الموضوع: هام و عاجل

السلام عليكم و رحمة الله و بركاته

فى البداية احب اشكر القائمين على هذا المنتدى الذى يعجز الكلام عن اعطاءه حقه

انا قريت مشاركات كتير و شوفت اراء كتير و استفدت اكتر بكتير

لذلك انا مستخسر ان احنا منكونش اصدقاء و نتعرف شخصيا ببعض و نعمل يوم فى الاسبوع نتقابل فيه و نتناقش فى كل المشاكل اللى بتواجهنا او كل الاراء اللى ممكن نتناقش فيها بالاضافة ان كل اللى عنده مشكلة و مش عارف يحلها او مش عارف يوصفها يقدر يوريها لعدد اكبر من الاعضاء و ياخد الاراء الفاصلة فى المشكلة


ثانيا اذا لم يكن هناك مشاكل و لا اى حاجة و يا ريت تكون كل عربياتنا تمام و زى الفل و مبنشتكيش من حاجة ليه منتقابلش و نخرج مثلا و نكون جروب انا شايف ان كل الناس اسلوبها فى الكلام كويس و بيتمتعوا باللباقة و الكياسة فى الكلام و ده يدل ان كلنا و لله الحمد ناس كويسين فليه منكونش مع بعض بغض النظر عن عربيات او غيره

ليه منعملش زى جمعية مثلا او نقابة مثلا حاجة بنفس الفكر

عارف انى ممكن يكون كلامى واسع شوية بس مين يتخيل ان الكمبيوتر اللى كله بلاستيك و دواير كهربية بيسمعك اغانى و يخليك تشوف افلام و انا بكتب موضوع اهو و ممكن كل الناس تشوفه

المقصود انه مش مستحيل

ثالثا ان لو اتجمعنا ده طبعا بعد ما توافقوا على الموضوع يكون التجمع فى نادى مثلااو ما شابه
و اقترح ان يكون عندنا مقر ثابت للتلاقى


اتمنى ان يحظى موضوعى بالقبول
طبعا انا اسف على الاطالة بس بجد ان مستخسر ان الجروب الجامد ده ميكونش عارفين بعض شخصيا

انا عارف ان ده مش المكان المناسب للموضوع لكن ارجو من ادارة المنتدى ان تساعد فى هذا العمل البناء

المشاركة الأصلية كتبت بواسطة SE_coralsea

سيدي الفاضل ...

شكرا لدعوتك النبيلة جدا و لكن هناك بالفعل مقابلات تتم بشكل شبه دوري و أعضاء قسم الدايو متميزون في هذه المقابلات و أن شاء الله تكون معانا في المقابلة القادمة عندما يتم الاعلان عنها

مع خالص تحياتي
م/ سمير الشهاوي

السلام عليكم اولا

شكرا جدا لاهتمامك و دعوتك ليا انى اكون واحد من عائلة الدايو فى المنتدى و ده باشتراكى معاكو فى المقابلة

ثانيا انا قريت الموضوع اللى فى اللينك بتاع / m.zaher و اتمنى انك تكون دلوقتى بتسوق على الدائرى و الف سلامة عليك بس متاخره شوية

المهم اعتقد ان دى فرصة عشان نتقابل و ارجو الاهتمام و الله نفسى اتعرف عليكو فعلا و ممكن اجى من غير العربية كمان عشان ميبقاش الموضوع ليه دعوة بالعربية

و ارجو ان كل الناس تشرفنا و تيجى

طبعا بعتذر لادارة المنتدى انى عملت مشاركتين متتاليتين بدون فاصل و لنفس الرد

تحياتى للجميع