقتباس ياعنى لسه موصلتش انها تعمل فتيس زى ستربترونيك ولا ايزى ترونيك و mmt الى الناس معرفتش تتعامل معاه فى مصر او غيره الى بتعملوا الشركات الاوروبيه واليابانيه ياعنى مثلا
هتلاقى حطين فتيس الاستربترونيك بعد ما جربته ميتسوبيشى لمده 3 سنوات نظام التعليق و العفشه و الخ...............

وده نظام جيد فى صنع السيارات وضع الاشياء المجربه عن سابقاتها و الاستفاده من خبرات الغير مما ادى الى قله الاعطال عشان كلها عشان مثلا نظام العفشه مصمم نفس اسلوب هوندا و نظام التعليق نفس بتاع اوبل مثلا انا بقول مثلا

والعربيه ديه قدرت فى وقت قياسى ان تنال اعجاب و احترام الكثير من الناس وده مؤكد لكن عندما نأتى بالاوروبى يبتعد كل شئ يتقال عليها اى حاجه ( فوبيا الاوروبى- عشق الاوروبى- جنون الاوروبى- تنويم مغنطيسى )

ياريت محدش يرد عليا غير نورمال عشان الوحيد الى بعرف اتفاهم معاه ماشة يا جدعان بس انا مكونتش ناوى ادخل بس قولت اوضح وجه النظر بتاعت الناس لو انا غلط ياريت تصححلى وتقولى انا غلطان فى ايه

حنقول ايه - دنيا


يكفينا تقيم العالم وكل فئاته داخل وخارج مصر للسيراتو الجميلة - في فئه من الناس متحبش تشوف حاجه حلوه وناجحه ومكسره الدنيا - ده انا مش بسميه كره يا نورمال للسياره او نجاحها - ده نسميه حسد وغيره يا نورمال يا اخويا - قدرنا كدة

بجد دي فئه من الناس - لكن في ناس في المنتدي مبتحبش السيراتو لكن لا تهاجم وتختلق الاشاعات لتبرير موقفهم


وصباحكم فل - السيراتو نكدت علي الكل

المشاركة الأصلية كتبت بواسطة medociv

السلام عليكم ورحمة الله وبركاته
سامحني اذا كنت هقول حاجات تضايقك ومع احترامي الكامل ليك لكن عندي شوية نقط:
-ليه كلمة كارهها كلمة كبيرة قوي زي متكون هي عدو وانت عارف ان اي عربية جديدة كل واحد ماشي او راكب ميكروباص او مواصلة او ملاكي قديمة بيبص لاي عربية جديدة بصة حسد وحقد (ثقافة الشعب هيقول اكيد ماما جايباهالو) ورايي ان ده لان شكلها جزاب وجميل مع اني مش مقتنع بيها.
-ليه يا جماعة يا بتوع السيراتو بتهاجمو اي حد بينتقد العربية هي ملاك ولا قران ولا محصلتش من حق اي حد يبنتقدها ومش لازم يكون مالكها ويجربها ويعيبها لكن بصراحة انا بحس ان الناس هنا بتهاجم هجوم شديد لاي حد بس بينتقدها او يهاجمها طبعا (وده حصل معايا ومع ناس كتير) مع ان الناس بتنتقد اي عربية عادي الماني كوري ماليزي ياباني ومشفتش الهجوم الشديد عليه (لدرجة انكو بتقولو بقيتو بترعبو اي حد وده مش حاجة مفرحة اي حد ممكن يهاجم ويرعب برضه) وكلا يدلو بدلوو وعادي نقد عادي ورد فالواحد يستفيد وميحسش انه في ساحة جدل بيزنطي ، نصيحتي الشخصية كاخ ليكم الهدوء شوية يا جماعة دحنا مسلمين.
-الحدة الشديدة طبعا في الرد (كما في النقطة السابقة) وفي المواضيع نفسها ومسمياتها (كيداهم .....) حتى كان في معمول موضوع عن تقييم السيراتو الموضوع معمول بحدة بصراحة.
-يا جماعة ده مش منزلة وبصراحة كل العربيات اللي بتنزل مصر اي كلام مقارنة باللي بره او الخليج مثلا حتى الياباني اللي ب 150 الف او اكتر ده ال128 بتاعة الخليج الواحد شاف عربيات هناك تعقد.
وفي النهاية تقبلو انتقادي وبدون زعل.

