الموضوع: خوفوني من اللوجان

السلام عليكم ورحمة الله وبركاته

انا يا جماعه محتاج اسمع كلامكم عن تجربتكم مع اللوجان السلبيات قبل الايجابيات انا بحب العربيه دي نويت اجيبها وبظبط نفسي وضاغط على نفسي جامد جداااا وان شاء الله نويت اجيبها بس محتاج اسمع اخر كلام منكم لاخوكم لان كل قرش هحطه باذن الله مش هقدر اعوضه لاني بعد ما نويت ناس النهارده قالولي ابعد عنها دي صاجها مش كويس احنا شايفينها عامله حوادث على طريق الاسماعيليه وصاجها ضعيف

مش هطول عليكم انا عايز اعرف

1- صاج اللوجان اخباره ايه كويس والا اقل حاجه تبهدله

2- التامين التكافلي افضل ام التامين التجاري العادي وهل فعلا في حرمانيه في التامين التجاري

3- انا بفكر في شركة قناة السويس للتامين والا ايه رايكم

4- ترخيص اللوجان الكامله بكام وايه هي الاجراءات واجراءات الرخصه تاخد وقت قد ايه من لحظة الشراء الى اتمام الترخيص بعون الله .

5- هل ممكن تركيب الغاز للسياره وباي شركه تنصحوني.

6-ايه اللي تنصحوني بيه اركبه من اكسسوارات في حدود 1000 جم علشان احافظ على الفرش والصالون من جوه وكمان هل في مصدات او اكسسوارات تعمل مصات على الرفارف او الاكصدامات وتكون عمليه وتحافظ عليها ويكون شكلا جميل .

7- هل في اي اجراءات لتامين السياره تنصحوني اعملها جهاز انذار او كلبش الدركسيون .

اخيرا لو في حاجه مهمه ما سالتش عنها ياريت تفيدوني.


انا عارف ان اسالتي فيها خوف زياده بس والله ان ا تعبان في الفلوس قوي وصعب اعوضها وشكرا لسعة صدركم وكرم اخلاقكم.

المشاركة الأصلية كتبت بواسطة joso

شكرا للاخوه الكرام اللي شرفوني بردودهم وانا سمعت عن حاجه اسمها كسر الزيرو ايه رايكم في الموضوع ده والا اتوكل على الله واجيب زيرو ومش مهم فرق السعر

والله لو تقدر تجيب كسر زيرو انت أولى بفرق الفلوس
بس متكونش ماشية أكتر من ألفين أو 3 ألاف كيلو.