(هام للمقبلين على شراء سياره مستعمله او جديده) هساعدك فى الاختيار

**momopersona** · 10-10-2010 01:29 AM

المشاركة الأصلية كتبت بواسطة engahmed13

معروض عليا سيات ابيزا موديل 1994 وبحاله جيدة من الخاج لو تغاضينا عن بعض السمكرة
والموتور بيقول انه كفائتة 70 % والعفشه بقالها 16 سنه بتجري في شوارع مصر
برجاء الإغاده عن السعر وبالمناسبه هي مش ليا بس صديق عزيز عليا سألني عليها وقلتله مفيش أحسن من مشرفين واعضاء نايل موتورز هما اللي معاهم الافاده كلها:10d5c8w1107::10d5c8w1107:

أرجو من لديه الخبرة الاهتمام بموضوعي

الابيزا 94 سعرها من 25 الى 32

طبعا المهم حالة الاساسيات
يعنى اكشف عليها شاسيه وعفشه وموتور لو كويسين خليه يتكل على الله فيها

بس خلى بالك الابيزا اعادة بيعها مش سهله وكمان قطع غيارها مش رخيصه اوى

يفضل يخليه فى اكسينت او برايد احسن

**ahmed_oth** · 10-10-2010 10:29 AM

المشاركة الأصلية كتبت بواسطة engayman2006

شكرا يا شباب علي الردود

انا فعلا كنت حاطط الاحتمالات دي في دماغي بس هقول انا رسيت علي ايه

اولا انا فعلا استبعدت النيو اكسنت لانها بقت غاليه جدا عليها المانيوال ب 82500 ودا الصراحة حرام حسبي الله ونعم الوكيل فيك يا غبور والجيتز حلوة بردة بس نفس الكلام سعرها مانيوال 77000 بردة غالي عليها

الاختيارات التانية كانت مابين الانوس واللوجان والساجا وفيات بونتو كلاسيك

استبعدت الانوس علشان اولا منصور وناس كتير بتقول مابقتش زي الدايو والدايو احسن بكتير
والساجا الصراحة انا متحمس ليها اوي بس عيبها بالنسبة ليا اني لحد دلوقتي مشفتش الا عربية واحدة في القاهرة

مش عارف الناس الي بتشتري بتروح فين العربية لسة نازله وعيوبها مش هتبان دا غير لو حصلها حاجة محدش هيعرف يمد ايدة فيها

مابقاش غير اللوجان والبونتو وهما دول فعلا احسن اتنين في الفئة دي

اللوجان فرنسي تقفيل مغربي, ماتور اقوي واوسع بس مشكلتها بالنسبالي هي:
1- الشكل مش حلو اوي
2- اسمع والله اعلم ان صاجها مش اد كدة ضعيف حبتين
3- بردة هيا بسم الله ما شاء الله انتشرت بس لسه بردة متعرفش عيوبها اوي

البونتو ايطالي تقفيل صربي واديق شوية بس شكلها عاجبني اكتر وكمان عربية بقالها كتير في السوق ومعروف عيوبها وصيانتها قطع غيار غاليه شوية بس ايطالي وبتعيش بنسبة كبيرة استقريت علي فيات بونتو ان شاء الله

ممكن تدخل على الموقع ده لعمل مقارنه بين البونتو واللوجان
هيفيدك جدا فى الاختيار كا تيكنيكال
www.ccegy.com/arab

**momopersona** · 01-12-2010 06:40 PM

ااسف للجميع
لظروف خاصه بعملى و دراستى
لم اتمكن من المواصله مع الاعضاء
وقد يستمر الوضع حتى نهاية العام الدراسى

ااسف للجميع
كان نفسى اكمل لكن بجد ماقدرتش اوفق بين واجباتى
شكرا لكل اللى شاركو وااسف للى ماعرفتش ارد عليهم

شكرااااااااا