تحذير من احدى الشخصيات فى المنتدى

**lancerevolution** · 05-07-2010 01:47 PM

الحمد لله
لعل الفلوس الى خسرتها كنت هتعمل بهم حاجة تضرك

**shok** · 05-07-2010 01:52 PM

طول ما لطماع موجود
النصاب بخير

**John_Samy_1** · 05-07-2010 02:09 PM

ربنا يعوض على حضرتك. وحضرتك مؤمن فثق إن ماحدث حصل للخير وحضرتك تستفيد منه عشان المستقبل إنشاء الله.
أنا بس كان ليَّ سؤال و خاصة للأعضاء اللي اتعاملوا مع البورصة, أنا أعرف إن البورصة استثمار مش تجارة. وإن نوع التعامل في البورصة بطريقة التجارة بيعرض لمكاسب أو خسائر كبيرة في اوقات قليلة. انما الاستثمار هو دراسة وضع مؤسسة وخططها للسنوات المالية القادمة واستراتيجياتها لتحسين وضعها في السوق ( وديه بتكون مدد زمنية طويلة ) وباستثمر في اللي أنا مقتنع بيه. لو الشركة أو الإدارة بتنفذ بطرقة خطأ ساعتها اروح استثمر في مؤسسة تانية. هل ده صح ولا هي تجارة فعلا ونوع من أنواع اضراب واجري؟

**M.Osman** · 05-07-2010 02:39 PM

ربنا يعوضك خير

بس هو اية لازمة 4 صفحات من غير ما يكون مكتوب فيها اسم "الشخصية" ؟

**ahmad--ezzat** · 05-07-2010 02:47 PM

هو اسم الشخصيه هيبقى اعلان ولا ايه؟؟؟؟

**Abo_Lina** · 05-07-2010 02:48 PM

هو حضرتك معترض إنك خسرت و لا إنك سمعت كلامها و لا إيه يعني ?
بالعضوة دي و من غيرها أنت خسرت و أي حد معرض للخسارة في البورصة

و ده درس لكل واحد إنك تشتغل في حاجة تعرف عنها معلومات و ماينفعش تخلي حد إن شاء الله أخوك يشوفلك شغلك

**bishoy02010** · 05-07-2010 03:04 PM

ربنا يعوض عليك ويصبرك

**Mzeid** · 05-07-2010 03:10 PM

ربنا يعوض حضرتك خير
بس لو ممكن اسم الشخصية علشان محدش يحاول يتعامل معاها و بكدة تكون حضرتك أفدت الاعضاء

**m_car** · 05-07-2010 03:11 PM

ربنا يعوض عليك ياباشا

بس فى الاول والاخر انت اللى غلطان

طالما معاك فلوس شغلها فى مشروع انت تعرفه انما البورصة دى قمار وسرقة علنى تقوم تكرر الغلطة اكتر من مرة

لا يلدغ المؤمن من جحر مرتين وانت اكتر من مرة مالتلومش الا نفسك والنصاب بيعمل كده علشان بيلاقى اللى بيساعده

**ahmed4000** · 05-07-2010 03:12 PM

انا حذرت من الموضوع ده اول متفتح وقدمت عليه مشاركة سيئة والحمد لله الادارة قفلته قبل ميبقى فى ضحايا اكتر
وبرده لقيت العضوة باعتلى انها ممكن تفتحلى حساب فوركس..على فكرة اسمها مش حيفرق لان مش المشكلة مين العضو المشكلة فى العرض نفسه اللى ممكن يجلك باى اسم "تعال وشارك معانا وحتكسب دهب من غير مجهود"

انا ممكن اقول ان العضوة مش لازم تبقى نصابة ولا فى انتقام ولا حاجة (حتتنقم ليه منك هى اكيد عايزة تكسب) لكنها واحد زى الوف فى البورصة فاكرة ان الموضوع سهل وان فلان ده عنده كل المعلومات وحيقولهالى ونكسب

وده ميمنعش غلط حضرتك وده نفس اللى بيحصل فى اى توظيف اموال...واحد يجى يقولك هات فلوس وانا حكسبك وانا اسمع كلامه بدون فهم وعايز اكسب

طيب ازاى اكسب من غير مجهود؟

هو فى فلوس بتيجى من الهوا؟؟؟؟

ولو جت من الهوا صدقنى حتطير فى الهوا ولا حتستفيد بيها حاجة

(على فكرة نفس الموضوع بيتم بصورة حسنة النية هنا على المنتدى..ناس بتحلل اسهم وناس تانى ماشية وراهم...ومع احترامى للطرفين...بس ازاى واحد يمشى ورا كلام واحد تانى حتى لو كان خبير الخبرا (ده مش مقصود بيه حد هنا علشان محدش يزعل) لان دى أفة البورصة المصرية كلها نسمع اى كلمة نجرى وراها وادخل على كل منتديات البورصة حتلاقى واحد عمال يحلل ويدى توصيات والناس وراه وهى مغمضة

وبعدين الناس تيجى تقولك البورصة وحشة وخسرتنا...طيب مانت لازم تخسر طبعا مدام ماشة بالطريقة دى

وبرده عايز ارد على الناس اللى عمالين يعلنوا فى البورصة

البورصة حلال مدام مبتشتريش فى شركة انتاجها حرام ومدام مبترميش فلوسك وخلاص

والبورصة لا هى فهلوة ولا سهلة ومحتاجة مجهود ودراسة وعلم والا مش حتكسب

الموضوع: تحذير من احدى الشخصيات فى المنتدى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

كيف تعرف الأبراج من الشخصيات؟

تحذير بخصوص احدى السيارات المستعملة

اذكر انجازات الشخصيات الاتية

اخيرااااا شوفت لوجو المنتدى على احدى السيارات

أنواع الشخصيات وطرق التعامل معها؟

الكلمات الدلالية لهذا الموضوع

المفضلات

المفضلات

ضوابط المشاركة