الموضوع: أهم صورة إلتقطت للفضاء بتليسكوب هابل .

المشاركة الأصلية كتبت بواسطة بحري

ثم هل هذه الأموال تنفق بالفعل من أجل التعرف على آيات الله في الكون..أم من أجل السيطرة على الفضاء وإنتاج السوبرمان..هل ينفقها من يعلمون حقا معاني الإيمان أم من يصدعون أدمغتنا كل يوم بقدرتهم على خلق خلايا مستنسخة وخلايا وقود لا تفنى

هذة الاموال تنفق بالنسبة لهم من اجل العلم ..لكن اللى بيحصل ان فى علماء بيؤمنو فى النهاية بعد رؤية بعض هذة الايات ..و هى دى حكمة الله فى انة سخر هذة الدول و هؤلاء العلماء للبحث فى اياتة و هم لا يعلمون انة قدر الله فيهم مصداقا لقولة

"سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ "(53) فُصلت


وهناك من سبقنا إلى الجنة ولم يعرف أن هناك ما يسمى بالسنوات الضوئية أصلا...وطالما منَّ الله علينا بهذا العلم فلنستغله فيما يفيد وينفع

انا مش فاهم بصراحة اية علاقة الجنة بالسنوات الضوئية ..قصدك يعنى دخول الجنة مش محتاج علم بأيات الله و التامل فيها و التفكر فيها ..

و انت تعرف منين على وجه الحصر ان من سبقنا الى الجنة لم يعرف السنوات الضوئية ...
اذا كان الرسول بنفسة فى رحلة الاسراء والمعراج كان بيتحرك بسرعات فوق الوصف و شاف السموات السبعة و شاف الجنة و شاف النار ..

و حتى اذا فرضنا ان تخمينك صحيح يعنى ..اية المشكلة ان احنا يكون طريقنا اللى جنة هو التامل فى السنوات الضوئية و التفكر فى ايات اللة اللى العلم الحديث وصلنا لرؤيتها بفضل الله..هو انت متخيل ان الطريق اللى جنة واحد .....دة فى رجل دخل الجنة عشان سقى كلب عطشان ...

و اية زى دى مثلا ::

قال الله -تعالى-: (إِنَّ فِي خَلْقِ السَّمَوَاتِ وَالأَرْضِ وَاخْتِلافِ اللَّيْلِ وَالنَّهَارِ لآَيَاتٍ لأُولِي الأَلْبَابِ . الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَوَاتِ وَالأَرْضِ رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ)(آل عمران: 190-191).

اية رايك فيها .. يترى الذين يذكرون الله حيتفكرو فى خلق السموات ازى من غير ما يشوفها و الايات اللى الله بيتكلم عنها فى السموات لاولى الالباب دى فين ...يترى مقصود بيها اى ايات بالضبط ...و مين هما اولى الالباب

و بعدين فى النهاية دى اموالهم و هما احرار فى صرفهما كيفما يشائو ..يترى احنا امولنا بنصرفها فى اية ..ما تشوف كدة الدول الاسلامية مجتمعة بتصرف فلوسها فين و على اية يترى بتصرف على تعمير الارض و تنمية الناس فعلا ولا بتتصرف على احدث السيارات و موبيلات و القصور و المتنزهات و الملاهى و شواطء البحر

دة فى مصر بس بيتصرف ملايين الجنيهات على السجاير و الشيشة و ما خفى كان اعظم ..يترى دى من تعمير الارض برضو و تنمية الناس ...

بلاش شوف كام من الملايين بل المليارت بتتصرف على الدجالين و السحرة والمشعوزين ..مش عاوز اقولك ارقام تخضك بس..يترى الفلوس دى بتتصرف على الزراعة و الصناعة و التنمية اللى بتتكلم عليها ...

بقي البحث فى نشئة الكون و علوم الفضاء دراسات مشبوهة ...

المشاركة الأصلية كتبت بواسطة pro-drive

طيب حد شاف دا bbc news - planck telescope reveals ancient cosmic light لسه انهرده :)

خبر جميل جدا يا برودرايف ...

واضح ان التليسكوب الجديد دة حيعمل انقلاب فى ابحاث الفضاء و يغير مفاهيم كتيرة
انا شوفت بعض اخبارة الجديدة فعلا انجاز علمى بمعنى الكلمة و حيفتح افاق جديدة ان شاء الله....

المشاركة الأصلية كتبت بواسطة factorialx

أهم صورة إلتقطت للفضاء السحيق على الإطلاق

في هذ الجزء الصغير المظلم من السماء يوجد 10000 مجرة يقدر عمرها ب 13 مليار سنة ضوئية
( حسب نظرية الإنفجار العظيم عمر الكون 13,75 مليار سنة ضوئية )

شكر يا اخ فاكتوريال على الموضوع و على الصور ..طبعا مافيش شك انها صورة مبهرة للعقول و الالباب ..سبحان الخالق العظيم

انا بس كنت عاوز اصحح معلومة صغيرة بس و هى ان "السنة الضوئية" هى وحدة قياس للمسافة و ليس للزمن
انت تقصد ان المجرات فى الصورة عمرها تقريبا 13 مليار سنة حقيقية و ليس ضوئية و كذلك عمر الكون هو تقديريا حتى الان ب حوالى 13 مليار سنة تقريبا .

