أخيرا أستلمت الياريس و الحمد لله ؛؛؛

23-02-2008 02:53 AM

onna
ola osman
الله يبارك فيكم - ميرسى على ذوقكم

Hassan Khalil: الله يبارك فيك
و ياريت تقولى التليين يكون ازاى لانى احترت و كل واحد يقوله كلام عكس التانى
اخر كلام من شخص فى التوكيل انى امشى على الرابع و الخامس و تكون النقلات بسرعه ورا بعض
يعنى مقعدش فتره بين التانى و الثالث او الثالت و الرابع لا كله بسرعه ورا بعض
لدرجه انى بيقولى مثلا ان ممكن اكون ماشيه على سرعه 20 و جايبه الرابع

رجع خالى يقولى حرام عليكى ارحمى الموتور كده غلط
و متزوديش عن سرعه 60

بصراحه مش عارفه ياريت لو حد يقولى الصح
و شكرا كلك ذوق

fahd_628
أبو عبدالله
cpt_shawky
eng_mkhalaf
الله يبارك فيكم - شكرا جزيلا

23-02-2008 03:02 AM

goodwave
الله يبارك فيك - و ان شاء الله نبارك لك قريب باليارس و تنضم لينا
اشتريت من توكيل تويويا اللى فى مصطفى كامل ش ابو قير

KiNgMaX
الله يبارك فيك يا كينج
فينك من زمان
التليين يا كينج غلبنى - و اختك حتدمر العربيه
هههههههه
محتاجه نصايحك بليز

دموع الثلج:
و الله انتى اللى قمر و عسل
الله يبارك فيكى 0
عقبال ما نفرح بعربيتك قريب ان شاء الله
و نشترى الجاجوااار سوا

mada121977
الله يبارك فيك كلك ذوق

hero
الله يبارك فيك
و فعلا الحمد لله عملت صدقات و ربنا يتقبل و يكفينى العين و شر الطريق

**Chicco** · 23-02-2008 03:24 AM

اخر كلام من شخص فى التوكيل انى امشى على الرابع و الخامس و تكون النقلات بسرعه ورا بعض
يعنى مقعدش فتره بين التانى و الثالث او الثالت و الرابع لا كله بسرعه ورا بعض
لدرجه انى بيقولى مثلا ان ممكن اكون ماشيه على سرعه 20 و جايبه الرابع

أولا ألف مبروك و ربنا يحفظ عربيتك بإذن الله :)

ثانيا الكلام اللي فوق ده مالوش محل من الاعراب و البني آدم اللي قالوا منه لله

بالمختصر كدة فترة التليين ما تمشيش بسرعة (زاي ما خالك قال) و ما تقرصيش على العربية (بلاش تكبسي على بدال البنزين) و يفضل عدم إستخدام التكييف و بلاش تحملي العربية بوزن كبير (يعني أوعي تركبي ناس كتير في العربية خصوصا لو من الحجم الكبير :)) و تروحي التوكيل في معاد أول صيانة

لو دورت في المنتدى حتلاقي نصايح تانية كتير و الله الموفق

23-02-2008 03:31 AM

Chicco
الله يبارك فيك - ميرسى ربنا يخليك
ده انا انهارده جريت جرى عالبحر و العربيه ماشاء الله بتسحب جامد
و طول الوقت عالخامس
ههههههههه
ربنا يستر عالعربيه منى
انا فعلا احترت فى موضوع التليين - امبارح خلصنا الترخيص 2 الظهر و كان وقت طلوع المدارس و الشغل و الزحمه فظيعه
بقيت ماشيه اول و تانى

انهارده عالخامس
انا مش عارفه هل كده غلط على العربيه و لا لا
و كمان اوك امشى سرعه قليله و لتكن 60 و هل معاها اجيب الرابع و لا خلينى على التالت و لا ايه
و ميرسى على تجاوبك السريع
كلك ذوق و الله

**Chicco** · 23-02-2008 03:50 AM

لو العربية فيها Rpm يبقى تابعيه و أوعي تخليه يعلى منك جامد.... لو مفيهاش يبقى ببساطة متخليش صوت الموتور يعلى جامد... لو مثلا على التالت و دوستي بنزين حتلاقي صوت العربية بيعلى و مؤشر ال-rpm بيزيد ساعتها تنقلي للرابع

