الموضوع: اشترى العربية دى ولا لأ؟

السلام عليكم ورحمة الله وبركاته ...

اعضاء منتدى البيجو ازيكم عاملين ايه ... أنا من فترة كده وانا بدور على 205 وكان دايما بيجى فى دماغى ادور على حاجة كويسة ولا أدور على حاجة خلصانة بس اساساتها سليمة واظبطها براحتى وكنت دايما فى دماغى بقضل ان انا اجيب حاجة اساساتها سليمة واظبطها بمزاجى وبراحتى وعلشان تريحنى بعد كده... والنهارده كنت مع ميكانيكى بتكلم معاه لما عرف ان انا عاوز اجيب حاجة واظبطها قالى لى طيب ما فى عربيات بتيجى لوط ممكن نجيب عربية هتقف على 7 او 8 الاف ونغيرلك كل حاجة فى ميكانيكيتها ونجيب حاجتها كلها استيراد وهتبقى العربية زى ما انا عاوزها بعد الشد ... بس انا مش عارف اعمل كده ولا لأ ... انتو رأيكو ايه؟؟

المشاركة الأصلية كتبت بواسطة atamim

انا زيك بردة عايز كدة بس مفتكرش ابدا انك حتلاقى عربية ب اساسيتها نضيفة اقل من 12 ل 14 الف موديلات قبل 87 فلو جبت عربية كمان ب 8 كدة انت دخلت فى 20 ل 22 الف

الحل انك تجيب عربية فى حدود 14 الف نظيفة جوة و برة و كل حاجة و تبيع الماتور الى فيها ب 800 جنية مثلا و تسقط ماتور جديد ثمنه مثلا 1800 و تكلفة التسقيط مثلا 400 او 500 و حيتبقى الاكصدامات و البلاستكات و جنوط جداد و خلافة يبقى كدة ممكن تقف معاك على 20 الف

أول حاجة ألف شكر ليك على مساعدتك ... هو على كلام الميكانيكى ان فى حاجات بتبقى اساساتها كويسة انما كده كده محتاجة تقريبا ميكانيكتها تتغير بس انا لسه ماشوفتهاش ومش هفكر انى اخلص فى حاجة كده عن طريق الميكانيكى من غير ما اشوفها ... ولو الميكانيكى كلامه مظبوط اعتقد هتبقى كويسة بسعرها ده لان انا لو حتى اشتريت عربية ب 20 هبقى عاوز اصرف عليها تانى واظبط فيها حاجات انما كده هيبقى معايا باقى المبلغ اللى سايبه للعربية اظبط بيه براحتى وادينى مستنى لما اشوف كده عربية قدامى فعلا وان شاء الله هقرر على اساس كده

المشاركة الأصلية كتبت بواسطة smaalos

بص حضرتك الموضوع ده قريب من موضوعك جدا
http://www.nilemotors.net/nile/152101-205.html

ألف شكر ليك ... انا شفت الموضوع بس هو فى اختلافات بين اللى فى الموضوع وبين اللى بدور عليه لان انا بدور على حاجة تكون اساساتها سليمة علشان مدخلش نفسى فى متاهات تانية...