الموضوع: Fiat Tipo !!!!J

المشاركة الأصلية كتبت بواسطة tananybasha

امال لو ركبت الميجان تنتحر بقى
فيها كم حساسات يعقد
لدرجة ان فيه حساس لدرجه حرارة الكاوتش عشان ميأثرش على تماسك العربية

وياسلام لو تقوله بالمره علي اسعار بعض الحساسات دي

المشكله مش من الصانع لان الصانع عاوز يحافظ على العربيه بالحساسات كخط دفاع اول .. المشكله للى بيتاجر فى الحساسات من توكيل جشع و تاجر جشع .. مشكلتنا كمصريين اننا مش عاوزين نكسب فى المعقول و لازم الجنيه يجيب جنيه مع ان الدين قال الثلث و ربنا يعيننا لأننا نحن الهدف لاى تاجر إحنا الزبائن يعنى الصناعه دى قايمه على اكل لحمنا الحى من الصانع للبائع للتوكيل للورشه الخارجيه للجراج للسايس العفيجى اللى فى الشارع لبتاعه المناديل و هكذا ..... كله عايش على قفانا و أسف للفظ

المشاركة الأصلية كتبت بواسطة mexmarine

المشكله مش من الصانع لان الصانع عاوز يحافظ على العربيه بالحساسات كخط دفاع اول .. المشكله للى بيتاجر فى الحساسات من توكيل جشع و تاجر جشع .. مشكلتنا كمصريين اننا مش عاوزين نكسب فى المعقول و لازم الجنيه يجيب جنيه مع ان الدين قال الثلث و ربنا يعيننا لأننا نحن الهدف لاى تاجر إحنا الزبائن يعنى الصناعه دى قايمه على اكل لحمنا الحى من الصانع للبائع للتوكيل للورشه الخارجيه للجراج للسايس العفيجى اللى فى الشارع لبتاعه المناديل و هكذا ..... كله عايش على قفانا و أسف للفظ

انا هارد على جزئيه التاجر الجشع لأن دى اللى تخصنى فى اللى سيادتك سبق و قلته لأنى من ضمن الناس الجشعه اللى بيتاجروا فى قطع الغيار

و عموماً يا عزيزى انا معرفش حكايه ان الدين بيقول الثلث دى قبل كده لكن هاتكلم عليها على اساس انها صح ثقه فى كلام سيادتك و العهده على الراوى ..............انا لو باكسب 25% فى كل شغلى هاكون من اسعد الناس اللى شغاله فى التجاره بس سيادتك بتتكلم فى موضوع ماتعرفش خباياه لأن التاجر لو بيكسب الضعف زى حضرتك ماقلت هيقفل محله خلال سنه لأنه مش لوحده فى مصر اللى شغال ......و اى حد بينزل يشترى قطع غيار بيلاحظ ان الفروق بين المحلات مش بتعدى خمسه او عشره جنيه على اقصى تقدير و ان الحلم الاساسى لأى تاجر انه يبيع بارخص سعر ........ و الكلام ده اسأل فيه اى حد بيشتغل فى التجاره بس يكون تاجر فعلاً مش من اصحاب المحلات الى كانوا موظفين و فتحوا محلات بمكافأه نهايه الخدمه و بوظوا سمعه التجاره فياريت بلاش نردد كلام جرايد الحكومه قبل صرف العلاوه بتاع جشع التجار ده ...........................................مع احترامى الشديد لسيادتك و لوجهه نظرك الى قد يكون فيها جزء كبير من الصح وفقاً للواقع المؤلم اللى بنعيشه .
و شكرا .

المشاركة الأصلية كتبت بواسطة islambana

لا هي مش حاجه عاديه خالص طبعا
كده عامل زي اللي يبقي في بيتهم تليفزيون ملون ويروح للكهربائي علشان يخليهوله ابيض واسود واللي ابتكر الحكايه دي الكفتجيه المصريين لانهم مابيعرفوش يصلحوا الانجيكشن ولا بيفهموش في اعطاله علشان كده بيستسهلوا وكله علي حساب الزبون

تحـــــــــــــــــــــــ ــــــــــــياتي