الكومباوند؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

**loai-omar** · 21-02-2008 05:50 PM

بعد ماتغسل عربيتك ممكن تستعمله في تلميع العربيه

انا بلمع بيهم الفوانيس و النيكل

حرب هاتلاقيها رجعت زيروووووو

**3mr Farrag** · 21-02-2008 05:51 PM

لو عايز حاجه تلميع....
روح لبتاع البويات قله عايز كومباوند تلميع
سعره مش هيزيد عن 5 جنيه.....انا شايفه شغال كويس
اما اللي بيزيل الخدوش احسن هات حاجه نضيفه

**MEDO80** · 21-02-2008 06:01 PM

احسن حلجة للخدوش و الخرابيش من غير ما تضحكوا عليا
البوليش المصري العفش ابو 3 جنية قوي جدا
و عامل زي الرمل في الخامة بتاعت
و المستورد ابو 30 جنية و لا لية لزوم

**road_devil** · 21-02-2008 06:08 PM

بص يا باشا ,الكمباوند ده عامل زى الصنفرة يعنى فكرته أنه بيشيل طبقة رقيقة جدا من على سطح البوية بتاعت العربية, وهو بيشيل اثار الاحتكاكات والخدوش السطحية فقط يعنى الخدوش الى مش محفرة فى دهان العربية وطبعا بيدى لمعة كويسة للعربية, بس طبعا متفرطش فى استعماله زيادة عن اللزوم ,علشان زى ما قلتلك قبل كده هو عامل زى الصنفرة , يعنى قوامه عتلاقيه عامل زى الجبس أو الاسمنت الابيض لما تخلطه بالماء بس طبعا على أنعم كتير , روح لأى واحد بتاع حدايد وبويات وقله عاوز كمباوند, هتلاقيه فى حدود 4 جنيه , وهتلاقيها علبة بلاستيك لونها دهبى وغطائها أبيض وهات بالمرة كمان بوليش تلميع , وده هتلاقيه فى حدود 5 جنيه , البوليش بقه ده استعمله زى مانت عايز هتلاقيه بيدى لامعة كويسة للعربية. وعلى فكرة مش فارقة حكاية اللون ميتاليك ولا عادى لأنى زى ما قلت الكمباوند ده عامل زى الصنفرة فمش فارق بوية ميتاليك من بويه عادية.

**barakat_1986** · 21-02-2008 07:28 PM

شكرا لجميع الاخوة على المساعدة والرودود الجميلة دية

**eng_mkhalaf** · 23-02-2008 11:31 AM

طب بكدة أنا بلمع العربية بنفسى ولا أروح لبتاع الدوكو احسن - وهل ممكن أعملها مثلا كل شهر

**ahmedezzat78** · 23-02-2008 12:06 PM

لو عملتها بالكومباوند كل شهر مش هتلاقى دهان العربيه بعد سنه

و خاصه عند Sharp edges

**road_devil** · 24-02-2008 04:22 AM

لأ كتير أوى كل شهر بلاش تخليه بالمده خليه عند الحاجة , وبلاش عمال على بطال. أستعمل البولش أو الواكس ولمع بي زى ما أنت عاوز أنما الكمباوند خليه وقت اللزوم

**eng_mkhalaf** · 24-02-2008 08:36 AM

البولش أو الواكس

طب دولت مفيهمشى مشكلة والواحد ميخفشى منهم

**road_devil** · 24-02-2008 09:04 PM

لأ مفهمش مشكلة ان شاء الله واستعملهم زى ما أنت عاوز

الموضوع: الكومباوند؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

الكومباوند لعلاج خدش الزجاج (فيديو منقول)

الكومباوند والبوليش

الفرق بين البوليش و الكومباوند

الكلمات الدلالية لهذا الموضوع

المفضلات

المفضلات

ضوابط المشاركة