و ده أنا عارفه كويس و ذكرت نقطة السعر لكن مش بالأرقام.
و أنا عملت المقارنة دي علشان أبقى حيادي و بتكلم في عربيتين أنا عارفهم... علشان محدش يقول عليا ظالم أو منافق..
في رعاية الله....
عرض للطباعة
اسف ياجماعه ممكن كلامى يزعلكو بس فعلا فرق كبير بين الالمانى واليابانى وبين اليابانى والكورى
معظم اللى بيكتب ويقيم بيقيم من وجهة نظر عن دون تجربه او بتجربه بسيطه
بس انا حاتكلم على تجربتى وعربيات انا اشترتها (bmw 535-320) كيا كرالوس 2000 - لانسر 2001 - كامرى 1999- كورولا 2010 دول فى الامارات
وابسط حاجه ممكن اقولها ازاى الناس وثقت فى اليابانى طول السنين دى ولما تجيله فرصه يشترى المانى بيشتريه؟
لان ثقته فى الالمانى اكبر والسؤال هنا ايه اللى خلى فى ثقه بين الناس والالمانى ولا اليابانى والكورى مؤخرا
هو ان هذه الشركات قدمت منتجات معمره بدرجات متفاوته بينها وبالتالى اصبح كل نوع يجذب اليه شريحه معينه من الناس وذلك لا يعيب اليابانى ولا الكورى ولكنها امكانيات
ارجو عدم اخذ الامور بحساسيه مفرطه وتقبلو مرورى
متتعبش نفسك يا باشا انت بتنفخ فى الهواء
مواضيع اتفتحت ياما فى الحكاية ودى وما زال الفكر مستمرا ان العربيات فئات حبة فوق وحبة تحت وكلة حسب فلوسك
مجال السيارات بشكل عام مجال مفضوح , اى شركه بتخرج بأبتكار جديد او تقنيه او حتى خامة متقدرش تحصرها على نفسها علشان ببساطة هى بتبيعها فى السوق فكل المنافسين يقدروا ياخدوها بفصصوها وبعدين يضيفوا عليها شويه ويغيروا اسمها وتبقى فى عربياتهم هما كمان ويبقى كل اللى الشركة حصدته من الابتكار ده دفعه مبيعات لحين ظهور نفس التقنيه فى باقى العربيات بجانب سطر تشريف فى صفحات التاريخ انها اول من ابتدع الحاجة دى
المهم لما نقارن نبقى على مستوى جيد من المعرفة بفئات السيارات فى السوق العالمى علشان ميجيش وقت نقارن الفئه الخامسه باللانسر !!!
سيدي الفاضل ...
العربيات كلهن سواء في الفائدة و الضرر
النهاردة شوفت علي طريق الاسماعيلية بس ...
- عربية باسات مهروسة تحت ونش (ألماني)
- عربية ياريس بوزها متدمر (ياباني)
- عربية فيات مش باين لها معالم ( أيطالي)
- 3 عربيات كوري مقلوبين (ماتريكس - فيرنا - كيا سيراتو) (كوري)
أذا كله بيتساوي وقت الحادثة لما يكون اللي سايق مش مقدر قيمة العربية اللي معاه
و برضه كله بيوصل لنفس الهدف و الغاية في أمان الله
مع خالص تحياتي
م/ سمير الشهاوي
يا باشا انا عمرى ما سمعت عن ابتكار لشركه كورى كل حاجه من اول الحزام لل اى بى اس و الاستابلتى ككنترول كل حاجه بلا استسناء مش كورى فرق ابحاث فرق خبره الههم ما انهم يقولو احنا اخترعنا السماعت بتنور مع السى دى ( كيا كوبيه ) محدش يتخانق معايا
مجرد رأى شخصى بس بتغاظ اوى من مقارنه اوروبى بكورى او يابانى بكورى
اصل على المقياس ده يبقى نقارن الصينى بالكورى ولا ايه ؟؟؟؟؟؟؟:11:
وشكرا
انا ملاحظ ان المواضيع عن جودة العربيات الكورى بالذات كترت اوى الفترة دى !!!!!
وكلها بتتكلم عن ان الكورى جودة عالية واعتمادية عاليه وعربيات لا غبار عليها
اسمحلى اتكلم بصراحة شوية لانى ملاحظ ان بقى فى مواضيع كتيرة اوى بتدور حوالين نفس النقطة اللى حضرتك اثرتها
عمر حضرتك شوفت حد فى اى قسم عربيه يابانى عامل موضوع بيتكلم عن ان اليابانى اتقدم وبقى زى الاوروبى؟؟؟
اكيد لا وولا هتشوف موضوع زى كده عن اليابانى لسبب..ان لكل مقام مقال
وابسط مثال شوف البى ام مثلا موديل تمانينات وهية ماشية دلوقت يعنى بقالها ربع قرن لو شدت مع اى عربية كورى او يابانى موديل 2010 من الفئة المتوسطة اللى معظم الناس بتشتريها وبتدافع عنها باستماته هتمسحها باستيكة وده انا جربتو بنفسى فى عربية واحد صحبى 318 كوبيه علم على عربيات موديل السنة علم عليها كتسارع والاهم من ده كلو كثبات...