أغلب العربيات مفروض ما تعديش ٢/٣ السرعة القصوى في فترة التليين يعني ١٢٠ كم لو السرعة القصوى ١٨٠..... بس يفضل ترجعي لدليل العربية للقول الفصل

طبعا حكاية الاول و التاني في الزحمة ديه مش كويسة..... يا ريت تاخديها مشوار طوالي يوم جمعة كده يبقى أحسن كتير

ربنا يوفقك للخير إن شاء الله

**hazem_khidr** · 23-02-2008 05:02 AM

التليين ما تزوديش ال Rbm عن 2,5 او 3 بالكتير و السرعه مش ازيد من 100 و علي الخامس

**cpt_shawky** · 23-02-2008 08:42 AM

المشاركة الأصلية كتبت بواسطة alsindrella

Chicco
الله يبارك فيك - ميرسى ربنا يخليك
ده انا انهارده جريت جرى عالبحر و العربيه ماشاء الله بتسحب جامد
و طول الوقت عالخامس
ههههههههه
ربنا يستر عالعربيه منى
انا فعلا احترت فى موضوع التليين - امبارح خلصنا الترخيص 2 الظهر و كان وقت طلوع المدارس و الشغل و الزحمه فظيعه
بقيت ماشيه اول و تانى

انهارده عالخامس
انا مش عارفه هل كده غلط على العربيه و لا لا
و كمان اوك امشى سرعه قليله و لتكن 60 و هل معاها اجيب الرابع و لا خلينى على التالت و لا ايه
و ميرسى على تجاوبك السريع
كلك ذوق و الله

يا سندريلا موضوع التليين ده متسمعيش كلام أى حد ولا تستفسرى من أى حد مع احترامى للجميع التزمى باللى مكتوب فدليل استخدام الياريس اللى أكيد استلمتيه مع استلامك للعربية وحاولى تقريه وقليلنا لقيتى ايه وهو ده اللى لازم تمشى عليه لأنه تعليمات مصنع السيارة نفسه.

**KiNgMaX** · 24-02-2008 03:18 AM

انت مغلبة نفسك ليه فى التليين سواقة عادية جدا بس متزوديش السرعة عن 100 بالكتير وتنقلى لما ال rpm يكون عند 2.5 او 3 بالكتير يعنى متزوديش عن كده وطبعا موضوع انك تكونى ماشية على 20 وتجيبى الرابع فده اكبر غلط ومتشغليش التكييف يعنى من الاخر بالراحة على الموتور ومتنسيش تحجزى لصيانة الالف ان شاء الله لما تخلصيهم
وبعدين مش تقولى انك من اسكندرية عشان نفرش الكورنيش سمك ايوووووووه ياجدعان
الف مبروك عليكى تانى
وادعيلى ربنا يفك اسر عربيتى عشان الرخصة مسحوبة والعربية راكنة بقالها اسبوعين فى الجراج
وده لينك بتاع الموضوع القديم انا كنت كاتبلك شوية حاجات مهمة مش عارف قريتيها ولا لا
http://www.nilemotors.net/Nile/showthread.php?t=13969

**Karim_Monir** · 24-02-2008 10:22 AM

الف مبروك يا سندريلا عضو جديد في نادي تويوتا
ربنا يرزقك خيرها ويكفيكي شرها وتستخدميها في الخير

طبعا التليين ما تزوديش عن 3 RPM وبالرحة على العربية وحاوللي ما تسوقيش بيها كتير في حتت زحمة
عشان الموتور يطبع صح
خليكي في الطواللي احسن
معلش على العربية ودي غلطة فعلا والمفروض تاخديها البنزينة تغسليها وبعد كدة تعمليلها كسوة كويس
طبعا انتي الدواخل عندك بيج
يعني لو عملتي بيج في نبيتي او بيج في اسود هايبقى حكاية
بس انا افضل بيج في نبيتي عشان تحديد العربية من برة نبيتي
بس لازم واحد كويس اللي يعملها
وما تنسيش فرش الارضية يبقى كويس عشان الرمل
ومبروك وعقبال الكامري