يا جمالك كلام سليم جدا هتلاقى نفس الموضوع فى الردود الى فاتت حتى ياعنى فى اى قسم انا دخلت فى قسم تيوتا مثلا وقولت على الفتيس ال MMT ده وحش و مشاكله كتير و العربيه كذا كذا كذا وقولت ديه دايو احسن منها مثلا

هرد عليه واقول ياااااااااااعم ديه دايو لو راح او جت برده دايو واسف لملكها الاسم ده الى جه فى دماغى

المشكله انهم يغلطوا فى جميع العربيات ولما حد يقول نص كلمه على السيراتو يتلموا عليه بقى طب ما دام حد بيتكلم على حاجه ميعرفهاش بلاش يتكلم احسن وهكذا حال الكثير من ينتقدون السياره الكيا فال الامور متساويه

المشكله انهم خلوا الناس من كتر الكلام يفتكروا انها بوغاتى فيرون

وكان برده احد الاعضاء معاه هيونداى النترا اى مقارنه اى مقارنه مع العربيه طبعا الانترا افضل مع ان العربيه فيها عيوب وعلى لسان صاحبها الى قالى كده

مفهاش فرامل عدم اتزان وكل مشاكل الثبات فيها طب قول ميزاتها وعيوبها والى ملاحظه الايام القليله الايام الخوالى الى فاتت

ان هيونداى ليس بها اى فرامل

كنت فى مقابله فيات هيونداى i10 مفرمله من اخر الشارع وبرده خبطط فينا من ورا فيرنا لسه خبطانى امبارح من ورا بس الفيرنا معلقتش نمر والعربيه بقى شكلها شوارع من قدام وانا عندى بعض الخدوش من الخلف انا نزلت بصيت ودحكت ومقدرتش امسك نفسى ومشيت بالتمبرا طبعا والراجل بتاع الفيرنا بيشد فى شعروا العربيه مركبتش نمر

الاساطير لن تنتهي - لكن تبقي السيراتو واقع

نحن نحب سيراتو - نعشق سيراتو - نراها الافضل

المشاركة الأصلية كتبت بواسطة medociv

السلام عليكم ورحمة الله وبركاته
سامحني اذا كنت هقول حاجات تضايقك ومع احترامي الكامل ليك لكن عندي شوية نقط:
-ليه كلمة كارهها كلمة كبيرة قوي زي متكون هي عدو وانت عارف ان اي عربية جديدة كل واحد ماشي او راكب ميكروباص او مواصلة او ملاكي قديمة بيبص لاي عربية جديدة بصة حسد وحقد (ثقافة الشعب هيقول اكيد ماما جايباهالو) ورايي ان ده لان شكلها جزاب وجميل مع اني مش مقتنع بيها.
-ليه يا جماعة يا بتوع السيراتو بتهاجمو اي حد بينتقد العربية هي ملاك ولا قران ولا محصلتش من حق اي حد يبنتقدها ومش لازم يكون مالكها ويجربها ويعيبها لكن بصراحة انا بحس ان الناس هنا بتهاجم هجوم شديد لاي حد بس بينتقدها او يهاجمها طبعا (وده حصل معايا ومع ناس كتير) مع ان الناس بتنتقد اي عربية عادي الماني كوري ماليزي ياباني ومشفتش الهجوم الشديد عليه (لدرجة انكو بتقولو بقيتو بترعبو اي حد وده مش حاجة مفرحة اي حد ممكن يهاجم ويرعب برضه) وكلا يدلو بدلوو وعادي نقد عادي ورد فالواحد يستفيد وميحسش انه في ساحة جدل بيزنطي ، نصيحتي الشخصية كاخ ليكم الهدوء شوية يا جماعة دحنا مسلمين.
-الحدة الشديدة طبعا في الرد (كما في النقطة السابقة) وفي المواضيع نفسها ومسمياتها (كيداهم .....) حتى كان في معمول موضوع عن تقييم السيراتو الموضوع معمول بحدة بصراحة.
-يا جماعة ده مش منزلة وبصراحة كل العربيات اللي بتنزل مصر اي كلام مقارنة باللي بره او الخليج مثلا حتى الياباني اللي ب 150 الف او اكتر ده ال128 بتاعة الخليج الواحد شاف عربيات هناك تعقد.
وفي النهاية تقبلو انتقادي وبدون زعل.

