الموضوع: قوانين المرور و هل له حق ام لا !

السلام عليكم

اخواني ، عندي كام سؤال بسيط اود ان اطرحه. اود ان اسافر بالعربية للغردقة و الساحل و القاهرة :)

1- لو الواحد داخل على كمين و هوا مطفي الزينون مع العلم انه باقي الاضاءة اصفر عادي ( زنون فوجات بس ) ، هل للظابط حق انه يأمر بتشغيل الفوجات و يشوف الزنون ؟ ولا حيبص في الفوج و يشوف شكل اللمبه ؟

ولا ايه الحوار بظبط و بيبقا ايه المخالفة ؟ تصالح فوري و نصيحة و لا بهدلة ؟

2- بالنسبة للستارة الخلفية هيا الي راكبه بس علشان قفانا و الشمس ، لما تدخل على كمين بيها ، هل في بهدلة و لا ايه النظام ؟ و هل هناك مخالفة تصالح فوري و خلصنا ؟ ولا بلطجة ؟

3- ازا كان الواحد معه خطبته و في كمين وقفنا و احنا مفيش حاجة غلط ( محترمين خالص ) هل له الحق ان يطلب غير الرخصة بتاعت العربية و بتاعتي ؟ ممكن يطلب بطاقتي و بطاقتها ؟ و هل ممكن يفتش العربية و الحوارات ديه ؟

الف شكر يا جماعة و معلش على الاسئلة ديه بس انا عندي كام سفرية مع الاسرة و كنت نفسي اصيف، و انا من النوع الي بيحب يأمن نفسه علشان انا معنديش صبر خالص مع بتوع المرور دول لاني بتنرفز بسرعة و ممكن اعمل لنفسي مشكلة :)

السياره الملاكي تعامل معامله المنزل اي لايجوز تفتيشها الاباذن من النيابه وفي غير حالات التلبس \ممكن يطلب يفتش لو وضعت نفسك موضع شبهه او العربيه متبلغ عنها \لو حد قال عاوز افتش اتكلم معاه براحه بس لو دارس قانون وفاهم شد معاه