هام بخصوص التوكيل منصور وياريت من كل عميل لدي منصور الدخول

**m_s_azzam** · 03-08-2010 01:43 PM

يا شباب انا بفكر اشترى اوبترا زيرو او استعمال خفيف و انتوا كده خوفتونى حد يقولى اعمل ايه اجيبها ولا اجيب السيراتو حد يفيدنى ولا لانسر

**bayantt** · 03-08-2010 02:14 PM

المشاركة الأصلية كتبت بواسطة m_s_azzam

يا شباب انا بفكر اشترى اوبترا زيرو او استعمال خفيف و انتوا كده خوفتونى حد يقولى اعمل ايه اجيبها ولا اجيب السيراتو حد يفيدنى ولا لانسر

شوف يا معلم:

أنا لسه بايع عربيتى من 3 أسابيع optra 2007 manual بعد 3 سنين و69000 كم والحمد لله مشفتش منها غير كل خير.
هى بس العملية محتاجة توقعات منطقية.
يعنى مبقاش راكب عربية ب 87000 و اقولك مش ثابتة عند ال 170 و لا فرملت على 140 جامد حدفت منى
الحاجة التانية,تجربتى مع منصور هى انه عادى جدا (طبعا بمقايس مصر) زيه زى أى خدمة ما بعد البيع فى بلدنا.
يمكن أنا بقول كده عشان لم احتاج له فى اى حاجة غير الصيانات الدورية.

بالمناسبة, عربيتى الجاية لو مش ألمانى مستعمل هتكون cruze إن شاء الله

**mohamedassy** · 07-08-2010 05:42 AM

الاستاذ / محمد حسام
انا عندى عربية افيو 2009
اولا: كانت وقعت علىها شجرة من سنة كدة جيت مركز الهرم و غيرت سقف و كبوت التصليح كان سيئ للاسف
و طبعا سقف داخلى (زفت) قوايم بلاستك داخلية (زفت) المفروض انها جديدة
السقف مش كويس مش لافف على كل العربية و القوايم مش مظبوطة
روحت اكتر من اربع مرات على العيب دة و كلمت خدمة العملاء اللى وعدونى ان الادارة العليا هتكلمنى و دة رعب لى اى مركز خدمة --- تقريبا دة كان رعب ليا انا شخصيا لان ولا مرة الادارة العليا دية كلمتنى و مازلت المشكلة قائمة

ثانيا: التكيف عندى بيفصل شحن فى السنة من مرتين لثلاث مرات و اروح يناكفونى شوية و يقولولى لو انتا السبب هتصلحة على حسابك و لو مش هتصلحة هناخد منك 150 جنية و يطلع مش انا السبب و يشحنو تانى
بس برضة مش بيتصلح شهرين كدة و يفصل شحن طب لو طلعت برة الضمان (حرام عليكو)

ثالثا: اشتكيت من 3 حاجات فى صيانة ال 40000 تكيف كالعادة و شحنوه . فرامل و قلولى التيل و غيرتو زى الشاطر و انا العيب كان ان العربية فى فردة بتمسك اكتر من التانية و فضل نفس العيب
التالة كانت حاجة بسيطة كدة هما كمان نفضولى (الساعة بتفصل و تشتغل لوحدها)

انا الحمد للة بسببكم و سبب عدم الضمير حتى لما اشتكى من حاجة خطر عليا زى الفرامل
عملت حدثة الاكصدام و جزء من الكبوت و الرفارف اتخبط بسبب الفرامل + قدر ربنا انا الحمد للة مؤمن

انا طالب من مسعدتين
الاولى: مركز خدمة معتمد اصلح فية العربية غيركو طبعا يكون محترم
الثانية: اعمل اية فى المشاكل القديمة اللى عندى ( سقف و قوائم داخلى - تكيف - الساعة - الفرامل)