الموضوع: ازاى اروح من العاشر من رمضان الى العين السخنه

المشاركة الأصلية كتبت بواسطة alaasaid

السلام عليكم ,

ان شاء الله حضرتك تنزل طريق الاسماعيلية لحد الشروق و تدخل الشروق و تنزل على طريق السويس و تفضل ماشى فى اتجاة القاهرة لحد ما تقابل مطلع الطريق الدائرى و تدخل الدائرى فى اتجاة المعادى و تفضل ماشى هتلاقى يفط لطريق العين السخنة الجديد و توصل بالسلامة ان شاء الله

انا فعلا رحت من الطريق ده

المشاركة الأصلية كتبت بواسطة mohamed_selim

او فى طريق بس مجربتوش شخصيا
تنزل من العاشر فى طريق اسمه الروبيكى بيطلع على طريق السويس فى نصه تقريبا و تكمل للسويس و تنزل شمال على العين السخنه
ده ممكن يكون اقصر بس معرفش وصله الروبيكى دى نظامها ايه
لو استخدمته طمنا عليك و على الوصله :)))

و انا راجع من العين السخنه عديت على السويس و طلعت من السويس على القاهره
قبل القاهره بحوالى 50 كم وجدت يافطه مكتوب عليه العاشر من رمضان
سالت واحد كان واقف بعربيته على اول الطريق قالى ده طريق الروبيكى
توكلت على الله و مشيت منه ودى ملاحظاتى عليه

1. الطريق بينجز جامد حوالى عشرين كم .
2. الطريق فى انوار فى اوله حتى مزلقان و بعدين مافيش انوار لمدة تقريبا 5 كم و بعدين فى انوار بعد كده ( على فكره
هو احسن من طريق السويس فى كده لان طريق السويس مافهوش انوار )
3. يعيب الطريق فقط انه فى بعض المطبات و بعض اجزاء من الطريق متكسر شويه ( مش كله)
4. ما شوفتش ولا عربيه نقل على الطريق و دى حاجه كويسه

على العموم انصح اى حد يمشى من بس ياخد باله من الطريق اول مره يعنى
وعلى فكره انا كنت ماشى فيه الساعه 10 باليل

الحمد لله على سلامتك و شكرا للمعلومه

المشاركة الأصلية كتبت بواسطة mohamed_selim

الحمد لله على سلامتك و شكرا للمعلومه

الله يسلمك

المشاركة الأصلية كتبت بواسطة dolly13

حضرتك تاخد طريق الاسماعلية لحد الشروق وتدخل الشروق تطلع على طريق السويس وتاخد اول يوتيرن وبعديه بشوية فيه طريق المحاجر ده قبل الروبيكى فى اوله كارتةبيكون فاضى تماما هتاخده على طول لحد ماتوصل لصينية هاتكمل بعدها وتخش من تحت وصلة كانها كوبرى وبعد كدة تاخد شمال تطلع على طريق العين السخنة الجديد وده اقصر طريق لحضرتك من انك تاخد الدايرى او توصل للروبيكى
ارجو ان الوصف يكون سهل

الف الف شكر

المشاركة الأصلية كتبت بواسطة se_coralsea

وصلة الروبيكي أطول شوية من وصلة الشروق بس ماتنساش انك بتوفر المسافة من العاشر للشروق و بعدين من الشروق لطريق السويس

الافضل تأخد وصلة الروبيكي من العاشر من رمضان و بعدين تطلع طريق السويس و تلف أول يوتيرن و ترجع كأنك رايح علي السويس

كمل علي طول في أتجاه السويس و بعد بوابة السويس خد الطريق الدائري حول السويس هايطلعك علي اول طريق السويس / السخنة (عند ميناء الادبية بالظبط)

فيه كمان طريق تاني :
- ممكن بعد ماتطلع من طريق الروبيكي تكمل علي طريق السويس / القاهرة بعد مدخل مدينة بدر بحوالي 5.5 كم هتلاقي يوتيرن شمال (قبل ماتحصل مدخل مدينتي)
-لف من اليوتيرن ده هتلاقي طريق يمين ينزلك علي طريق القطامية / السخنة عند مصنع الاسمنت بس طول الطريق ده حوالي 23 - 30 كم

يا تري الطريق اللي بيطلع علي مصنع الاسمنت من طريق السويس ده كويس و لا لأ و منور و لا لأ؟