الموضوع: ترخيص الجين بالتفاصيل المملة..!!!

المشاركة الأصلية كتبت بواسطة م.محمد مختار

السلام عليكم...

اليوم و الحمد لله تمت إجراءات الترخيص و علقت النمر الجديدة ولله الحمد.
أولا 1000 مبروك إنك خلصت و ارتحت من اليوم ده

1- شراء الأوراق من الخزينة بعد ذكر أنها سيارة جديدة وأن الترخيص لمدة سنة فقط: 23 جنيه + ألف مبروك = < 25 جنيه >.
جامدة أوى العملة دى بس للأسف هى اللى ماشية فى السوق مع أختها (كل سنة و انت طيب)
25- لم يتم ذكر المثلث و لا شنطة الاسعافات من قريب أو بعيد.. وبصراحة لم أشتريها..
خللى بالك جت عليهم فترة كانوا بيوزعوهم مجانا مع الترخيص الجديد أو التجديد عموما و بعدين لما خلص المخزون بقينا احنا ملزمين بالشراء هو صحيح الحمد لله ربنا ساترها معايا و لسه ما وقفتش فى لجنة اتسألت عليهم بس هاتهم عشان للأسف لسه ما اتشالوش من القانون

إدعوا معايا لجينيتي ربنا يحفظها من العين ومن الناس المؤذية ومن عيوب الصناعة و السواقة و الركن ومن عيوب العيش في القاهرة... آمييييين
ربنا يباركلك فيها و يحفظهالك

وعقبال عندكم

المشاركة الأصلية كتبت بواسطة midosalah

ربنا يباركلك فيها

شكراً على ذوقك ربنا يبارك فيك...

المشاركة الأصلية كتبت بواسطة mahmoudsk

ربنا يباركلك فيها
على فكرة انا كنت في مرور النزهة انهاردة بردو (الاربعاء)
بس انا وصلت الساعة عشرة تقريبا
للاسف لم يحالفني الحظ واشوف حضرتك يا فندم

ده أنا لو كنت لمحت كاوتش عربية بروتون كنت استنيت صاحبها... بس يالله الجايات اكتر إن شاء الله

المشاركة الأصلية كتبت بواسطة Nistelrooy

الف مليووون مبرووووك .. اللون الرمادي بصراحة وجه نظري اشيك لووون علي الجينا ..
ربنا يبارك لك فيها ..

شكراً على ذوقك ربنا يبارك فيك... طبعاً ده رأيي برده..

المشاركة الأصلية كتبت بواسطة dr_awaw

الف مبرووووووك يا باشا
وربنا يباركلك فيها ويحفظها من كل شر

آمييين ...شكراً على ذوقك ربنا يبارك فيك...

المشاركة الأصلية كتبت بواسطة PinKawY

ألف مبــــروك يابشمهندس ربنا يحفظهالك..وشكرا علي مشاركة التجربة

شكراً على ذوقك ربنا يبارك فيك...

المشاركة الأصلية كتبت بواسطة أبومريم

ألف مبروك ربنا يديك خيرها ويكفيك شرها

آمييين .... شكراً ليك...

المشاركة الأصلية كتبت بواسطة weeja

ألف مبروك ياباشا
ربنا يباركلك فيها ويحفظهالك من كل سوء
وحاول تجيبلها غطا شيك يليق بيها لأن انت هنا في مصر معرض كل لحظة ان اي حد ظريف يمشي يشخبطلك عليها بمفتاح او يسرق العلامات ده كتير اوي عندنا في المنصورة

ربنا يبارك فيك... موضوع الغطا ده طلع صدااااع
الكام يوم اللي غطيتها فيهم قبل الترخيص زهقت من حط الغطا وشيله خاصة لما بيتترب...
بس موضوع المفتاح ده اللي راعبني...
منهم لله المؤذيين اللي بيعملوا كده... ربنا يستر

المشاركة الأصلية كتبت بواسطة mo7hamedemad

بس انا زعلان منك كنت دخلت شمال شوية فى صورة التوقيع كان فية جنبهم ساجا سيلفر كنت ختها معاك فى الصورة ( طبعا بهزر )
الف مبروك يا باش مهندس

والله الصورة كانت أكبر فعلاً بس صغرتها علشان التوقيع ..

الله يبارك فيك

المشاركة الأصلية كتبت بواسطة blackberry

الف مبروك تشوف خيرها ويكفيك شرها ان شاء الله

بالنسبه للمثلث والشنطه...هم اصلا يتوزعوا ببلاش! وكان المفروض تطلبهم, روح بكره المرور وحاول معاهم وحاول تجيبها لان لا قدر الله في اي كمين او لجنه ممكن اي حد يقول لك فين الشنطه والمثلث(مع انها نادره تتسال) بس خد احتياطك وبالتوفيق.

الكلام ده جديد....
ولا حد جاب سيرة خالص مع اني سألت...
بس ممكن أجرب فعلاً... شكراً ليك

المشاركة الأصلية كتبت بواسطة be7ee

الف مبروك يابشا ربنا يرزقق خيرها ويكفيك شرها مشاء الله

انا بس كنت عاوز اقول ان المثلث وشنطة الاسعاف بيدفع ليهم فلوس بس مش فاكر كام
وهوة دة الي بيوصل المبلغ ل 700 جنية

اة والراجل الي كان مبتسم و فجئة اختفت ابتسامتة في المرور لو طلعت فلوس وايدتهالو قدام الناس هيخدها عادي
ودة الي اكتشفتة ان العملية مش من تحت لتحت لا هناك الدنيا ظيطة واجباري الف مبروك بي خمسة جنية ودة اقل رقم ممكن يدفع في الف مبروك

انا كرهت كلمت الف مبروك

(( والف مبروك يابشا ))

الله يبارك فيك يا معلم ... اتفضل:

[img3]http://www.ta4a.com/vb/imgcache/74150.imgcache.jpg[/img3]

ابقى اطبعها بمعرفتك بقى....

شكراً يا باشا..
بالنسبة للمثلث و شنطة الاسعافات ,المشكلة ان مافيش حد يقولك الصح فيهم ايه .. واضح انهم كانوا سبوبة لحد من الناس بس اتنست!!
و لا يمكن لسة متسابة سبوبة لأمناء الشرطة ؟
منهم لله اللي عامالين يسببوا على قفا الشعب!!