الموضوع: لو عايز تقسيط إسلامي و أقل فايدة و أقل مقدم و أطول مدة

المشاركة الأصلية كتبت بواسطة ahmadwag

بيع العينة(بكسر العين) بيع سلعة غير متوفرة إلا عند شخص بعينه ( مثل سيارة مستعملة تخص شخص معين)
بيع السلم حلال و بيع العينة حرام

هو فعلا زي ماحضرتك ذكرت ان بيع السلم حلال وبيع العينة حرام..
بس تعريف بيع العينة كما ذكرت غير صحيح..
الصحيح:
العينة أن يشتري شخص سلعة بمائة (دينا) ثم يبيعها على من اشتراها منه بثمانين (نقدا)، وكذا أن يبيع السلعة بثمانين نقدا ثم يشريها ممن باعها منه بمائة دينا، ففي كلا الحالتين يكون المقصود هو المال وليس السلعة، وقد اختلف أهل العلم في تحريمها والأكثر على التحريم.
منقول من الشبكة الاسلامية

وهذا البيع هو وسيلة صورية للربا..

المشاركة الأصلية كتبت بواسطة أبو عبدالله

كلام سليم ولكن مين اللي قال لحضرتك ان كلام المشايخ اللي سألتهم بينطبق على حالتنا دي في بنك ناصر
أخي الفاضل راجع الكلام

أول شئ انك اساسا تمضي على ورق شراء وليس هناك سلعة موجوده ولا يمتلكها البنك علشان يبيعها لك علشان تقعد تخلص ورق مع البنك
ثانيا الموظف بيعطيك طلب عرض من وكيل العربيه اللي انت عاوزها يبقى البنك لم يمتلك السيارة بعد ومش هو اللي بيشتريها حته وحتى لو هو اللي بيشتريها لك لازم تبقى ملكه قبل ما تقعد معاه وتتفق على سلعة ليست في ملكه علشان تتفق عليها وده بيع مالا يملك
ثالثا انت اللي اشتريت العربيه ولكن بقرض من البنك يسمى قرض شراء سيارة وهذه مسميات فقط فهو في الاول والأخر قرض انت اتفقت عليه مع البنك علشان تشتري سيارة
وليس ان البنك يبيع لك سثيارة يملكها وبيقسطها لك

===============
اخى الكريم المعاملة الحلال لابد من هذه الشروط فيها :
1- اولا لا يجوز ان تتفق على شراء سلعة ليست في حوزة من تشتري منه
يعني مينفعشي ابيع حاجه انا ممتلكتهاش ولا اتفق بورق على بيع مالا املك
2- لازم الجهة المالكة يكون ده مجال شغلها يعني شغاله في العربيات اساسا وانت رايح تشتري منهم عربية وهو بيقسطهالك من عنده لأنها بتاعته وليس بقرض من البنك ياخد هو الكاش وانت تسدد قرض البنك اللي هو قبضه زي ما اغلب المعارض بتعمل


وبعدين المواضيع قتلت بحثا في المشاركات دي هنا

http://www.nilemotors.net/nile/5618-a.html

وهنا

http://www.nilemotors.net/nile/24323-a.html

\كلام سليم ومنضبط جدا جدا شرعا وعقلا

المشاركة الأصلية كتبت بواسطة ahmadwag

أولا انا مسألتش شيخ واحد
ثانيا ايه أنواع الشيوخ ؟ لو قلتيلي التصنيف انا حقولك انا سألت انهي نوعية و ممكن تدلوني على النوعية المختلفة !!!
ثالثا انا حسأل تاني ان شاء الله بعد ما اكتملت الخطوات بالكامل و الله المستعان
رابعا لا قدر الله لو طلع البيع ده فيه شبهه طبعا حسأل الشيوخ ايه العمل
و جزاكم الله جميعا خيرا على غيرتكم على ديننا الإسلامي و بارك الله فيكم

اللهم اغننا بحلالك عن حرامك و اغننا بفضلك عن من سواك

بارك الله فى حضرتك وواضح انك تريد الخير والحلال واكيد ربنا هيعوضك افضل منها فمن ترك شئ لله عوضه الله خيرا منه وشكرا لسعة صدرك وتقبلك للمعارضات والنقد بس ده لاننا بنحبلك الخير كما نحبه لانفسنا