حضرتك مسألتش نفسك ولو مره ليه بنهاجم أى حد بيهاجم العربيه؟
لأنه ببساطه بيهجمها بما ليس فيها
بيألف من الاخر
حضرتك راكب عربيه أى كان نوعها
أكيد عرفها أكتر منى أنا مركبتهاش
تحس بأيه لو أقلتلك يا باشا عربيتك دى من غير شنطه
تقولى لأ فيها شنطه دى عربيتى وأنا عارفها
أقولك لأ مفيهاش شنطه
وبعدين يجى واحد بيقول يا جماعه العربيه عامله أيه أجبها ولا لأ
يدخل أخينا يقوله لا بلاش دى منغير شنطه
حضرتك هتعمل ايه؟؟؟؟؟؟؟؟؟؟؟؟؟؟؟؟؟؟؟؟
واحد بيقول كلام "كذب" مش فى الواقع
أنت عايزنى أسيه هنا بقى...صح؟
دا المطلوب ولا المطلوب أيه
حضرتك شور عليه
واحد مركبش عربيتى ومفاهيمه حتى العلميه غلط فى غلط وماسك كنكه مخرومه وبيشنع على العربيه المفروض أعمل أيه؟

المشاركة الأصلية كتبت بواسطة amrseba

سلام عليكم ورحمه الله وبركاته انا مكنتش ناوى ارد بس عشان انت الى كتبت الموضوع يا نورمال باشا

اولا : السيراتو محدش كارها ولا حاجه ولا حتى انا حبها جدا وشكلها جميل وكل حاجه بس اصحابها بقوا بيعملوا اساطير ياعنى المرسيدس مبيتقالش عليها ربع الى بيتقال على السيراتو

المشكله ان اصحابها عمالين يقولوا كذا وكذا و كذا وكذا

ونيجى بقى نشوف الحقيقه ياعنى واحد بيقول فى احدى المنتديات السيراتو شدت مع السيفيك و الكورولا ال 1.8 سى سى فى احدى البلاد العربيه و خليتها ورا و قدامى فيديو الكورولا 1.6 شدت منها وجريت عنها بكتير يبقى اصدق مين اصدق عنيا ولا الى بيحكى ماشى وهكذا السيات ابيزا مثلا واحد هتلاقى واحد قال ديه تشد عنها بكتيير ومش عارف ايه ويقولك يا عم ديه سياااااااااااات نجيب الفيديو تلاقى الى قال كده يقولك شوفو وزن العربيه يفرق وعدد اللفات وتصميم الماتور مش كان من شويه بيقول ديه تكسبها ما علينا

وواحد عمال يقولك العربيه كنت ماشى على 100 وفرملت على رمل ناعم ووقفت فى 5 متر

و حضرتكم بتقولو ثباتها لا يوصف وتقفل عداد وتعمل البدع ونبص فى الطرق تلاقى كل شويه يا واحده مقلوبه يا مخبوطه و الكابوت مبقاش كبوت

انا رأى وده اقتناعى مفيش اى عربيه كورى مهما وصلت مش هتبقى زى الاوروبى والى معاه الاتنين عارف كده كويس اوى

