الموضوع: تقرير كامل مصور عن المقابلة العائلية الاولى لنايل موتورز برعاية قسم نيسان نايل موتورز

eng.octooo
احمد مصطفى - امممم اكلك منين يا بطة اكلك منين !!
صحيح ابداء منين مع احمد !!! من الترتيب ولا التنظيم ولا المكان ولا الصحبة ولا القهوة ولا التورتة ولا التعب ولا الهدية ولا المجهود ولا التقرير ولااية بالظبط ........هاقول انك لو قابلت واحد اقرب من اخوك واعز من صاحبك وصارم عليك اكتر من والدك ..هايكون احمد مصطفى بجد والله

بصراحة يا محمد , والله انا بعزك جدا وبعتبرك اخويا فعلا , وبعد احنا لو طولنا نجيب لبن العصفور للناس كلها كنا عملنا ده والحمد لله ان الناس كلها انبسطت
---------------------------
yoko
اولا شكرا لكل الناس الي جم المقابله بخد حسيت إن كلهم إخواتي
وثانيا يارب نتقابل تاني على خير
وثالثا بشكر أحمد مصطفى جدا على تنظيم المقابله وشكر تاني مخصوص على القهوى العربي

انا اللى سعيد بمعرفتك فعلا يا احمد , وكل مقابلة حكون فيها حجبلك قهوة عربى يا سيدى
--------------------------------------
sinior
الاول احب اعرفكم بنفسى انا اخو وليد وكريم احـــمد وبجد انا عايز اقول كلمتين بدون اى مجاملات انى لاول مرة الواحد يحس انو وسط اهلة ووسط حبايبة وسط ناس مش غرب ولا الواحد حس انو غريب مفيش فرق بين كبير وصغير مشرف ومهندس دكتور وطالب ودة الشئ الى بجد قدرت احسة انا بصراحة كنت جاى وكنت حاسس انى الجو مختلف وحسيت انى هبقى غريب لانى مش ضمن مجموعه المنتدى وكنت ناوى انى اروح اخرج لوحدى بس بجد غيرتو حجات كتير ومعانى كتير فى البنى ادم بروح المحبة والاخوة الى ملهاش علاقة بالدين وادعولى يا شباب علشان داخل الجيش بس اوعدكم فى الاجزات هتلقونى باستمرار معاكم بس هنا فى القسم الاجتماعى لانى بتخنق من العربيات شوية وشكرأ كبير جدأ لاخويا الكبير احمد مصطفى واخويا الكبير بشوى والى كل الاخوة والاخوات

والله بجد نورتنا وكنا سعداء بوجودك معانا وبكلامك ده , وباذن الله تكون معانا دايما , وانت اخ عزيز علينا
------------------------------
Eng:mohamed
أحمد مصطفى.Ahme.tv
مش كلام بيوصف شخص بس كلام بيوصف حاله..أخ كبير كنت أتمناه الحقيقه..وربنا يديم المحبه اللي بينا إن شاء الله..
و نفرح مع بعض بإذن الله..

والله واحشنى يا محمد جدااااااااا , وفعلا انتك كمان اخ ليه ,وده شرف ليه
---------------------
Mohamed.Ramah
اولا شكرا لاخويا ا/احمد مصطفى على ترتيب ثانى انجح مقابلة لنيسان وهى مبهرة وممتازة كالعادة وشكرا على المجهود المبذول والهدايا بجد جزاك الله كل خير

نورتنا يا محمد بجد والحمد لله انك انبسطت معانا , ودايما منورنا كل مقابلات نيسان باذن الله
----------------------------
kenzy_tv
نسيت اقولكم انه بسبب الجو العائلي اللي كان في المقابلة هو اللي شجعني اعمل اكونت وانضم لاسرتكم وطبعا مش حنسى تشجيع اخواتي غادة وام حماس وعلى راسهم بسكوتة اللي بتعبها باسالتي... تحمليني شو اعمل

اهلا اهلا بالعضوات الجدد , هههههههههههه ,خلاص دخلتى العصابة , واقنعوكى ,ربنا يسترررررررررررررر, فعلا زى ما قولتى هما اخوتنا فعلا , وفعلا كان جو عائلى رائع
---------------
shnory
بس احب اقولك ان ده تعدد عضويات هههههههههههههههههه
وحتتوقفي انتي واحمد تي في
وحيبقي المنتدي من غير اي تي في خالص
وحنجيبلهم راديو بقي وامرنا لله

