الموضوع: Fiat Tipo !!!!J

و لو شكل المويور الى راكب فى الغربية زى دة و دة حا يكون بنسبة كبيرة جدا تبقى مشكلتك انك ترجع العربية على اصلها سهل جدا اجد

المشاركة الأصلية كتبت بواسطة Atef Saleh

اسمحولى يا رجاله العصابه اذا كانت التكنولوجيا اللى فى عربيتى هتجيبلى وجع الدماغ يبقى فى ستين داهيه التكنولوجيا و انا اتكلمت فى الموضوع ده قبل كدهكل الموديلات الجديده مليانه حساسات لكل جزء فى العربيه علشان تفيدنا لكن العكس هو اللى بيحصل لما الاقى ان الحساسات هى اللى بتخرب من غير مايكون فى عطل فى العربيه يبقى انا اتنصب عليا تكنولوجيا يعنى زى ما نجيب الريحانى كان بيقول دهان وش اول و دهان وش تانى و حبل لزوم الخروف و دى وجهه نظر تحتمل الخطأ و شكراً .

طبعا انا معاك في كلامك وهو بيبقي قرار نسبي بأمانه ,,,,,يعني مثلا انا بدأت اقتنع ان عربيه زي التيبو دي ممكن يكون الإنجيكشن هم علي صحابها ومشاكله كتير ,,,,,إذا الكاربتير أفضل
زي برده تشوف عربيه كوري موديل 92 يقولك مكيفه ,,,,,وطبعا من غير تفكير هيكون التكييف بتاعها أونطه ×أونطه ,,,,,وعدمه أحسن من موجوده
لكن مثلا مينفعش تقول عربيه موديل 2009 تقول أعدلها كاربتير عشان مشاكل الإنجكشن كتيره

المشاركة الأصلية كتبت بواسطة thug

طبعا انا معاك في كلامك وهو بيبقي قرار نسبي بأمانه ,,,,,يعني مثلا انا بدأت اقتنع ان عربيه زي التيبو دي ممكن يكون الإنجيكشن هم علي صحابها ومشاكله كتير ,,,,,إذا الكاربتير أفضل
زي برده تشوف عربيه كوري موديل 92 يقولك مكيفه ,,,,,وطبعا من غير تفكير هيكون التكييف بتاعها أونطه ×أونطه ,,,,,وعدمه أحسن من موجوده
لكن مثلا مينفعش تقول عربيه موديل 2009 تقول أعدلها كاربتير عشان مشاكل الإنجكشن كتيره :ob_mak1[1]:

معلش بس أنا حاسس ان حضرتك مش مهتم بالموضوع و احنا كنا عايزين نساعد بس مش ملاحظ اى أهتمام أو سؤال غير ان الموضوع صعب و بس لو عايز تبيع ب 15 ألف ممكن تبلغنا نبص على العربية

قبل أي كلمه تتقال انا أحب أحيي كل عضو في منتدي فيات وإعتبروني فرد منكو وأن شاء الله نفيد بعض في المنتدي

المشاركة الأصلية كتبت بواسطة mohamedmmm2

حد يغير الكاربيراتير الهاف انجكشن اللى الراجل المجترم الايطالى عمله للعربيه بكاربيراتير عادى بتاع 128...
ال 128 دى انتجت سنه 1970 وخدت جايزة سيارة العام وقتها وكانت بنفس الموتور لسنه 1987...
يقوم بقى لما ييجى يطور ويغير الكاربيراتير تغيرة انت.. حرام عليك

انا مش عارف انا رأيي من رأيك ,,,,بس أخويا والناس اللي أقنعوه بقه ,,,,,بس الأعراض بالظبط زي ماحضرتك طلبتها كالأتي
العربيه كانت بتعمل خنقه كده ورجه وتحس ان الحرق مش مظبوط ,,, وتقعد تنتش
وجه إقتراح الكاربرتير ال128 ده ,,,,,ومن ساعتها التغيير في العربيه حسب كلام أخويا كالأتي
السحب قل طبعا (وهو مش جايبها للسحب والجري ,,,هو جايبها مواصلات مش أكتر )
العربيه بقت نسبيا أحسن ,,,معدتش فيه خنقه ولا تفتفه
حاسس ان صوتها بقه عالي حبتين
طبعا سواقتها إختلفت عشان بقت كاربرتير
وأهو ريح دماغه من مشاكل طلمبه البنزين والكونترول يونيت ,,,,من رأيه
انا محبش موضوع انك تبدل حاجه حديثه بحاجه قديمه ده أبدا ,,,بس احنا سمعنا انه عيب في التيبو حوار الإنجكشن وحبيت أخد رأيكو