ممكن كوريا عربياتها قربت من اليابان وبتنافسها بشده لكن الاوروبى حاجه تانيه ملاخر ده كوم وده كوم تانى خالص وعلى فكره العربيات اليابانى كانت كده و وبدأ الناس بحترمها جدا والكورى هكذا بس بص تيوتا و شركات يابانيه وصلت لايه بس برده مش هتبقى زى الاوروبى ............ شوف بقى العربيات الكورى بنسبه لليابانى اولا العربيات كويسه جدا بل ممتازه وتنافس لكن ليست افضل منها كوريا الان فى مرحله الاقتباس مش التقليد فى فرق اولا الاقتباس ياعنى لسه موصلتش انها تعمل فتيس زى ستربترونيك ولا ايزى ترونيك و mmt الى الناس معرفتش تتعامل معاه فى مصر او غيره الى بتعملوا الشركات الاوروبيه واليابانيه ياعنى مثلا
هتلاقى حطين فتيس الاستربترونيك بعد ما جربته ميتسوبيشى لمده 3 سنوات نظام التعليق و العفشه و الخ...............

وده نظام جيد فى صنع السيارات وضع الاشياء المجربه عن سابقاتها و الاستفاده من خبرات الغير مما ادى الى قله الاعطال عشان كلها عشان مثلا نظام العفشه مصمم نفس اسلوب هوندا و نظام التعليق نفس بتاع اوبل مثلا انا بقول مثلا

والعربيه ديه قدرت فى وقت قياسى ان تنال اعجاب و احترام الكثير من الناس وده مؤكد لكن عندما نأتى بالاوروبى يبتعد كل شئ يتقال عليها اى حاجه ( فوبيا الاوروبى- عشق الاوروبى- جنون الاوروبى- تنويم مغنطيسى )

ياريت محدش يرد عليا غير نورمال عشان الوحيد الى بعرف اتفاهم معاه ماشة يا جدعان بس انا مكونتش ناوى ادخل بس قولت اوضح وجه النظر بتاعت الناس لو انا غلط ياريت تصححلى وتقولى انا غلطان فى ايه

بص يا عمرو حكايه أصحابها محسسينا أنها مرسيدس دى قدمت أوى
عدنا أهو واحد واحد من أكبر مالك فينا للى لسه جايبها أمبارح
كلنا قلنا عيوبها ومميزتها
لما أنا أعمل موضوع وأقول فيه عيوبها وغيري كذلك وبعدين ألاقى بردو واحد سايب الى أنا قايله وبيألف فى حاجه تانيه يبقى أسمه أيه؟
هو مش عايز يفيد حد بقى
هو لو عايز يفيد حد كان خد تجارب الملاك وفاد بيها الناس
أنما دا بيألف من دماغه
فموضوع الملاك بيشعروا فيها أنا شيفه غير موجود من الاساس
كل واحد فينا عارف هو راكب أيه وعارف هو فايته أيه
تفتكر لو حد فينا جاتله فرصه يركب ألمانى هيقول لأ مش فارقه؟؟
دى تعقل يعنى؟؟
بخصوص اليبانى والاقتباس والتقليد
بص التقليد صينى
غير كدا لأ
عيب يا عمرو تقول كيا على سبيل المثال بتقلد أو بتقتبس حتى وهى جايبه أحد أكبر مصصمى السيارات فى العالم
فدا كلام مش صحيح
وعلى فكره بخصوص التكنولوجيا والتقليد فيها
العالم كله مدين لمرسيدس على فكره
كل الى بتشوفه فى العربيات دلوقتى من تكنولوجى من أصغر مسمار لأكبر بارت مرسيدس هى الى عملته والباقى قلد
فدا مسموش تقليد
لما أستخدم قانون من قوانين نيوتن ميبقاش أسمى بقلده أنا بستخدم ما وصل أيه
كذلك الحال لما أدعم عربيتى بفتيس تبترونيك يبقى مش بقلد ولا بقتبس أنا بزود عربيتى بأحدث تكنولجى
ولا هو تيوتا هى الى أخترعت الmmt