اقوام حتلبسنا فى الحيطة , ياعم راديو راديو المهم نكون معاكم ههههههههههههههههههههههههه ه
وياريت تعمل اكونت للوالدة وبلغها سلامى
------------------------------
BASKOTA
الكنز الحقيقى كنزى حبيبة قلبى ومدام احمد اللى اخدت قلبى بعد ما اخدت قلب احمد
وحشتينى جدا وحروف الكلام كلها متكفيكيش حقك
فى ناس تعرفهم سنين وفى الاخر ماتعرفهمش وتفضل مسافات بينك وبينهم
وفى ناس تدخل قلبك من اول تعامل وتحس انك تعرفهم من سنين وتحس التفاهم والراحة النفسية
بينك وبينهم تحس انهم من اهلك وعيلتك
تثق فيهم وترتاحلهم وماتخافش تكون على طبيعتك معاهم وتفتحلهم قلبك وانت مطمن انهم هيخافوا عليك اكتر منك
انتى فعلا كنز
ربنا يخليكى لاحمد ويخليه ليكى وتكون عونا لبعضكما دوما
ويخلينا كلنا لبعض اخوات واهل وسند لبعض ان شاء الله
تعالى بسرعة بقا

والله انتى فعلا اخت اخت يا بسكوتة , وباذن الله قريب حجبهالك اسكندرية , وان شاء الله نحضر مقابلات اسكندرية معاكم لاننا منقدرش نستغنى عنكم
------------------------------------------
misoalex
شكلها كانت مقابله من العيار التقيل ههههههههههه
بس انا مشفتش غير الصور الى حاطها استاز مجدى فقط بقى الصور مبتحملش خالص

فعلا كانت مقابلة كلها احترام وحب وود وجميلة بجد وماليانة معانى كبيرة جداااا , والاحلى واللى خالها حلوة امهاتنا اللى كانوا معانا البركة بجد , ودى اجمل حاجة واول مرة تحصل فى مقابلات المنتدى عموما , ويارب تتكرر تانى
وجرب تانى افتح الصور يمكن الموقع كان تقيل والصور اتنسقت من تانى
------------------------------
حاتم فوزى
كنت عاجز عن شكر واحد تى فى دلوقتى بعد الطفرة الاعلامية دى وبقوا اتنين مش عارف هعمل ايه؟؟؟؟؟؟؟؟؟؟
ههههههههههههههههههههههههه ه
طبعا نورتى المنتدى يافندم والف مبروك الاكونت الجديد وحابب اشكر حضرتك واحمد على اليوم الاكثر من رائع ده واللى مكنش ناقصه حاجة فعلا بكل مجهوداتكم بداية من الفكرة اللى قبل المقابلة بشهرين حتى هذا التقرير الرائع واللى كانت احلى مفاجأة فيه مشاركة حضرتك لينا
بجد ماشاء الله عليكوا ربنا يحفظكم لبعض.
وشكرا ياأحمد بجد على كل حاجة وخاصة التكريم ده اول واحلى تكريم فى حياتى وهفضل اعتز بيه طول عمرى
وشكرا كمان على انك اديتنى فرصة انى اتعرف بالاعضاء الاكثر من رائعين دول بكل مواقفهم الجميلة معايا فى اليوم ده
كان يوم تحفة واتمنى انه يتكرر تانى قريب ان شاء الله

حتومة حبيب قلبى , انت تستاهل كل خيرررررررررررررر وده اقل حاجة نقدمهالك وانت تستاهل اكتر من كداااااااااا بجد , وشرف لينا انك معانا دايما , وبجد مكنتش عاوز اليوم يمشى عشان افضل قاعد مع كل الناس الحلوة اللى جت , وباذن الله قريب التقى بيك تانى
لان القعدة معاك ميتشبعش منها ابداااااااااا ا
-------------------
kh_talaat
صور رائعه ... واضح انها كانت مقابلة جميلة واسرية ودة شيئ مش جديد على نايل موتورز انه يجمع الناس على المحبه في الله
وشكرا لأستاذ احمد على الصور الهايله

