اسشارة فنية من اصحاب الخبرة فى التعامل مع التوكيلات

**mohamedashry** · 08-07-2010 11:04 AM

السلام عليكم

انا مالك للاسبيرانزا m11 من حوالى 5 شهور والسيارة عاملة حوالى 6200 كيلومتر ... المهم..حصل لى موقف عند صيانة 5000 من شهر و كنت باعملها فى طومان باى و اخبرتهم ان فى هواية تكييف مش بتخرج هوا وفى صوت من ناحية العجلة اليمين المهم انهم بعد القيام بالصيانة اخبرونى انهم مش هايقدرو يحلو مشكلة التكييف حاليا لانهم لسة مفكوش التابلوه بتاع العربية من قبل و كاوتشة الكوبلن الخارجية الشمال محتاجة تتغير و مقطوعة وهى مش موجودة عندهم...قلت طب و انا اعمل اية...قالولى اتصل بباقى الفروع اسئل عليها و لو لقيتها روح وهم هايخلصوك.....طبعا دوخت على مالقيتها لحد ما لقيتها عند فرع تكنوسيرفس جسر السويس...بعد كدة حجزت تانى وانتظرت حتى اخر اليوم واخيرا دخلت العربية الصيانة و قلتلهم على عيب فى عدم خروج الهواء من هواية تكييف معينة المهم قالو ماتقلقش هانظبط كل حاجة...بعد ماستلمت العربية لقيتهم مدفعينى فلوس كتير كل حاجة طب و اية فايدة الضمان دة؟...وكمان لقيت مشكلة التكييف زى ما هى ومن قرفى وتعبى ماكنتش قادر اقاوم فمشيت.....المشكلة الرهيبة انى بعد اسبوع لقيت صوت من ناحية الكوبلن اليمين ومش عارف اعمل اية...هل القصة هتتعاد تانى وبرضة مش هاستفيد من الضمان ...انا بيتى اتخرب....انا عاوز اراءكم الموضوعية يمكن استفيد من خبرتكم...وشكرا جزيلا لكم

**karimashry2006** · 08-07-2010 01:22 PM

مش عارف اقولك اية...ربنا يكون فى عونك انا حالى مشابة ليك....ا

**odaoda** · 08-07-2010 03:42 PM

هقول اية
حسبى الله ونعم الوكيل
يا جماعة معظم الاعضاء هنا بيشتكوا من العربية
حل من اتنين يا ابو الفتوح يوقف انتاجها يا الناس تبطل تشتريها ومش يتوهموا
روح يا باشا زعق واشخط فيهم شخطتين كدة وقلهم مش دافع دة فالضمان وزعق واعمل محضر كمان
وهما يقولولك اتفضل يا افندم وتحت امرك وهنغيرلك الى انت عاوزة
ناس معندهاش ضمير
ربنا يعينك ويباركلك فعربيتك وتبقى دى اخر المشاكل

**emad7759** · 08-07-2010 04:57 PM

حسبنا لله ونعم الوكيل فيهم

وامهم ياباشا

اولا انتا المفروض مكنتش دفعت ولا جنيه ليهم

وحاليا انتا دفعت فلوس ومعك الفاتوره

خد الفاتوره مع دفتر الضمان ورح على حمايه المستهلك واشتكيهم

هناك واحكى على اللى حصل فى العربيه

لان الناس دى لاعندهم ضمير ولا عندهم تقوه

ناس لاتخاب ربنا وحسبنا لله ونعم الوكيل فيهم

ولو انتا عايز تعمل محضر ليهم اعمل محضر نصب فى القصم اللى هما تابعين ليه

وان شاء لله يرجعوه الفلوس اللى هما خدوها منك

لان اللى حصل ده انهم معنهمشى ضمير خالص

وانت مجرد ماتشتكى فى حمايه المستهلك هتجد تلفونك تحول الى سنترال

من كثره التلفونات اللى هتجيلك

وربنا يوفقق وتاخد حقق من عنيهم

وعلاشان النا اللى عماله تقول انها عربيه كويسه وتوكيل كويس يشوف اللى بيتعمل معنا

**karimashry2006** · 09-07-2010 10:37 AM

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

**mosamer** · 09-07-2010 06:37 PM

المشاركة الأصلية كتبت بواسطة karimashry2006

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

ليه خير ايه اللى حصل

**emad7759** · 09-07-2010 07:35 PM

المشاركة الأصلية كتبت بواسطة mosamer

ليه خير ايه اللى حصل

اللى حصل ابتد مشوار العزاب ياقلبى والمشاكل اشتغلت

**odaoda** · 09-07-2010 09:42 PM

المشاركة الأصلية كتبت بواسطة emad7759

اللى حصل ابتد مشوار العزاب ياقلبى والمشاكل اشتغلت

وضحلنا طيب ولا اية

**mosamer** · 09-07-2010 10:33 PM

المشاركة الأصلية كتبت بواسطة emad7759

اللى حصل ابتد مشوار العزاب ياقلبى والمشاكل اشتغلت

خير يا عمده

**emad7759** · 09-07-2010 11:39 PM

المشاركة الأصلية كتبت بواسطة karimashry2006

والله انا كمان كنت مبسوط بالعربية اول ماشتريتها بس فى خلال 3 شهور بس نجح ابو الفتوح انة يكرهنى فيها و فى عيشتى كلها

المشاركة الأصلية كتبت بواسطة odaoda

وضحلنا طيب ولا اية

انا كنت برد بدل الراجل اللى ابو الفتوح كرهه فى العربيه بس مش هوه اللى كرهه العربيه لوحده ده الكل

كرهها

المشاركة الأصلية كتبت بواسطة mosamer

خير يا عمده

انا كنت برد بدل الراجل اللى ابو الفتوح كرهه فى العربيه بس مش هوه اللى كرهه العربيه لوحده ده الكل

كرهها

انا والحمد لله عربيتى الام الشقيه لسه لم يتم الافراج عنها من عند ابو الفتوح

االظاهر ان ابو الفتوح بعت الصين يعملى طابلوه عموله ولسه مش لقين حد يعمله

وانا ان شاء لله هروح يوم الاحد الجاى علاشان اعمل ليهم محضر على وقفه العربيه عندهم واشتكى بالمره فى حمايه المستهلك اللى فى القريه الذكيه

وربنا المستعان فيهم وحسبنا لله ونعم الوكيل فيهم