مش عارف الحكاية اللي بتقول عليها دة مسمعتش عن حد مجربها قبل كدة شكرا ياباشاانا سبق و جاوبتك عالحكاية دي من اكتر من سنة
المواتير في فترة التمانينات (قبل الكمبيوترات اللي في العربيات الحديثة ماتنزل ) كان (كحماية للموتور) علشان يخلية يفصل عند وصول الار بي ام لسرعه معينة شركة بي ام دبليو نزلت شاكوش اسبراتير بسستة لما بيلف بسرعه عالية فوق ال 6500 مثلا نتيجة القصور الذاتي و ارتفاع السرعه الزاوية - مش مهم التحليل العلمي - المهم ان شاكوش الاسبراتير بيفصل الكهرباء عند دورانة بسرعه عالية مثل 6500 ار بي ام مثلا
و بالتالي سرعه الموتور تبتدي تهدا شوية نتيجه فصل شاكوش الاسبراتير للكهرباء عن الموتور
و بالتالي السستة دي تريح و تلقط كهرباء تاني
فالموتور يلقط كهرباء تاني و يبتدي سرعه دورانة تزيد
و عند وصولها للسرعه العالية تاني السستة تفصل تاني و هكذا دواليك
و حدوث هذة العملية بسرعه جداً يخليك تسمع صوت العربية و هية "بتفصل" بالضبط كان حد بيدوس بنزين و يسيب بسرعه جدا
عارف زي اية
كانك بالضبط مركب فلاشر سرعتة عالية على سلك البوبينة و انت دايس بنزين عالاخر فعمال يوصل و يقطع كهرباء بسرعه
و اعتقد ممكن كهربائي شاطر يعملك سويتش يفصل بية الكهرباء المباشره عن البوبينة و يحولها على فلاشر (زي بتاع الاشارات) و لما انت تدوس بنزين عالاخر تدوس الزرار دة حاتلاقيها بتقطع كدة زي التفصيل
لان الفلاشر حايبقى سرعتة عالية جدا لان مافيش على حمل اللمبات (زي الفلاشر لما لمبة واحدة بتتحرق بيبقى سريع- فما بالك ان مافيش لمبات و لا اي حمل)
و لما تحب تمشي عادي تفتح الزرار فيوصل كهرباء مباشرة للبوبينة
بس عايز اقولك من الاخر انك كدة بتقصر عمر الموتور جدا
بالات العربيات الفيات لا تحتمل تكرار الوصول لار بي ام عالي كتير
تعرف انا عربيتي ماسمعتش صوتها بتفصل الا بعد سنتين مما اشتريتها
و كانت في مركز الخدمة و قرصوا عليها و هيه واقفة علشان يتاكدوا ان كل شيء تمام و ان الموتور مظبوط كويس و بيفصل في التوقيت , و انا زعقت فيهم بسبب كدة
برغم اني باجري و باشد بس ما بخليش الموتور يعدي 5000 - 5500 ار بي ام ابدا حفاظا عالموتور
عشان العربية تفصل يامحمد
انت اية شورتك
يعني اعمل اية ؟
المفضلات