كان نفسنا تكون معانا وتنورنا المرة الجاية باذن الله عشان نتعرف عليك اكتر , وفعلا ده اجمل حاجة فى المنتدى انه بيجمعنا على الخير دايما
---------------------
karaktar
لالالالالالالالالالالالال الالالالالالالالالا الكلام ده ماينفعش أنا لازم المرة اللى جايه اكون معاكو طول اليوم ماينفعش كده ده انا فاتنى حاجات كتير

مع انى كنت زعلان انك مشيت , عشان قولتلك ان فى حاجات كتير لسه حنعملها , بس كنت سعيد بوجودك وبمجييك الساعات القليلة دى برغم الظروف اللى عندك , وصدقنى ده كبير عندنا جدااااااا ,وانت انسان طيب وانا سعيد جدا بصداقتى ليك يا كريم فعلا
واكيد حنشوف بعض تانى باذن الله قريب
---------------------------
د.محمود صلاح
الف مبروك ... واضح جمال التنظيم

كان نفسنا تكون معاانا يا دكتور , وملحوقة باذن الله لما تيجى مصر ان شاء الله , وموجود معانا بروحك دايما
---------------------
largeman
أحمد احنا مهما شكرناك مش هنقدر نوفيك حقك ... الف الف شكر حبيبي
تقرير متميز جدا و لخص اليوم بطريقة تحفة
شكرا يا عسل

بيشوى حبيبى اليوم كان تحفة بيك وبوجودك انت واسرتك الكريمة , وفعلا انا سعيد بصدقتى بيك جدااااااااااااااااااا وانت اخ ليه فعلا وربنا يديم المحبة بينا وانت توأمى ومعايا دايما فى المقابلات الجاية لنيسان
---------------------------
magomago
الاخ احمد
شكرا ليك على زوقك وتعبك معانا عشان الرحله تتطلع حلوه والناس كلها تنبسط
وان شاء الله نتقابل دائما على الخير

انا اللى اتشرفت بيك يا استاذ مجدى فعلا , والمهم انكم انبسطوا وكلنا انسبطنا مع بعض , وانا سعيد بيك جدا وان شاء الله اشوفك تانى قريب

-------------------------------------------
أم حمـــاس
اما بقي النص الوحش ( لا مؤاخذة يعني )

استاذ احمد مصطفي بجد هيعجز لسساني عن الشكر عن الييوم الجميل دا والتنظيم الرائع اللي تقريبا مكنشش مخليك تقعد دقيقتين علي بعض

مجهود تحسد عليه وفانتظار المزيد ان شاء الله وميرسي بجد علتوصيلة وميرسي للمدام علقهوة العربي اللي كبايتها كانت مغرقة القرية

وهي ماشاء الله بشوشة جدا وزي العسل واتششرفت فعلا اني عرفتك يا كنزي ومنورة المنتدي والدنيا كلها والله بتلقائيتك وضحكتك.. وطق الحنك زي مبتقولي

شكرا على ذوقك والحمد لله ان الناس كله , انبسطت وباذن الله تنورونا دايماا وكل العضوات الاعضاء ينورونا وفعلا انتى اخت لينا يا ام حماس و والمدام كتير بتعزك


---------------------------

بوجه شكر خاص على الناس اللى سعدونى على تنظيم المقابلة
شكر الى بيشوى وشكر الى محمد علاء ولولا وجودهم مكنتش قدرت انسق اليوم بالطريقة دى
وشكر خاص الى محمد سليمان على الصور اللى صورها وعلى طيبته الكبيرة , كل ما بتطلب منه طلب عمره ما بيقولك لا وبيخدم من القلب وحبوب جداااااااااااااا والصور خير دليل اللى طالع فيها , زى العسل
وشكر خاص لمحمد قاسم دميسرى بمده بالفيديوهات الرائعة , وبصراحة لما تعرفه اكتر تحبه
وشكر خاص الى كل الامهات اللى حضروا ونورونا ,وباذن الله دايما معانا
وشكر خاص الى العضوات الاخوات اللى نورونا بجد وكنت سعيد بتشرفهم لينا
وشكر خاص لكل الناس اللى حضروا معانا ونفسى اشوفكم تانى قريب
وان شاء الله استنونا فى المقابلة 3 لقسم نيسان قريبا