الموضوع: حادث هيونداي i10 بالصور .... العربية اتدمرت

المشاركة الأصلية كتبت بواسطة ahmed alaa

حمدلله علي السلامة

شكلرا ، الله يسلمك

المشاركة الأصلية كتبت بواسطة tamer_a7

انا لسه ظاهره الصور عندي المره دي :)
بصراحه انا شايف انك تبعي العربيه ما كنش حل منطقي اوي العربيه كان ممكن تتصلح بكل سهوله المشكله بس ان الناس اللي حواليكي حسسوكي انها انتهت
علي العموم الحمد لله
صحيح عملتي ايه في القضيه وكمان انتي ايه اخبارك الصحيه

انا مبعتش بسبب كلام الناس اللي حواليا ولا حاجة بالعكس انا وديتها التوكيل و بعدين وديتها الحرفيين و لقيت انها عشان تتصلح هاتتكلف مش اقل من 20000 و بردو مش هاتبقى تمام قوي زي الزيرو طبعا فاقلت اشتري نفسي و دماغي و ابيعها و اللي كنت هادفعه في التصليح اكمل بيه و ربنا يسهل و اجيب حاجة تانية جديدة ان شاء الله

القضية ماشية كسبت اول مرحلة و سيادته عمل استئناف و لسة مستنية لان شهر 8 اجازة قضائية و ربنا يسهل بقى
الحمد لله صحيا بقيت كويسة يعني بمشي و بتحرك عادي و بخرج بس بمجهود اقل و حركة ابطأ شوية ، يعني لسة شوية وقت على ما ارجع طبيعية 100%

الحمد لله

المشاركة الأصلية كتبت بواسطة ashraf_msd

حمد الله عالسلامه وربنا يجعلها اخر الحوادث

والله يا جماعه انا اللي حارق دمي حكايه ان الراجل اللي غلطان ده بيتهرب يدفع وبتاع

كل حاجه ماشيه غلط في مصر .. انا هنا في قطر بقالي تلت سنين الحادثه تحصل من هنا ما فيش كلام

خمس دقايق تلاقي الظابط جه وما بيتكلمش مع حد .. يعمل التقرير بتاعه ومين اللي غلطان والخسائر

ويدي للطرفين كل واحد صوره من التقرير ... الغلطان يصلح عربيته هوا علي حسابه ... والتأمين يصلح للي متضرر اجباري

الحقوق ترجع لصحابها بكل بساطه وبكل جديه ... ايه القرف اللي في مصر ده

يا فندم البني ادم في مصر ممكن يعيش عمره كله و يموت كمان قبل ما ياخد حقه و احفاده بقى يبقو ياخدوه بعد ما قيمته اصلا تبقى ماتسواش حاجة

و في حالات تانية كتير الناس مابتعرفش تثبت حقها اصلا دة انا كدة اعتبر محظوظة جدا ان الراجل و قف و اتعملوا محضر و قضية و لولا ان هو كان ماشي عكس كان زماني بغني ظلموا و بضرب راسي في الحيط و مكنش في اي حاجة تثبت ان هو اللي غلطان غير ان هو بيلف عكسي

هنا حتى التامين الاجباري اللي بندفعه في المرور عند الترخيص مابيتحملش اي حاااااااااجة غير في حالة الوفاة او العجز الكامل بحد اقصى 50000 جنيه لكن مالوش اي علاقة بالاضرار اللي في العربية و لا حتى الاضرار الصحية مادام الموضوع ماوصلش للعجز الكلي ولا الوفاة

طب ممكن حضرتك تشوفلي عقد عمل في قطر

المشاركة الأصلية كتبت بواسطة ashraf_msd

وبسأل نفسي ازاي وليه .... لكن مش لاقي اجابه .... هيا كده

النصيب