رايكم في سيارة تمبرا 1991

**kdosoki** · 07-07-2010 02:48 PM

المشاركة الأصلية كتبت بواسطة adelco

اكيد هيا ايطالى
انا بصراحه مش متاكد اخر الايطالى كام بس اظن 1996
اما بالنسبه لشركه النصر برضه مش متاكد بدات من 94 ولا 96
عموما ده معناه انها ايطالى وانها داخله معوقين بنسبه 99%
ويا ريت يكون اخونا بيشتريها من المعاق هتبقى لقطه ان شاء الله

اظن ان النصر بدأت 94 علشان انا معايا 93 ايطالى

**start_wow** · 07-07-2010 04:05 PM

حقيقي شكرا يا شباب علي ارائكم المتميزة دي وهوا فعلا السيارة المعروضة عليا تمبرا موديل 1991 و1400 سي سي كاملة ديجيتال عدادات وهيا صاحبها بيقول ماشية حوالي 26000 كيلو بس لكن انا الحقيقة مش مصدقه اوي لان كمبروسور التكييف فيها عطلان وهو بيقولي انا شاري واحد استيراد وانا اركبه... انا بقول يعني لو هيا ماشية 26000 كيلو المفروض ده مش يبهدل التكييف لدرجه انه محتاج تغيير كمبروسور فانا بقول هيا ماشية اكتر من كده... لكن هوا بيقولي ان العدادات الديجيتال مش بيتلعب فيها ولا حاجة وهيا فبريكة برة وجوة والسيارة معروضة ب 36000 الف جنيه فايه رائيكم؟؟

**ZALABANY** · 07-07-2010 04:07 PM

كتير جدا عليها ماشيه 260 الف وتكييفها مش شغال و 1400 ومطلوب 36 الف كتير عليها

**start_wow** · 07-07-2010 04:10 PM

استاذ زلاباني هيا ماشية 26 الف كيلو وليست 260 الف كيلو

**heshamzaky** · 07-07-2010 04:18 PM

زلبانى الراجل كاتب العربية ماشية ستة و عشرون الف و لا مائتان و ستون الف و معلش عاوز اقول حاجة يا ريت اجوانا مث الاستاذ هانى يؤكد المعلومة الى حا اقولها لان انا كنت معاة امبارح و عربيتة عدادات ديجيتال بص انا ما دققتش اوى فى عربيتة ما اغرفة هو ان عداد الكيلو مترات فى العدادات الديجيتال ب الميل و ليس بالكيلو متر يعنى لو العربية مثلا العداد عامل 100000 تبقى العربية عاملة 160000 كيلو اضرب فى 1.6 و عموما دى صورة العدادات للاخوة الى بيقرؤا مشاركاتنا على المنتدى للمعلومية بس

**heshamzaky** · 08-07-2010 02:17 AM

المشاركة الأصلية كتبت بواسطة start_wow

استاذ زلاباني هيا ماشية 26 الف كيلو وليست 260 الف كيلو

معلش يا باشا انا خايف لحسن يكون الراجل مغير العدادات دول كلهم ب 200 او 250 جنية ايوة كل مجموعة العدادات الى بتنور بص حا اقولك ممكن تقفش الموضوع ازاى بص يا سيدى بص على طارة الدريكسيون كويس مكان ما بتطغت على الكلاكس حتلاقية محبب و خشن شوية لو مكان زرار الكلاكس ناعم و ممسوح اسمحلى الراجل الى بيبيع العربية بيهرج فهمت قصدى الطارة اول حاجة ممكن تفقس الموضوع و بعدين لما تفتح الكبوت هناك ظواهر اخرى

**ZALABANY** · 08-07-2010 08:21 AM

معلش يا باشا العتب على النظر بس 26 الف دي غريبه جدا ياراجل دا العربيات الكسر زيروا موديل سنتسن فاتوا بتبقى ماشيه اكتر من كده عامة بص على العربية نفسها حالة الفرش الدهان فابريكه ولا ايه برده الحاجات دي يتديلك مدي استخدام العربية والله اعلم

**heshamzaky** · 08-07-2010 09:19 AM

صباح الفل يا زلبانى باشا

**hany121** · 08-07-2010 11:05 AM

صباح الفل يا رجاله..

أ. هشام العدادات بالكيلومتر وليس الميل وفي حالة العربيه المعروضه علي زميلنا start انا انصحه انه ما يشتريش من الراجل ده لانه غير امين بالمره . ازاي عربيه بقالها 20 سنه وماشيه 26 الف كيلو؟!!!

العربيه اكيد مغيره عدادات او العداد بايظ وما بيعدش ولو ان الاحتمال ده مستبعد لانه صعب عدادات تمبرا تبوظ بعد 26 الف كيلو..

طالما الراجل كدب في حاجه زي ده يبقي كل اللي هيقولهولك كدب واولهم قصه كمبروسير التكييف.. وبعدين عايز 36000 جنيه وانت اللي تركب الكمبروسر وطبعا تشحن فريون واحتمال كبير جدا تلاقي دورة التبريد كلها فيها مشكله..

**heshamzaky** · 08-07-2010 11:22 AM

هانى باشا صباح الفل يا باشا بص انا مش قصدى على عداد السرعة انا قصدى على عداد الكيلو مترات انا شفت عدادات ديجيتال بالميل و عدادات اخرى بالكيلو متر انت قصدك ان عندك عداد السرعة و عداد الكيلومتر بالكيلومترات