ياترى الرجه ديه سببها ايه (برجاء من الجميع المشاركه)

**lovernan** · 07-04-2008 11:44 AM

يا شباب عندى هوندا اتوماتيك مغلبانى طول ما انا ماشى على D والدريكسيون بيترعش او بيترج وبيزيد اوى لما بادوس فرامل فى اشاره مثلا لمده حتى ولو ثوانى والرعشه لما بتزيد بحس ان كل الطابلوه بيترج وبيترعش مع العربيه

مش عارف ديه قواعد موتور ولا كهرباء ولا كاربيتير ولا ايه بالظبط انا غلبت معاها ومحدش عارف يظبتها

ياريت اللى يعرف يدلنى على ورشه او مركز خدمه عنده ناس كويسه علشان اتخلص من المشكله ديه واللى عارف السبب اللى ورا الحاجات ديه ياريت يقولى علشان الصنايعيه ما يشتغلونيش

وشكرا من الجميع على المساعده

07-04-2008 12:33 PM

العيب دا ولا كهرباء ولا قواعد ولا علبة دركسيون...وكمان هو انت اصلا كربراتير !!!؟؟؟
كده ولا كده.....كل دا مالهوش دخل
.............

دا عيب فتييييييييييييييييييييييي ييييييييييييييييييييييييي يييييييس..ولو الحكايه دى جامده اوى...هتبقى فى قاعده مقطوعه....بجانب عيب الفتيس بردو
...............

او لو الرعشه جامده اوى.
.ممكن تدخل على السيتنج ..وتعملها سايلنت وتريح دماغك....:D:D
.................................................. .....
والله اعلم
وشكرا

**aratux** · 07-04-2008 01:19 PM

طب أنا عندى رجة جامدة لما أبطل العربية ؟؟ ده ايه ؟؟

و هية ماشية مافيش أى مشاكل

**emam** · 07-04-2008 01:35 PM

المشاركة الأصلية كتبت بواسطة lovernan

يا شباب عندى هوندا اتوماتيك مغلبانى طول ما انا ماشى على D والدريكسيون بيترعش او بيترج وبيزيد اوى لما بادوس فرامل فى اشاره مثلا لمده حتى ولو ثوانى والرعشه لما بتزيد بحس ان كل الطابلوه بيترج وبيترعش مع العربيه

مش عارف ديه قواعد موتور ولا كهرباء ولا كاربيتير ولا ايه بالظبط انا غلبت معاها ومحدش عارف يظبتها

ياريت اللى يعرف يدلنى على ورشه او مركز خدمه عنده ناس كويسه علشان اتخلص من المشكله ديه واللى عارف السبب اللى ورا الحاجات ديه ياريت يقولى علشان الصنايعيه ما يشتغلونيش

وشكرا من الجميع على المساعده

احتمال تكون الرعشة دى بسبب عيب فى الطنبورة عشان حضرتك بتقول انها بتزيد مع الفرامل

**emam** · 07-04-2008 01:36 PM

المشاركة الأصلية كتبت بواسطة aratux

طب أنا عندى رجة جامدة لما أبطل العربية ؟؟ ده ايه ؟؟

و هية ماشية مافيش أى مشاكل

كهرباء زيادة وتتزبط من الاسبراتير - بسيطة .

**Ahmad Allawy** · 07-04-2008 02:19 PM

الرجة اللي مع تبطيل العربية فعلا كهربا زيادة.. ودي بسيطة قوي.. و مفيهاش مشكلة..
اي ميكانيكي يعملهالك في دقيقتين بالظبط..
اما بالنسبة للرجة اللي بتحصل مع اخونا الللي معاه السيفيك..
فلاينج بيجو جابلك م الاخر.. ده عيب فتيس.. و مشكلة الفتيس الاوتو انه تصليحه صعب..
\وعلي ما اسمع انه لو اتفتح مش بيرجع كويس ز الاول..
وكمان ممكن بقي تعمل ليه عمرة هتكلفك تمن واحد تاني استيراد..
عموما روح لحد ميكانيكي فتيسات كويس يظبطهالك..و يقولك فيها ايه بالظبط..
وربنا يعينك..

**lovernan** · 07-04-2008 05:15 PM

[quote=FLYINGPEUGEOT;219245]العيب دا ولا كهرباء ولا قواعد ولا علبة دركسيون...وكمان هو انت اصلا كربراتير !!!؟؟؟
كده ولا كده.....كل دا مالهوش دخل
.............

دا عيب فتييييييييييييييييييييييي ييييييييييييييييييييييييي يييييييس..ولو الحكايه دى جامده اوى...هتبقى فى قاعده مقطوعه....بجانب عيب الفتيس بردو
...............

او لو الرعشه جامده اوى.
.ممكن تدخل على السيتنج ..وتعملها سايلنت وتريح دماغك....:D:D
.................................................. .....
والله اعلم
وشكرا
.....................

طيب اللى انت عاوزة يا سيدى بصراحه ربنا بجزيك خير على النصائح الجميله ديه
انا فعلا عايز اعرف ايه اللى يخلى الفيتيس يعمل كده
وكمان لو حسبناها ان تصليح الفبتيس هايتكلف 1500 جنيه تقريبا وثمن الفيتيس الاستعمال فى نفس الحدود لكن السؤال هو مين اللى هاضمن كفاءته اللى انا مصلحه ولا الاستيراد وهل الاستيراد مش هيكون على سنه ويبوظ هو راخر وما يبنش الا بعد ما اجربه وبعدين ارجع احتاج اصلح من اول وجديد (لو انا غلطان صححلى منك بنستفيد)
طيب الحاله الاولى التصليح ترشحلى مين كويس يقدر يعمله عمرة بنسبه 90% مثلا
الحاله التانيه الاستيراد استرى منين فيتيس اتوماتيك بحاله نظيفه(الوكاله- الحرفيين -عزبه شلبى-بورسعيد -........)

ارجو الافاده
الموضوع ده خطير ومكلف ولازم التاانى فى القرار

**marsguy** · 08-04-2008 09:32 AM

نصيحه روح لمسعد اللي في الحرفيين وهو إن شاء الله هايقدر يساعدك

مسعد أحسن ميكانيكي هوندا شفته لحد إنهارده

**lovernan** · 08-04-2008 11:01 AM

[quote=marsguy;220258]نصيحه روح لمسعد اللي في الحرفيين وهو إن شاء الله هايقدر يساعدك

مسعد أحسن ميكانيكي هوندا شفته لحد إنهارده
.......................

طيب انا مااعرفش مكانه فين ممكن توصفهولى وتشرحلى اوصل ليه ازاى
وهاكون شاكر ليك جدا

**marsguy** · 08-04-2008 11:45 AM

مسعد في الحرفيين، ورشه كبيره شغاله في هوندا بس

ميكانيكا وعفشه وإستيراد قطع غيار ومواتير

مكانه في الحرفيين، أنا مش عارف أوصفه إزاي بس هو قريب من واحد بتاع رادياتير مشهور أوي إسمه "خالد بطئ"

يعني إسأل في الحرفيين على مسعد وعدلي أو على خالد بطئ