و فعلا هذة الصور هى حتى الان اقدم صور للكون و عمرها يدور فى حوالى 500 مليون سنة بعد الانفجار العظيم و هى اقدم صور وصلت لنا عن طريق التليسكوبات الفضائية ..

طبعا العلماء بيتمنو انهم يقدرو يشوفو صور اقدم من كدة و يمكن كمان يوصلو لصور بدايات الانفجار العظيم نفسة فى يوم من الايام ..المهم ان اهمية هذة الصور تكمن فى دراسة العلماء لكيفية تكون هذا الكون العملاق بعد الانفجار العظيم و دراسة الطاقة اللى تتحكم فى هذا الكون العملاق و تتحكم فى تكوينة ..

معلومة برضو احب اضفها للمهتمين بهذة العلوم ان منذو بداية خلق الكون و مع نظرية الانفجار العظيم ..اثبت العلماء من خلال ابحاث الفضاء ان الكون حاليا فى حالة تمدد سريع جدا فى كل الاتجهات و ان المسافات بين المجرات اخذة فى التباعد من خلال دراسة المسافات بينهم ..و كان منذو سنوات يعتقد العلماء ان معدل تمدد الكون بيقل فى المقدرا و دة فى اعتقادهم انة نتيجة ان قوة الانفجار الاول اخذت فى التناقص و الانخفاض ..

لكن المفاجئة اللى اكتشفها العلماء "ايضا من خلال ابحاث الفضاء" ان معدل تمدد الكون و اتساعة بتزيد مش بيقل ..و الحقيقة دى ازهلت العلماء و حيرتهم بشكل كبير ..و البحث جارى الان بكل قوة عن الطاقة الهائلة العملاقة المسؤلة عن المتدد والتضخم السريع للكون بهذا المعدل ..

و هناك نظرية جديدة بالفعل اسمها "الطاقة السوداء" black energy و هى كما يعتقد العلماء طاقة هائلة مسؤلة عن تمدد و اتساع الكون بهذا المعدل ..طبعا مصدر و ماهية هذة الطاقة مازال سر الاسرار بالنسبة ليهم ..

و على فكرة احنا وجدنا ان نظرية اتساع الكون دى مذكور فى القرأن بالحرف و انها اية من ايات الخالق عز و جل و دة من خلال الاية دى ..

- والسماء بنيناها بأيد وإنا لموسعون‏(‏ الذاريات‏:47)‏

يعنى بالفعل ابحاث الفضاء بتعمق فهمنا لكلام و أيات الله عز و جل و الامثلة عديدة على كدة و كل يوم بنشوف اية جديدة من أيات الرحمن من خلال هذة الابحاث و هؤلاء العلماء اللى الله سخرهم لكشف اياتة بالرغم انه ممكن يكون منهم من غير مؤمنين من الاصل..

تبارك الله احسن الخالقين

سبحان الله صورة رائعة فعلاً .


بالنسبة لموضوع الأبحاث والدراسات العلمية في مجال الفضاء لازم هنا نوضح حاجة مهمة أتفق فيها مع السيد "بحري" وهي أن النسبة الأكبر من ما ينفق على هذة الدراسات يذهب الى الأستخدامات العسكرية وليست العلمية وذلك لضمان الحصول على القدر الأكبر من التفوق في هذا المجال ونقدر نتأكد من الكلام دة ببساطة بالمقارنة بين الميزانية التي تنفقها أي دولة من الدول العظمى في المجال العسكري والميزانية التي تنفقها في المجال العلمي وبالتالي سنجد أن حجم الأنفاق على الأستخدام العسكري الفضائي يتفوق بشكل أو بآخر على حجم الأنفاق في المجال العلمي الفضائي ....

حجم الأنفاق دة لو تم تركيزة بالكامل على المجال العلمي كان هيبقى عندنا دلوقتي سفن تقدر تسافر يومياً للفضاء على سبيل المثال أو يكون عندنا مستعمرة واحدة على الأقل في أحد الكواكب المجاورة لينا ولكن للأسف سباق التسلح يستنزف الكثير من طاقات وأمكانيات البشرية .

بالنسبة لموضوع أحتمالية وجود مخلوقات فضائية ذكية أو غير ذكية فأعتقد معنديش القدرة أو الأمكانية اللي تخليني أأكد حاجة زي كدة مهما كان أنا بشر وأمكانياتي محدودة للغاية ومعدومة بالنسبة لقدرة الخالق عز وجل ولكن في مقولة عجبتني وتأملت فيها كثيراً وهي أن الله لو كان خلق الكون دة كله على أتساعه اللامتناهي فقط من أجل البشر فأعتقد أن ده أهدار كبير لا فائد منه ولا أعتقد أن ربنا خلق الفضاء الشاسع ده كله عشان نتفرج عليه بتلسكوب .