أنا أسف بإنى ها أتدخل فى حاجة بسيطة ، تجميع السرعة فى أى عربية ها يختلف طبعاً زى ما الأخ ذكر قبل كده ها يبقى بسبب نوع البنزين ، واضيف طبعاً له نظافة فلتر الهواء ونوع الكاوتش وإحتكاكه بالأرض طبعاً ها ياثر على سرعة إستجابة العربية والأوزان المحمولة فى العربية اصلا ، أنا على العموم معايا أوكتافيا 2006 سعودى أليجانس ، وحاسس طبعاً بطلعتها البطيئة نوعا ما ، بس من سنة جربت أضع Octane Booster من شركة STP الأمريكى كنت لقيتة فى محطة موبيل اللى على طريق القطامية ، وبصراحة أنا مواظب عليه من يومها حتى ولو الموتور ها ينقص من عمره لأنى لقيت العربية آدائها إختلف تماماً فى طلعتها وسرعة إستجابتها للتسارع فى أى وقت على الطريق سواء تحت الـ 100 أو فوق الـ 100 وإستهلاك البنزين أقل عن الأول بكثير ، بس أنا غيرت الكاوتش بتاعها كله إلى Bridgestone Potenza 001 (Adranaline) والكاوتش ده بصراحة زاد من ثبات العربية على الطريق والمنعطفات الحادة جداً والغرز بالبلدى لو سمحتوا لى ، بس أنا فعلا دلوقت باستخدم على طول الأوكتين بوسستر ده وجايب منه كرتونة من واحد بتاع كماليات بالجملة وشايلها فى شنطة العربية علشان أنا بصراحة شايف إن معظم محطات البنزين اللى فى مصر للأسف مش بتحافظ على نظافة التنكات وبالتالى الرواسب دى بتاثر على أداء أى عربية حتى ولو كانت فيرارى أو بورش . وشكراً وأسف على إطالة الحديث .