لوجان f/o بتتباع في السعوديه بـ22 ألف ريال !!!!

**exart2u** · 08-07-2010 03:59 AM

لوجان F/O بتتباع في السعوديه بـ22 ألف ريال !
هو ده اللي قالهولي واحد صاحبي شغال في السعوديه لسة جاينها جديد من التوكيل .
طبعا أنا اتفاجئت وقلتلو إنت عارف هي بتتباع عندنا بكام قالي عارف التوكيل بيبـالغ في السعر .
طيب هو احنا مينفعش نرفع قضيه عالتوكيل في جمعيه حمايه حقوق المستهلك ولا نعمل إيه .
ولا احنا فلحيين نشتري عربيات والتوكيل يضحك علينا .

**M.Radwan** · 08-07-2010 06:16 AM

طب وإيه الجديد
ما أسعار كل العربيات هنا أغلى من هناك
اشمعنى اللوجان يعني اللى هتبقى رخيصة؟
شفلك قصة تانية فى اللوجان غير الأسعار

**mohamedhmk** · 08-07-2010 06:23 AM

For the small sum of Eur 5000 (USD 6105), the reliability and peace of mind of a new car can be had: this is the Renault Dacia Logan car.

الترجمة:

بمبلغ بسيط وقدره 5000 يورو (أي ما يعادل 6105 دولار أمريكي - 36054 جنيه مصري) يمكن الحصول على الاعتمادية وراحة البال التي تمنحها السيارة الجديدة: هذه هي سيارة رينو داتشيا لوجان.

المصدر: موقع رينو داتشيا لوجان الرسمي - وخدوا بالكوا دي رومانية الصنع

Renault / Dacia Logan - The New Renault/Dacia Logan Car
ومبلغ 22000 ريال = 33400 جنيه مصري

هل التوكيل بيكسب في العربيه اكتر من 50%

كده كتير جداااااا

**Most_H** · 08-07-2010 07:11 AM

بحساب الـ 40% جمارك (على ما اتذكر يعنى)

يبقى سعر الفول اوبشن 46.76 ألف جنية

**PoweRPassioN** · 08-07-2010 07:28 AM

المشاركة الأصلية كتبت بواسطة most_h

بحساب الـ 40% جمارك (على ما اتذكر يعنى)

يبقى سعر الفول اوبشن 46.76 ألف جنية

ماهي دي بالذات قالوا عليها اعفاء جمركي علشان بتتجمع ف المغرب
حسب اتفاقيه اغادير

**AirForces** · 08-07-2010 08:34 AM

ولا احنا فلحيين نشتري عربيات والتوكيل

يضحك علينا

.

وهو التوكيل اجبرك تشترى ؟؟
ولما انت اشتريتها وانت عارف ان التوكيل بيضحك عليك طب اشتريتها لييييييه وسيبت الكووووورى اللى التوكيل مبيضحكش فيه عليك

**M.Radwan** · 08-07-2010 09:53 AM

المشاركة الأصلية كتبت بواسطة mohamedhmk

For the small sum of Eur 5000 (USD 6105), the reliability and peace of mind of a new car can be had: this is the Renault Dacia Logan car.

الترجمة:

بمبلغ بسيط وقدره 5000 يورو (أي ما يعادل 6105 دولار أمريكي - 36054 جنيه مصري) يمكن الحصول على الاعتمادية وراحة البال التي تمنحها السيارة الجديدة: هذه هي سيارة رينو داتشيا لوجان.

المصدر: موقع رينو داتشيا لوجان الرسمي - وخدوا بالكوا دي رومانية الصنع

Renault / Dacia Logan - The New Renault/Dacia Logan Car
ومبلغ 22000 ريال = 33400 جنيه مصري

هل التوكيل بيكسب في العربيه اكتر من 50%

كده كتير جداااااا

حضرتك ده تلاقيه بيتكلم على أقل موديل و 1400 كمان مش 1600
الأسعار كلها هنا:
Renault / Dacia Logan Car - Prices and Options
هتلاقى ال 1600 MPI بـ 9,290 بس بالضرائب
يعني بحوالي 65 ألف جنيه مصري

**hesham_tawfiq** · 08-07-2010 11:47 AM

اسعار العربيات كللها كده فالسعوديه خصوصا الاوروبى

انا اعرف واحد جاب فولفو 4*4 موديل قديم سنه واحده بالتقسيط من الوكيل ب 26 الف ريال

متقارناش بيهم عشان هتتعب اوى :-))

بس صاحبك دا لقط اللوجان ازاى ان خلال سنه كامله مشفتش غير واحده بس فالشارع وحالتها كانت تقطع القلب

