الموضوع: معلومات عن التعديل والقطع الى تتركب

المشاركة الأصلية كتبت بواسطة MMamdouh

التربو مش بيزود الair fuel ratio لكن بيزود الvolumetric effecency بمعنى ان لو فيه موتور سعتة 1500 سى سى من غير تربو حيبقى الحجم الحقيقى اللى مليان هوا جوة المحرك هو 1300 سى سى فقط و بالتالى الVE بتاعت الموتور دة تبقى 86%

لما نحط تربو على المكنة دى بنرفع كمية الهواء اللى بتخش الموتور و بالتالى بنرفع الVE و كفائة الموتور لاننا ببساطة بندخل كمية هواء معادلة لعربية 1700 سى سى مثلا... و دة سبب ان الBMW اللى فيها موتور 3500 سى سى تربو مكتوب عليها BMW 745 بالرغم من انها مش 4500 سى سى... الفرق دة عملة التربو و خللى الموتور اكنة 4500 سى سى

الair/fuel ratio هى نسبة الهواء للوقود زى ما ذكرت و النسبة الامثل هى 1:14.7 اما فى المواتير التربو لازم نخفض النسبة دى شوية ولا حرارة العادم القوية ممكن تسبب ذوبان البساتم عشان كدة ضبط التربو بيبقى عن طريق متابعة قراية عداد الExhaust Gas Tempreature و تعديل نسبة الهواء و الوقود عشان متزيدش عن 950F... فى الغالب بتبقى النسبة الامثل 13:1

فى التربو انت محتاج low compression pistons ولا العربية حتسقف طول الوقت و الموتور ينفجر

انت بتحتاج نسبة انضغاط حوالى 8:1 او 8.5:1 مش اكتر الا اذا كنت تمشى على ضغط واطى بتاع 6 او 7 PSI



هو النياترس فعلا بيبرد مجرى الهواء بس مش هو دة السبب الاساسى فى استعمالة... السبب الاهم ان فى درجات الحرارة العالية النايترس بيتفكك الى اكسجين و نيتروجين و حجم الاكسجين نص حجم النايترس على عكس الهواء اللى 22% منه فقط هما اللى اكسجين

و بما انك ضاعفت كمية الاكسجين اللى داخلة الموتور يبقى فيه امكانية تزود بينزين اكتر و تحرقة بكفائة و تزود قدرة الموتور و بشكل عام بيفضل استعمال كيت نايترس فيها انجكتور للبنزين او زى ما بيتقال عليها wet kit

MMamdouh

شكرا على التعديل بس بالنسبة لل VE أنت بتكلم صح + زيادة ال A/F RATIO زي ما أنا قلت لأن أنا بدرس هندسة بحرية و درست وسائل الشحن الجبري أن من فوائدها إنها تزود A/F + VE لأن أنت بتدخل هواء زيادة مع الإبقاء على نفس كمية البنزين إلا إذا تم تعديل الرشاشات أو طلمبة البنزين .

غير ذلك أشكرك على تعديلك و لك كل الإحترام لأني كنت حاسس إن في شخص هيعدل معلومات دي عشان أنا كنت شاكك فيها حبتين و شكراَ .
بس آسف ممكن تقولي أعمل إقتباس إزاي من موضوع ؟

:):):):)

1000 شكر Mmamdouh باشا

شكرا على المعلومات الجميلة ول من الامكان هل في حد بيعمل هيدرز في مصر اما لا

بامانه تسلم ايدك الموضوع هايل

طيب الحجات دى تحتاج مواتير اد ايه

عشان يتركب عليها الكلام ده