المشاركة الأصلية كتبت بواسطة heshamzaky

على فكرة الانجيكشن بتاع التمبرا و التيبو واحد الفرق بين العربيتين ان دى هاتشباك و التمبرا سيدان و شوية فروق بسيطة كدة و الانجيكشن دة مش بيتصلح دة عبارة عن اكس و باب و فوقة الرشاش الاليكترونى بس مش رشاشات متعددة و عموما ما تتخضش لما تعرف انك حا تغير انجيكشن كامل و خصوصا انة بوش صنع فى المانيا سعرة مش ممكن تصدقة و طبعا رجالة الاوبل راكبين المانى و عارفين قطع الغيار الامانى بكام

أشكرك علي إهتمامك ياباشا وبحييك علي التحيه الكبيره بتاعت حضرتك وتشرفت بمعرفتك يا هشام باشا وأعتزرلك عن تأخري في الرد لأني مخدتش بالي ان الموضوع اتنقل هنا ,,واضح انك بتحب التيمبرا والتيبو اوى
علي فكره انا عرفت جديد حكايه ان نظام الإنجشكن بتاع التيبو كله بوش حتي طلمبه البنزين

المشاركة الأصلية كتبت بواسطة heshamzaky

الموضوع دلوقت فى قسم الفيات ممكن بقى تقول المشكلة بتفصيل اكتر و معلش سؤال هو اشترى العربية التيبو ب 15 الف حالتها اية اية الى شغال فيها و اية الى بايظ و تفاصيل العربية 1400 و لا 1600 سىسى

هي المشكله قولتهالك بالتفصيل فوق ,,,,,,وحتالها شغاله يعني مش معيوبه عيب يزعلك مثلا ,,,حالتها مقبوله برده عايزه مساعد شمال بس

المشاركة الأصلية كتبت بواسطة semsem_uno

واضح انه كان ميكانيكي مش تمام او من النوع الحافظ مش فاهم
المفروض ان الأنجكشن بيتباع عند الناس بتاعت الفيات و اي واحد نضيف بيغيرو
و اوعي تقوللي انه اخد القديم و سابلك بتاع ال128!!
و نصيحة لو galillio_mad دخل محدش يقول علي مكان الميكانيكي علشان ممكن يتقتل هههههههههههههه

هههههههههههههههه علي فكره مخدتش مني حاجه اصلا اخويا اللي حب يوفر ويخلص دماغه وحوالها كاربتير ,,,,مع اني عارف ان العربيه مستواها اعلي من كده ,,,,وانا برده بدأت اقتنع مش عيب انها تكون كاربتير ,,,,فيه هوندا سيفيك موديل 94 وكاربرتير وموتورها طياره

المشاركة الأصلية كتبت بواسطة galilio_mad

مين اللى قال الكلام ده ؟؟؟؟؟؟؟

المهم , هو مفيش مشكلة انه يقلب من SPI لل كربراتير بس ليه كام سؤال

عمل ايه فى طرمبة البنزين ؟؟ و الاسبراتير و ال DigiPlex ؟؟؟؟

بيتهيألي لغي طرمبه البنزين مش عارف عمل ايه في الإسبراتير ,,,,ومعرفش ياباشا ايه ال digiplex

المشاركة الأصلية كتبت بواسطة amrseba

عربيه تيبو و ب 15 الف اذا كان ال128 بتباع فى السوق ب 18 الف جنيه

اكيد فيها حاجه يا مغيره ربع يا فيها حاجه غلط يا باشا وانا كان عندى فى التمبرا هاف انجكشن خليتوا كاربيرتير عادى عشان بحط بنزين 80

ههههههههههههه لا ياباشا ربنا يسترها معانا مش مغيره ربع ولا حاجه ,,,هي بس رخيصه نسبيا عشان المنطقه الحره عندنا في بورسعيد ,,,,بتخلي العربيات ارخص من عندكو ,,,,,ميغه بقه هههههههههه

المشاركة الأصلية كتبت بواسطة heshamzaky

معلش بس أنا حاسس ان حضرتك مش مهتم بالموضوع و احنا كنا عايزين نساعد بس مش ملاحظ اى أهتمام أو سؤال غير ان الموضوع صعب و بس لو عايز تبيع ب 15 ألف ممكن تبلغنا نبص على العربية

عيب ياباشا علي فكره انا أعتزرت في المشاركه التانيه ومش موضوع عدم أهتمام ,,,,وانا كنت كل الوقت ده برد علي المشاركات كلها مع بعض
وعلي فكره انا عجبني أوي هنا الأعضاء الخدومين برده زيهم زي اللى في منتدي أوبل كلنا أخوات يعني
وانا تحت أمرك لأى حاجه وأي خدمه للمنتدي هنا