يا جماعه الموضوع مش باروح بدم نفديكى يا سيراتو لا دى عربيات مش هنزع بعض على شانها

الحكايه أن السيراتو أحسن قيمه مقابل السعر و شيك و شبابى محدش أختلف و لو فيها مثبت سرعه كنت أشتريتها و بعدين هونوا عليكى أراء الناس مش دايما مظبوطه , ده فيه ماركات تانيه أوروبى بيتقال عيها حاكايات خرافيه و أساطير فى الأعطال

كام عربيه نضيفه فى فئتها أتظلمت فترة نزول الانسر الكرستاله , البالينو و التويوتا أيكو أتفرمو فى السوق مع أنهم كانو عربيات جيده فى الفتره دى زى الأنسر برضو مسلمتش من أشاعات كتير , وده محصلش للسيراتو العربيه بشوفها ليل نهار فى كل حته , و الرينو رغم مابيعاتها مسلمتش من الأشاعات لدرجة ان فيه مواضيع تحس أنها معمله مخصوص لغرض تقليل من قيمة عربيات معينه .

المشاركة الأصلية كتبت بواسطة normal

عيب يا عمرو تقول كيا على سبيل المثال بتقلد أو بتقتبس حتى وهى جايبه أحد أكبر مصصمى السيارات فى العالم
فدا كلام مش صحيح
وعلى فكره بخصوص التكنولوجيا والتقليد فيها
العالم كله مدين لمرسيدس على فكره
كلالى بتشوفه فى العربيات دلوقتى من تكنولوجى من أصغر مسمار لأكبر بارت مرسيدس هى الى عملته والباقى قلد
فدا مسموش تقليد
لما أستخدم قانون من قوانين نيوتن ميبقاش أسمى بقلده أنا بستخدم ما وصل أيه
كذلك الحال لما أدعم عربيتى بفتيس تبترونيك يبقى مش بقلد ولا بقتبس أنا بزود عربيتى بأحدث تكنولجى
ولا هو تيوتا هى الى أخترعت الmmt

لا يا باشا انت فهمتنى غلط انا مبقولش بتقلد انا بقول نفس الاسلوب ياعنى مش هتلاقى حاجه جديده عملتها فى عربياتها كلها من تجارب سابقه وده فى حد ذاته نجاح انى استفيد من الى قابلى وده بيدى اعتماديه كبببيره فى العربيه
وهقولك حاجه ده مش وقت ان كيا تخترع حاجه فى الاول كده وانشاء الله قريب هتلاقيها حاجه تانيه

ماشى وانا بستخدم قانون من قوانين نيوتن طب ليه معملتش نظام فتيس جديد مثلا اونظام فرامل مختلف او نظام تعليقا و نظام عفشه جديد يجعل العربيه مختلفه بس لما تكون الحاجات متجربه انت هتكون مطمن الفتيس ده مثلا بقالوا 5 سنين هوندا مصنعا و محقق نجاح ومظهرش اى مشاكل منه انت هتكون واثق امال حته لو فى شركه اوروبيه كبيره المانيه زى اوبل مثلا الفتيس جديد انت متعرفش نظاموا ايه اعطاله ايه مين الى بيشتغل فيه مشاكله ايه ازاى ااااتعامل معاهوهتكون قلق بس وكيا بتعمل بخببرات اخوتها الكبار و مغلطتش زى تيوتا معملتش فتيس وبتاع لكن كل حاجه مجربه مش اقل من 3 سنين ومعروف اعطالها ايه و حلولها ايه

وعلى فكره فى مصر الكورى مش منتشر اوى ياعنى انتم لو شوفتو دول الشام ولا الدول العربيه هتلاقوا كيا فى كل مكان ياعنى ممكن تلاقى 5 عربيات نفس الموديل راكنين ورا بعض