**amr.elsayed** · 08-07-2010 06:08 PM

المشاركة الأصلية كتبت بواسطة AirForces

وهو التوكيل اجبرك تشترى ؟؟
ولما انت اشتريتها وانت عارف ان التوكيل بيضحك عليك طب اشتريتها لييييييه وسيبت الكووووورى اللى التوكيل مبيضحكش فيه عليك

لا يا باشا حضرتك فاهم غلط الاستاذ صاحب الموضوع واعى ... مش خايب زينا كدة ... اقولك ازاى

عارف صاحبه اللى فى السعودية .... عنده بقى صاحب تانى ليه فى المغرب ... و صاحبه دة جابله لوجان من المغرب وبالتالى الوكيل معرفش يضحك عليه زينا ... مش بقولك طلع واعى

مش مصدق ولا ايه ... طيب حتى اسأل صاحب الموضوع كدة ... وهو اللى قال كدة

... يا ريت بقى العضو الفاضل يقولنا ازاى اشترى اللوجان من المغرب علشان الفائدة تعم ونعمل زيك والتوكيل ما يضحكش علينا

مش عارف مش لاقى ايموشن معبر اكتر من دة

منقول للافادة

المشاركة الأصلية كتبت بواسطة exart2u

أنا ليَّا واحد صاحبي من المغرب هوا نازل اسبوع وراجع وكنت قايلو انو يشوفلي الرينو لوجان عمله كام هناك بس اتفجأت من السعر اللي هو قالهولي 25000ألف جنيه للعاديه اللي من غير حاجة خالص وده كان سعر المصنع طيب أنا اتفقت معاه انو يجبلي واحدة وهو نازل بس الفول أوبشن إيه ظروف الجمارك والضرايب ويه ظروف التوكيل لو حصلتلها حاجة
ولو عايز أعمل صيانة ال5000 التوكيل هيحاسبني ازاي مع العلم إن العربية هتيجي عن طريق النقل الجوي وعلى أساس إنها بتعتو

.................................................. ..
مش منقول بس بردو للافادة

المشاركة الأصلية كتبت بواسطة ringoo

الا ماقولتليش مش انت اللى كنت حتستورد اللوجان بنفسك وكان فى واحد صاحبك مغربى حيجيبلك العربية من المغرب

المشاركة الأصلية كتبت بواسطة exart2u

أيوه أنا وصاحبي جبهالي وبقيت لوجاناوي الحمدلله معنديش مشاكل كتير زي ما الناس بتتكلم و العربيه كويسة معايا

والعضه عندي مش ملحوظة بعرف اتعامل معاها يعني

هههههههههههههههههههه غلط واعترف

المشاركة الأصلية كتبت بواسطة zkralla

سعرها من على ارضها كام (فول وهاف )؟
الضريبه كام ؟
النولون كام ؟

يا هانى مش حتاخد عقاب نافع

المشاركة الأصلية كتبت بواسطة exart2u

التوتال كان 45000 الف

لا يا راجل

المشاركة الأصلية كتبت بواسطة exart2u

بس ده كان سعر المصنع يا معلم

اممممممم مش بقولك واعى اشتريتها بسعر المصنع ..... دى صفقة بقى

المشاركة الأصلية كتبت بواسطة ringoo

صلاة النبى احسن
حضرتك جيبتها من المغرب طيب والله برافو عليك ... يعنى سيادتك كنت بتسأل على الموضوع دة يوم 24-4-2010
وفى خلال اسبوع العربية وصلت من المغرب وبقيت لوجوناوى ... يااااااااااااا سلااااااااااام .. بجد حاجة جميلة خالص مالص

بس ياض يا رينحو كفاية كدة المعلم اتفضح

المشاركة الأصلية كتبت بواسطة zkralla

هو أنت ليه ما بتردش على المداخلات

يا عم بقولك مش حتاخد حقاب نافع .. مش بتسمع الكلام يا هانى

................................
منين ما حشوفك حسيحلك يا .. يا .. يا هانى

**M.Radwan** · 08-07-2010 07:06 PM

ringoo
بجد تعليقك موتني من الضحك

الموضوع: لوجان f/o بتتباع في السعوديه بـ22 ألف ريال !!!!

LinkBack

أدوات الموضوع

عرض

-

-

-

-

-

المواضيع المتشابهه

سياره جديده فى حدود 40 الف ريال

مين معانا بيشجع ريال مدريد

17مليون ريال حصيلة أول مزاد علني على لوحات السيارات الجديدة في السعوديه

الكلمات الدلالية لهذا الموضوع

المفضلات

المفضلات

ضوابط المشاركة