رغم ان فى فرق موديل ربع قرن من الزمان يعنى تعتبر كهنه والمفروض فرق تكنولوجيا كمان بس هوه ده الفرق بين الصناعات المختلفة والتكونولوجيات المختلفه..وهوه ده الفرق بقى اللى هتلاقيه موجود مهما حصل
لكن اعذرنى فى الكلمة مش عارف ليه بقى اى عضو معاه عربية كورى مصمم يثبتلنا انها زى اليابانى ويمكن احسن وقريبة من الاوروبى
صدقنى يانورمال محدش فينا محتاج حد يثبتلو حاجة لسبب بسيط
شرا العربية ده تبع كل واحد ودماغو عاملة ازاى
يعنى انا مثلا معايا يابانى لو بعتها بكرة هجيب برضو يابانى ولو قدرت اجيب اوروبى هجيب اوروبى لكن مش هجيب كورى مهما حصل عشان دماغى كده
حضرتك برضو لو جيت تبيع العربية وحبيت تشترى ولقيت عربية يابانى بنفس امكانيات عربية كورى تانية والسعر متقارب هتجيب الكورى برضو عشان دماغك كده
ومع احترامى لموضوعك يانورمال انا رايى كالاتى:
اللى مقتنع بالكورى مش هيركب غيرو وهيكون مبسوط بيه ومش عايز يركب غيرو
واللى مقتنع باليابانى مش هيركب غيرو وهيكون مبسوط بيه ومش عايز يركب غيرو
واللى مقتنع بالاوروبى مش هيركب غيرو وهيكون مبسوط بيه ومش عايز يركب غيرو
لو قعدت تكلم اى فئة من ال 3 فئات عن ان الصناعة التانية بتتقدم ومش عارف ايه ولا هيسمعك اساسا لو قعدت تكلمهم من هنا لبكرة :)
وزى مالكورى بيتقدم اليابانى بيتقدم والاوروبى بيتقدم...اكيد مش الكورى بس بيتقدم والباقيين بيتفرجو عليهم
ياريت يكون كلامى خفيف على حضرتك وعلى فكرة انا بحترم ارائك جدا وحياديتك التامة فى كل المواضيع
تقبل تحياتى
مش سرقة , دا مجال المنافسه بشكل عام اى ابتكار جديد بتعمله شركه كل الناس بتمشى وراها
عربيتك مثلا معظمها حاجات متاخده من شركات تانيه , شركه ساب هى مثلا اول من قدمت حزام امان فى عربياتها وبعدين كل الشركات عملت زيها , كرايسلر وكاديلاك هما اول من قدم ال ABS وبعدين الشركات بقت تقدم تطويرات عليه لحد ما وصل للشكل ده , مرسيدس هى اول من قدمت تقنيه حقن الوقود اللى معروفه دلوقتى وبعدين كان من اهم التغيرات فى تاريخها اضافه من BMW على النظام
حديثا بقا قيس الكلام ده كتير من اول ال iDrive بتاع BMW لحد حساسات ضغط الاطارات وحساسات الاضاءه ونظام تنظيف المصابيح وحتى الانظمه الالكترونيه
مفيش شركه بتمشى على ابتكاراتها بس كله بينقل من بعضه علشان ميبقاش اقل من المنافسين
الصناعه الكوريه للسيارات تعرف عمرها قد ايه ؟؟
يادوب 30 سنه بس ودلوقتى فى المركز الرابع عالميا بين مصنعى السيارات , يعنى تقريبا ربع عمر الصناعه الاوروبيه ودلوقتى خلاص وصلت لكل ما وصلت اليه اوروبا وامريكا وبدأت تاخد وضعها فى فئات منافسه كتيره قوى
الصينى وضع تانى خالص وهى العربيات الوحيده اللى بشوف انها متتصنفش الا ببلد المنشأ
لأن الصناعه الصينيه بشكل عام ماشيه فى سكه تانيه ومش بتنافس على المكانه بقدر ما بتنافس على الكم , الصين واقفه على طفره معينه لو عملتها هتقلب الموازين لصالحها بس لحين الوصول للطفره دى هى مازالت لا تقارن بأى صناعه للسيارات ولا حتى الهند
موضوع قتل بحثا ،،
أنا هأقول رأيي الشخصي باختصار
باستثناء السيارات الصينية و الفرنسية ( عشان مفهومشي الحد الأدني من الاعتمادية )
بقية الماركات قابلة للمقارنة ،،،
ثانيا ،،، فيه مدرستين مختلفين في عالم السيارات
مدرسة آسيوية و مدرسة أوربية
عمرهم ما هيتقابلوا
المدرسة الأوربية بتحترم عميلها أوي و بتعمل عربية ليها مذاق معين ،،
المدرسة الآسيوية بتعمل عربية عملية ،،،
عشان كده اللي غاوي أوربي و تحديدا الألماني بيعتبر أي عربية تانية مجرد وسيلة مواصلات تقضي الغرض و خلاص
فممكن نقارن الياباني بالكوري عادي جدا جدا جدا في وجهة نظري لانهم مدرسة واحدة
لكن منقارنشي الاسيوي و من ضمنه الكوري بالأوربي
مش حكاية خامات و جودة و تكنولوجيا و الكلام السطحي ده
حكاية إن ده بيخاطب ذوق معين و ده بيخاطب ذوق تاني خالص
واحد بيحب ياكل سندوتش سريع علي الواقف و واحد بيحب يجيب اطباق و سلطات و يقعد يلحوس
و حتي الفكرة دي في وجهة نظري ليها استثناءات
و في النهاية شاء من شاء و أبي من أبي فهيونداي-كيا ،،،، رابع أكبر مصنع للسيارات في العالم