الموضوع: أخيرا أستلمت الياريس و الحمد لله ؛؛؛

الحمد لله أستلمت الياريس انهارده
اللون نبيتى
أو بمعنى اصح احمر غامق ميتالك

طبعا العربيه بسم الله ما شاء الله كتكوته كده و جرايه بفظاعه بمجرد ما اسرح ثوانى ألاقى جبت 80
ناعمه طبعا
لكن الفتيس غلبنى شويه - شويه يكون ناعم زى ميكون عصايه فى طبق جيلى
بيجرى مش لاقيه الاول من الموور من الرابع
و شويه يعصلج و يغلس
بس على اخر نص ساعه حاولت اركز اكتر علشان اعرف اتعامل

العربيه كانت ماشيه حوالى 52كم
سألتهم ليه كتير كده قالوا علشان جايه من المنطقه الحره تقريبا من العامريه للاسكندريه و يا دوب المشوار

الولاعه الشباب فى التوكيل استخدموها للسجاير و طبعا جرينا عالمرور و نسوا يدوهالى و لسه حروح مشوار تانى علشان ألحقها لتضيع
بصراحه حركه ضيقتنى لان دى عربيه جديده و ميصحش كده
لكن ما علينا

حاجه كمان لاحظتها و كانت مش ظريفه
ان العربيه مش جوه مش نظيفه خالص و كلها تراب و الارضيات كلها وبر و حاجات غريبه
زى ما يكونوا اجروها امبارح لشركه أونكس
ما علينا برضو

ندخل بقى على فيلم المرور - احنا كنا 3 عربيات طالعين نرخص مع بعض
و معانا 3 افراد من التوكيل - فرد مع كل عربيه
بصراحه خلصوا كل حاجه محسناش بحاجه
لكن الوقت جرى بيا و اتبقى على استلام الرخصه يوم السبت ان شاء الله و معايا تصريح 48 ساعه

لكن فى النهايه الحمد لله على استلام العربيه بعد شهر و 21 يوم
و عقبال كل اللى ناوى يشترى
و عقبال كل اللى حجز و منتظر الاستلام